ភ្នំពេញ៖ ដីជាច្រើនកន្លែងដែលស្ថិត នៅក្នុងដៃអាជ្ញាធរជាតិដោះស្រាយវិវាទ ដីធ្លីកំពុងតែធ្វើការសម្របសម្រួលនិង ពន្លឿនធ្វើការដោះស្រាយដើម្បីកំណត់ ឱ្យច្បាស់និងប្រគល់ជូនដល់ប្រជាពលរដ្ឋ គ្រប់គ្រងឱ្យស្របទៅច្បាប់រដ្ឋបាល ដោយ មានកន្លែងខ្លះនៅមិនទាន់ដោះស្រាយ ចប់នៅឡើយហើយកន្លែងខ្លះទៀតបាន បញ្ចប់រួចរាល់និងប្រគល់សិទ្ធិកាន់កាប់ឱ្យទៅដល់ប្រជាពលរដ្ឋធ្វើការគ្រប់គ្រង រួចហើយ ។
ជាក់ស្ដែងកាលពីព្រឹកថ្ងៃទី១៤ ខែ មករា ឆ្នាំ២០១៦ អាជ្ញាធរខណ្ឌឫស្សី និងភូមិបាលខណ្ឌបានដឹកនាំកម្លាំងមួយ ក្រុមរួមជាមួយគ្រឿងចក្របានចុះបើក ផ្លូវចំនួន២ខ្សែស្ថិតនៅក្នុងតំបន់អភិវឌ្ឍន៍ឫស្សីកែវ សង្កាត់គីឡូម៉ែត្រលេខ៦ ខណ្ឌ ឫស្សីកែវដោយចាក់ដីបំពេញនិងឈូសឆាយពង្រីកឱ្យចេញជារូបរាងផ្លូវដើម្បី ងាយស្រួលធ្វើដំណើរនាពេលខាងមុខ ។
ការដឹកនាំកម្លាំងចុះអនុវត្ដបើកផ្លូវ ចំនួន២ខ្សែក្នុងតំបន់អភិវឌ្ឍន៍ខណ្ឌឫស្សី កែវនេះដឹកនាំដោយលោក* ជា* ពិសី អភិ បាលរងខណ្ឌ, លោកប៊ុន ឡុង ប្រធាន ការិយាល័យភូមិបាលខណ្ឌនិងមន្ដ្រីក្រោម ឱវាទជាច្រើនរូបទៀត ។
បើតាមការលើកឡើងឱ្យដឹងពីមន្ដ្រី ដែលចុះអនុវត្ដការពង្រីកនិងបើកផ្លូវ នេះបានបញ្ជាក់ថា ការអភិវឌ្ឍន៍នឹងមាន ផលប៉ះពាល់ដល់ដីអ្នកមាន និងអ្នកធំមួយ ចំនួន តែបើទោះបីជាប៉ះពាល់យ៉ាងណា នោះអាជ្ញាធរនៅតែបន្ដធ្វើដើម្បីឱ្យបង ប្អូនប្រជាពលរដ្ឋមានផ្លូវធ្វើដំណើខ្វាត់ ខ្វែងងាយស្រួលនៅពេលខាងមុខ ។
មន្ដ្រីដែលចុះអនុវត្ដខាងលើនេះសូម មិនបញ្ចេញឈ្មោះបានបញ្ជាក់ទៀតថា ការប៉ះពាល់ដីមួយចំនួនរបស់អ្នកមាន និងអ្នកធំខាងលើនេះគឺពួកគាត់បាន រំលោភយកដីរបស់រដ្ឋ ហើយការអភិវឌ្ឍន៍ បើកផ្លូវគឺជាប្រយោជន៍រួមមិនមែនជារបស់បុគ្គលណាម្នាក់ឡើយ ។
ផ្លូវដែលអាជ្ញាធរបានបើកទម្លុះនិង ចាក់ដីបំពេញមានផ្លូវលេខ១៨១២ដែល ចាប់ពីផ្លូវលេខ៥៩៨ ឆ្ពោះមកផ្លូវលេខ ១៧០១ មានទទឹង១០ម៉ែត្រហើយមួយ ខ្សែទៀតកាត់ចំកណ្ដាលផ្លូវលេខ១៨១២ ដែលគេដាក់ឈ្មោះផ្លូវនោះថា ផ្លូវលេខ ១៧០៣ ស្ថិតនៅក្នុងសង្កាត់គីឡូម៉ែត្រ លេខ៦ ខណ្ឌឫស្សីកែវ ។
អាជ្ញាធរក៏ដូចជាជំនាញភូមិបាល ខណ្ឌបានបញ្ជាក់ថា ថ្នាក់ដឹកនាំក៏ដូចជា អាជ្ញាធរដោះស្រាយវិវាទដីធ្លីបានខិតខំ យ៉ាងខ្លាំងក្នុងការអភិវឌ្ឍតំបន់ខាងលើ នេះ បើទោះបីជាមានការប៉ះទង្គិចបែប ណានោះក៏អាជ្ញាធរនិងជំនាញខិតខំដោះ ស្រាយសម្របសម្រួលនិងបានកំណត់ នូវគោលការណ៍ច្បាស់លាស់ដើម្បីផល ប្រយោជន៍ទៅអនាគត ។
គួររំលឹកឱ្យដឹងដែរថា ដីខាងលើនេះ ធ្លាប់មានទំនាស់អូសបន្លាយអស់រយៈ ពេលរាប់សិបឆ្នាំមកហើយដោយអ្នកខ្លះមានបង្កាន់ដៃដីមួយកន្លែងមានម្ចាស់ដល់ ទៅ៥នាក់ដែលធ្វើឱ្យអាជ្ញាធរនិងជំនាញ មានការពិបាកក្នុងការដោះស្រាយ ។ តែ ទោះបីជាមានការស្មុគស្មាញយ៉ាងណា នោះលទ្ធផលនៃការដោះស្រាយបានរលូន ទៅមុខជាសន្សឹមៗ ហើយថ្មីៗនេះតំបន់ ខាងលើនឹងមានផ្លូវខ្វាត់ខ្វែងងាយស្រួល ឱ្យបងប្អូនធ្វើដំណើរយ៉ាងស្រួលនាពេល ខាងមុខ ៕
ដោយ៖ អារុណរះ
