ខេត្តសៀមរាប៖ លោកវរសេនីយ៍ត្រីស៊ុនអេង អធិការស្ដីទីនៃអធិការដ្ឋាននគរបាលស្រុកស្វាយលើ ត្រូវបាន មជ្ឍដ្ឋាននានានិយាយតៗគ្នាថា៖លោកបានទំនាក់ទំនងអូសម៉ាស៊ីនរាវរករូបចម្លាក់វត្ថុបូរាណនៅក្នុងដីបានចំនួន០៥គ្រឿងហើយបច្ចុប្បន្នកំពុងលួចរុករាវក្នុងឃុំចំនួនពីគឺឃុំស្វាយលើនិងឃុំតាសៀម។
ប្រភពដដែលបន្តថា៖លោកអធិការរូបនេះបានបែងចែកជាពីរក្រុមគឺៈក្រុមទី១ដឹកនាំឈ្មោះសុងតឿជាទាហានកងពលតូចលេខ៤១ចុះធ្វើសកម្មភាពនៅតាមទួលល និង ប្រាសាទបូរាណក្នុងភូមិសាស្ដ្រ ឃុំស្វាយលើ ដោយប្រើម៉ាស៊ីរាវចំនួន២គ្រឿងនិងក្រុមទី០២ដឹកនាំដោយឈ្មោះ លុយ សីលា មានទីលំភូមិជប់លើ ឃុំ ស្វាយលើចុះធ្វើសកម្មភាពរាវនៅតាមទួលលនិងប្រាសាទបូរាណក្នុងភូមិសាស្ដ្រឃុំតាសៀម។
ទាក់ទិនទៅនឹងករណីនេះដែរលោកវរសេនីយ៍ត្រីស៊ុន អេង អធិការស្ដីទីនៃអធិការដ្ឋាននគរបាលស្រុកស្វាយលើ មិនអាចទាក់ទងសុំការពន្យល់បានទេនៅរសៀលថ្ងៃទី២២ខែមករានេះដោយទូរស័ព្ទរបស់នៅក្រៅតំបន់សេវា។
យ៉ាងនេះក្តីអធិការងទទួលបន្ទុកព្រហ្មទណ្ឌស្រុកស្វាយលើលោកសឹងម៉េងប្រាប់តាមទូរស័ព្ទថាករណីនេះលោកអត់បានដឹងនោះទេដោយលោកបានជំរុញឲ្យសួរទៅលោកអធិការស្តីទីវិញ។
ចំណែកលោកឧត្តមសេនីយ៍ត្រីថងសាគុណស្នងការរងទទួលបន្ទុកព្រហ្មទណ្ឌនៃស្នងការនគរបាលខេត្តសៀមរាបបានមានប្រសាសន៍នៅរសៀលថ្ងៃទី២២នេះថាករណីនេះខាងលោកកំពុងស្រាវជ្រាវនិងឃ្លាំមើលហើយព្រោះអត់ទាន់ច្បាស់ហើយវាកំពុងគេចពង្វាង។លោកបន្តថាករណីចោទថាលោកអធិការបានពាក់ព័ន្ធនឹងការរាវរករ៉ែស្ពាន់នោះគឺលោកបានដាក់កម្លាំងស៊ើបហើយកំពុងតាមរកឲ្យច្បាស់ទើបចាត់ការ។លោកបញ្ជាក់ការដាក់ម៉ាស៊ីនរាវរកស្ពាន់នេះដែរគឺគ្មាននរណាអនុញ្ញាតិនោះទេគឺខុសច្បាប់ទាំងស្រុង។លោកបញ្ជាក់ទៀតថាស្នើឲ្យបងប្អូនពលរដ្ឋឬសមត្ថកិច្ចមេត្តាជួយសហការផងបើបានឃើញករណីនេះ។
ប្រភពព័ត៌មានបានឲ្យដឹងថា លោកអនុសេនីយ៍ឯកសែមស៊ួ នាយប៉ុស្តិនគរបាលរដ្ឋបាលឃុំតាសៀមបាន សុខចិត្ដលាលែងតំណែងជានាយប៉ុស្ដិ៍ និងបានប្រគល់សម្លៀកបំពាក់ឲ្យអធិការនគរបាលស្រុកវិញ ដោយសារ តំបន់ដែលោកគ្រប់គ្រង មើលឃើញទង្វើរបស់លោក ស៊ុន អេង អធិការបំផ្លាញវត្ថុបុរាណនៅក្នុងដីបែបនេះ ខណៈដែលគ្មានសិទ្ធិហាមឃាត់ ៕
ដោយ៖ ជានិរន្ដរ៍
