ខេត្តស្វាយរៀង៖ កាលពីថ្ងៃ២២ ខែមករា ឆ្នាំ២០១៥ ម៉ោង២១និង១៥នាទី កម្លាំងនគរបាលវរៈការពារព្រំដែនលេខ៦០៩ បានចេញល្បាតតាមខ្សែបន្ទាត់ព្រំដែននៅចន្លោះបង្គោលលេខ ១៧២/៩(៣) ស្ថិតក្នុង ភូមិបាវិតកណ្តាល សង្កាត់/ក្រុងបាវិត ក៏បានប្រទះឃើញ និងឃាត់ខ្លួនជនជាតិនីហ្សេរីយ៉ាចំនួន ៥ នាក់ ប្រុស ដែលលួចឆ្លងដែនចូលកម្ពុជាដោយខុសច្បាប់ ។
សមត្ថកិច្ចបានឲ្យដឹងថា ពេលត្រួតពិនិត្យលើលិខិតឆ្លងដែនឃើញថាផុតកំណត់ពេលនោះសមត្ថកិច្ចធ្វើការឃាត់ខ្លួនជនសង្ស័ទាំង ៥ នាក់តែម្តង ក្នុងនោះរូមមានឈ្មោះដូចខាងក្រោម៖
១-ឈ្មោះ ម៉ៃ ឃើល អាយុ៤០ឆ្នាំ, ២-ឈ្មោះ អាតូនី អាយុ២៩ឆ្នាំ, ៣-ឈ្មោះ ស្ទេនលី អាយុ១៩ឆ្នាំ,៤-ឈ្មោះ គ្រីស្តូហ្វេល អាយុ៣០ឆ្នាំ និង៥ -ឈ្មោះ គ្រីស្ទុន អាយុ២៨ឆ្នាំ ។
បច្ចុប្បន្នការិយាល័យជំនាញខេត្តកំពុងសាកសួរ និងកសាងសំណុំរឿងចាត់ការតាមច្បាប់ ៕
ដោយ៖ យឹន សុថាន
