ខេត្ដពោធិ៍សាត់៖ មិនមែនជាលើក ទី១ទេដែលស្ដ្រីឆ្លងទន្លេស្លាប់នៅមន្ទីរ ពេទ្យរដ្ឋ ។ អ្វីដែលជ្រួលច្របល់ករណី ស្ដ្រីម្នាក់ឆ្លងទន្លេមិនរួច ហើយស្លាប់ទាំង ម្ដាយនិងកូនបានធ្វើឱ្យភ្ញាក់ផ្អើលតាម រយៈការផ្សាយរបស់វិទ្យុក្នុងស្រុកមួយ កាលពីយប់ថ្ងៃទី២២ ខែមករា ឆ្នាំ ២០១៦ ។
បើទោះជាយ៉ាងនេះក្ដីប្រធាន មន្ទីរពេទ្យបង្អែកខេត្ដពោធិ៍សាត់ទីដែល មានអ្នកឆ្លងទន្លេស្លាប់ អះអាងថា ក្រុម គ្រូពេទ្យបានយកចិត្ដទុកដាក់អស់ពីដៃពី ជើងក្នុងការជួយសង្គ្រោះជីវិតស្ដ្រីដែល ឆ្លងទន្លេនោះ ប៉ុន្ដែមិនដឹងជាយ៉ាងម៉េច ស្រាប់តែស្ដ្រីឆ្លងទន្លេបែកពពុះមាត់ស្លាប់ តែម្ដង ។
ស្ដ្រីម្នាក់បានធ្វើឱ្យជ្រួលច្របល់ព្រោះតែសម្រាលកូនមិនរួចបង្កការភ្ញាក់ផ្អើលកាលពីវេលាម៉ោង៧និង៣០នាទីយប់ថ្ងៃទី២២ ខែមករា ឆ្នាំ២០១៦ នៅក្នុងមណ្ឌល សុខភាពឃុំស្នាមព្រះ ស្ថិតក្នុងឃុំស្នាម ព្រះ ស្រុកបាកាន ដោយស្ថានភាពស្ដ្រីឆ្លង ទន្លេទំនងជាមានបញ្ហាទើបខាងមណ្ឌល សុខភាពបញ្ជូនស្ដ្រីឆ្លងទន្លេមកមន្ទីរពេទ្យ បង្អែកខេត្ដដើម្បីរកការសង្គ្រោះ ។ ប៉ុន្ដែ នៅពេលមកដល់មន្ទីរពេទ្យបង្អែកខេត្ដ ស្ដ្រីឆ្លងទន្លេបានបែកពពុះមាត់ ហើយ ស្លាប់តែម្ដង បើទោះបីជាក្រុមគ្រូពេទ្យ ខិតខំជួយសង្គ្រោះយ៉ាងណាក៏ដោយ ។
ស្ដ្រីខាងលើត្រូវបានស្គាល់ឈ្មោះ ញ៉ឹក ណាន អាយុ៤៥ឆ្នាំ រស់នៅក្នុងភូមិ អន្លង់មាន ឃុំស្នាមព្រះ ស្រុកបាកាន ធ្លាប់មានកូន៣នាក់រួចហើយគឺប្រុស២ នាក់ ស្រីម្នាក់ ។
តាមការរៀបរាប់របស់បុរសឈ្មោះអ៊ុន តឿ អាយុ៣៤ឆ្នាំ បានឱ្យដឹងថា គ្រួសារក្រីក្រណាស់និងត្រូវបានអាជ្ញាធរមូលដ្ឋានប្រគល់បណ្ណក្រីក្រលេខ១ឱ្យ ទៀតផង ។ កាលពីថ្ងៃទី១១ ខែមករា ឆ្នាំ២០១៦ ប្រពន្ធគាត់បានឈឺពោះហើយ គាត់បាននាំប្រពន្ធទៅកាន់មណ្ឌលសុខ ភាពតែមិនទាន់សម្រាលភ្លាមៗទេ។ លុះ ដល់ល្ងាចថ្ងៃទី២២ ខែមករា ឆ្នាំ២០១៦ ទើបប្រពន្ធគាត់ឈឺពោះសម្រាលកូន គាត់ក៏ជូនប្រពន្ធមកកាន់មណ្ឌលសុខ ភាពស្នាមព្រះដោយគិតថា ប្រពន្ធធ្លាប់ មានកូន៣រួចទៅហើយ និងម្យ៉ាងគ្មាន ប្រាក់ផងក៏នាំប្រពន្ធទៅឆ្លងទន្លេនៅ មណ្ឌលសុខភាពស្នាមព្រះដោយនៅជិត ផ្ទះផង និងអាចអស់លុយតិចផង ។ នៅ ពេលទៅដល់មណ្ឌលសុខភាពប្រពន្ធ របស់គាត់ឈឺពោះធម្មតា ប៉ុន្ដែមិនឆ្លង ទន្លេនោះឡើយ ។ ឃើញដូច្នោះក្រុមគ្រូ ពេទ្យនៅមណ្ឌលសុខភាពស្នាមព្រះក៏ បញ្ជូនមកកាន់មន្ទីរពេទ្យបង្អែកខេត្ដ តែរហូតដល់វេលាម៉ោងជិត៨យប់នៅ តែសម្រាលមិនទាន់រួចទើបបណ្ដាលឱ្យ ប្រពន្ធគាត់ដាច់ខ្យល់ស្លាប់តែម្ដង ។
ប្រធានមន្ទីរពេទ្យបង្អែកខេត្ដពោធិ៍ សាត់លោក ចាន់ សុខា បានថ្លែងថា មិន មែនក្រុមគ្រូពេទ្យរបស់លោកមិនយក ចិត្ដទុកដាក់ចំពោះអ្នកជំងឺនោះទេ ។ ឆ្លង តាមការតាមដានស្ដ្រីដែលឆ្លងទន្លេនោះ ស្បូនគាត់មិនព្រមបើកសោះ ។ មិនដឹង ជាយ៉ាងម៉េចស្រាប់តែអ្នកជំងឺបែបពពុះ មាត់ហើយស្លាប់ភ្លាមៗ បើទោះបីជា ក្រុមគ្រូពេទ្យខិតខំជួយសង្គ្រោះយ៉ាងណា ក៏ដោយ ។ លោកបានបន្ដថា វាជាការ លំបាកប្រសិនបើស្ដ្រីអ្នកជំងឺមិនបានយក ចិត្ដទុកដាក់ក្នុងការតាមដានសុខភាព របស់ខ្លួនពេលមានផ្ទៃពោះ ។ ម្យ៉ាងទៀត មិនដឹងថា តើគាត់មានជំងឺអ្វីខ្លះផងទេ ។
បើទោះជាយ៉ាងនេះក្ដីអ្នកស្ដាប់វិទ្យុ ក្នុងស្រុកមួយដែលផ្សាយផ្ទាល់អំពីរឿង រ៉ាវស្ដ្រីឆ្លងទន្លេស្លាប់ទាំងម្ដាយ និងកូន នៅឯខេត្ដពោធិ៍សាត់នោះបាននិយាយថា តើមកដល់សតវត្សទី២១ហើយមាន ករណីស្លាប់ដោយសារការឆ្លងទន្លេទាំង ម្ដាយនិងកូនទៀតឬយ៉ាងណានៅកម្ពុជា?
រឿងរ៉ាវបែបនេះវាហាក់ដូចជាការ ផ្ដល់នូវការរកាំចិត្ដជាខ្លាំងសម្រាប់ប្រជា ពលរដ្ឋខ្មែរជាមួយនឹងក្ដីសោកសៅអាណិត ស្ដ្រីរងគ្រោះ ព្រោះមិននឹកស្មានថា បច្ចេក វិទ្យាសម័យទំនើប ប៉ុន្ដែស្ដ្រីនៅតែរង គ្រោះពេលដែលឆ្លងទន្លេ ។ គេមិនដឹងថា តើក្រសួងសុខាភិបាលយល់យ៉ាងណា ចំពោះករណីខាងលើនេះ? ៕
ដោយ៖ ប៉ឹម ពិន
