ព្យុះព្រិលនៅថ្ងៃទី២៥ ខែមករា ឆ្នាំ ២០១៦ធ្វើឱ្យអាកាសយានដ្ឋានអន្ដរជាតិនៅលើកោះ Jeju ជាតំបន់ទេសចរណ៍ ដ៏ល្បីនៅក្នុងប្រទេសនេះត្រូវបានបិទទ្វារ បណ្ដាលឱ្យអ្នកដំណើរជាង៨៦.០០០នាក់ត្រូវជាប់គាំងនៅទីនោះ ។
សារព័ត៌មានកូរ៉េខាងត្បូងបានផ្សាយថានេះជាការធ្លាក់ព្រិលទ្រង់ទ្រាយធំបំផុតមិនធ្លាប់មានពីមុនមកហើយព្រិលធ្លាក់ចាប់ពីថ្ងៃទី២៣ ខែមករា មកទល់ពេល នេះ ។ នៅរមណីយដ្ឋានទេសចរណ៍ដ៏ ល្បីបំផុតរបស់កូរ៉េខាងត្បូងស្ថិតនៅលើ កោះJeju ប្រឈមនឹងការធ្លាក់ព្រិលខ្លាំង បំផុតដោយមកានសីតុណ្ហភាពនៅទីនោះ ធ្លាក់ចុះរហូតដល់ដក៦អង្សាសេ។ កាល ពីចុងសបា្ដហ៍កន្លងមកជើងហោះហើរនៅ លើកោះនោះដល់ទៅ១.១០០ជើងត្រូវ លុបចោលអ្នកដំណើររាប់សិបពាន់នាក់ ត្រូវសម្រាកនៅក្នុងអាកាសយានដ្ឋាន។ ក្រសួងចរាចរណ៍កូរ៉េខាងត្បូងបានប្រកាស ថា នឹងបិទអាកាសយានដ្ឋានរហូតដល់ ស្ថានភាពល្អប្រសើរឡើងវិញទើបអាច ហោះហើរបានដើម្បីសុវត្ថិភាពពលរដ្ឋ និងភ្ញៀវទេសចរបរទេស។
នៅក្នុងទីក្រុងសេអ៊ូលវិញសីីតុណ្ហភាព ធ្លាក់ចុះរហូតដល់ក្រោមសូន្យ -១៨ អង្សាសេជាកម្រិតទាបបំផុតមិនធ្លាប់ មានក្នុងរយៈពេល១៥ឆ្នាំកន្លងមក ។ ក្រសួងព្យាករណ៍អាកាសធាតុកូរ៉េខាងត្បូង បានបញ្ជាក់ថា អាកាសធាតុត្រជាក់ កើតឡើងខុសប្រក្រតីធ្វើឱ្យពលរដ្ឋប្រឈម នឹងផលលំបាកយ៉ាងខ្លាំងពិសេសគឺមនុស្ស ចាស់។
ក្រៅពីកូរ៉េខាងត្បូងប្រទេសជប៉ុនក៏ ប្រឈមនឹងការធ្លាក់ព្រិលទ្រង់ទ្រាយធំ បំផុតមិនធ្លាប់មានពីមុនមក។ នៅតំបន់់ ភាគខាងលិចជប៉ុនមានព្រិលធ្លាក់យ៉ាង ក្រាស់ធ្វើឱ្យមន្ដ្រីក្នុងតំបន់ប្រកាសអាសន្ន ពីការបាក់ធ្លាក់ព្រិលពីលើភ្នំ ៕
ប្រែសម្រួល៖ ម៉ែវ សាធី
