ភ្នំពេញ៖ ជនសង្ស័យម្នាក់ត្រូវបានប្រជាពលរដ្ឋចាប់ព្រួតវាយទ្រោមខ្លួនទើបប្រគល់អោយសមត្ថកិច្ចខណៈជនរូបនោះបានធ្វើសកម្មភាពកាច់សោរ.កម៉ូតូFinoមួយគ្រឿងបានសម្រេចហើយព្យាយាមជិះរត់ ។
ហេតុការណ៍នេះបង្កអោយមានការភ្ញាក់ផ្អើលកាលពីវេលាម៉ោង៩ព្រឹក ថ្ងៃទី២៦ ខែមករា ឆ្នាំ២០១៦ នៅចំណុចផ្ទះជួលមួយកន្លែងជាន់ទី២ ភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ ។
ជនសង្ស័យឈ្មោះចាន់ ប៉រ៉ា ភេទប្រុស អាយុ២៤ឆ្នាំមុខរបមិមពិតប្រាកដ មានស្រុកកំណើតភូមិត្រពាំងព្រីង ឃុំអង្គប្រសែ ស្រុករមាហែក ខេត្តស្វាយរៀង ។
តាមសាក្សីនៅកន្លែងកើតហេតុបានអោយដឹងថា នៅមុនពេលកើតហេតុជនរងគ្រោះបានទុកម៉ូតូម៉ាកFino ពណ៌ផ្កាឈូក ពាក់ស្លាកលេខភ្នំពេញ1AJ-1205 នៅខាងមុខបន្ទប់ជួលជាន់ទី២ ដោយចាក់សោរ.ក ត្រឹមត្រូវ ខណៈមកដល់វេលាកើតហេតុស្រាប់តែមានជនសង្ស័យម្នាក់បានមកធ្វើសកម្មភាពកាច់សោរ.កម៉ូតូបានសម្រេចហើយព្យាយាមជិះរត់បានបន្តិចស្រាប់តែម្ចាស់ឃើញទាន់ស្រែកថាចោរៗបង្កអោយមានការភ្ញាក់ផ្អើលដល់ប្រជាពលរដ្ឋដេញចាប់បានភ្លាមៗនិងព្រួតវាយទ្រោមខ្លួនទើបប្រគល់អោយសមត្ថកិច្ច ។
បច្ចុប្បន្នជនសង្ស័យកំពុងឃុំខ្លួនបណ្ណោះអាសន្ននៅទីស្នាក់ការនគរបាលប៉ុស្តិ៍ចោមចៅ ដើម្បីកសាងសំណុំរឿងបញ្ចូនទៅអធិការដ្ឋានខណ្ឌពោធិ៍សែនជ័យចាត់ការបន្ត ៕
...
ដោយ៖ សុខាសែនជ័យ
