ហួសចិត្ត! មន្ត្រីប្រឆាំងភេរវៈកម្មស្នងការនគរបាលរាជធានីភ្នំពេញម្នាក់ត្រូវក្រុមចោរស្ទាក់ បាញ់ប្លន់ យកម៉ូតូបានសម្រេច

ចែករំលែក៖

ភ្នំពេញ៖ ជនសង្ស័យមានគ្នា៤នាក់ ប្រដាប់ដោយកាំភ្លើងខ្លី២ដើមមិនចាំម៉ាកបានធ្វើសកម្មភាពបាញ់ប្លន់យកម៉ូតូឌ្រឹមសងសេរី ឆ្នាំ២០១៣ ពីបុរសម្នាក់ដែលគេដឹងថា ជាមន្ត្រីនគរបាលស្នងការរាជធានីភ្នំពេញ បានសម្រេច រួចគេចខ្លួនបាត់ដោយសុវត្ថិភាព ។

image2 (1)

ហេតុការណ៍នេះ បានកើតឡើងកាលពីវេលាម៉ោង ៧និង៣០នាទីយប់ថ្ងៃទី២៦ មករា ២០១៦ នៅផ្លូវលំខ្នងប្រឡាយ ខាងជើងវត្តកំពែង ស្ថិតភូមិត្រពាំងរំចេក សង្តាក់ចោមចៅ ខណ្ឌពោធិសែនជ័យ ។

ជនរងគ្រោះដែលត្រូវក្រុមចោរបាញ់ប្លន់យកម៉ូតូមានឈ្មោះ ឡេង ឡា អាយុ ៤៩ ឆ្នាំ ជាមន្ត្រីនគរនបាលការិយាល័យប្រឆាំងផ្នែកភេរវៈកម្ម ស្នងការនគរបាលរាជធានីភ្នំពេញ និងជាអ្នកយាមការដ្ធានសំណង់វិហារចិនមួយកន្លែងដែលនៅជិតកន្លែងកើតហេតុ ហើយម៉ូតូដែលក្រុមចោរប្លន់យកទៅនោះម៉ាក ហុងដារសេ១២៥ ស៊េរី ២០១៣ ពាក់ស្លាក់លេខ1BR-5389 ពណ៍ខ្មៅ។

តាមប្រភពពីជនរងគ្រោះ បានឲដឹងថា មុនពេលកើតហេតុរូបគាត់បានជិះម៉ូតូចេញពីផ្ទះនៅបឹងត្របែក មកយាមនៅការដ្ធានសំណង់ដូចសព្វដង ខណៈជិះតាមផ្លូវលំខ្នងប្រឡាយខាងជើងខ្លោងទ្វារវត្តកំពែង លុះមកដល់ចំណុចកើត ហេតុក៏មានក្រុមចោរ២នាក់ចេញមកប្រដាប់ដោយដាវ២ដើមមកស្ទាក់ ហើយគាត់បានជិះម៉ូតូផុតពីចោរ២នាក់នោះបានបន្តិច ក៏មានចោរ២នាក់ទៀត ប្រដាប់ដោយកាំភ្លើងមួយដើមបាញ់មកលើជនរងគ្រោះ១គ្រាប់ តែមិនត្រូវនោះឡើយ ហើយជនរងគ្រោះបានផ្តួលម៉ូតូ រួចបានដកកាំភ្លើងពីចង្កិះម៉ាក ប៉េអាម៉ាប់ បាញ់តទៅលើក្រុមចោរអស់៥គ្រាប់ ហើយភ្លាមនោះចោរម្នាក់ក្នុងចំណោមគ្នា៤នាក់បានលើកម៉ូតូជនរងគ្រោះជិះចេញទៅគ្នាគេម្នាក់ទៀតបាត់ទៅ ហើយជនរងគ្រោះបាញ់ដេញលើទៅចោរ២នាក់ដែលមានកាំភ្លើងរត់ទៅឆ្លងប្រឡាយទឹកបាត់ប្រមោល។

ក្រោយពេលកើតហេតុ ក៏មានប្រជាការពារភូមិមកដល់កន្លែងកើតហេតុ បានជូនជនរងគ្រោះទៅការរដ្ធានសំណង់ដែលគាត់យាម ហើយបានយកម៉ូតូពីក្នុងការរដ្ធានជិះត្រឡប់ទៅផ្ទះ ក្រោយមកក៏មានទាំងកម្លាំងប៉ូលីសនិងកម្លាំងអាវុធហត្ថ ចេញមកអន្តរាគមន៍ សួរកំណត់មុខសញ្ញានៅកន្លែងកើតហេតុ និងបានយកលេខទូរស័ព្ទរបស់ជនរងគ្រោះ ទូរស័ព្ទ ដើម្បីហៅអោយមកដាក់ពាក់បណ្តឹងនៅប៉ុស្តិនគរបាលចោមចៅ ៕

image1 (1)