មានករណីបាញ់ប្រហារគ្នារវាងកម្លាំងទាហានប្រទេសទាំងពីរនៅតំបន់ព្រំដែនកាស្មៀរ ដែលមាន
វិវាទ។
សារព័ត៌មានSputnik បានផ្សាយថា កម្លាំងទាហានឥណ្ឌា បានចោទប្រកាន់ប៉ាគីស្ថានថាបានបំពានបទឈប់បាញ់ដែលប្រទេសទាំងពីរបានព្រមព្រៀងកាលពីឆ្នាំ២០០៣ស្តីពីតំបន់ព្រំដែន(LOC) ។ ទាហានឥណ្ឌាបានប្រកាសឲ្យដឹងថា ទាហានប៉ាគីស្ថានបានបាញ់កាំភ្លើងធំឆ្លងចូលព្រំដែនឥណ្ឌា បណ្តាលឲ្យទាហានឥណ្ឌាម្នាក់ស្លាប់។ ភាគីឥណ្ឌាក៏បានវាយបកវិញភ្លាមៗផងដែរ។
តាមតួលេខពីរដ្ឋាភិបាលឥណ្ឌាបានឲ្យដឹងថា ក្នុងខែមិថុនាកន្លងមក មានទាហានឥណ្ឌា៦នាក់ស្លាប់ក្នុងការប៉ះទង្គិចគ្នានៅតាមព្រំដែនជាប់ប៉ាគីស្ថាន។ ចំណែកភាគីប៉ាគិស្ថានវិញបានបញ្ជាក់ថាមានពលរដ្ឋ៥នាក់ស្លាប់ ក្នុងនោះមានកុមារ២នាក់ ដោយសារតែការបំពានច្បាប់ឈប់បាញ់នៅតំបន់ព្រំដែន Nikial។
ឥណ្ឌានិងប៉ាគីស្ថានតែងតែចោទប្រកាន់គ្នាទៅវិញទៅមកថា បានបំពានច្បាប់ឈប់បាញ់នៅតំបន់ព្រំដែន (LOC) ។ កាលពីខែមិថុនា ឥណ្ឌាបានចោទប្រកាន់ប៉ាគីស្ថានថាបានបំពានច្បាប់ឈប់បាញ់ដល់ទៅ២០០០លើកក្នុងឆ្នាំ២០២០នេះ។ ចំណែកប៉ាគីស្ថានវិញបានចោទប្រកាន់ឥណ្ឌាថាបានបំពានច្បាប់ឈប់បាញ់៩៥៧ លើក៕
ដោយ៖ ធី រីណា
