ភ្នំពេញ៖ បុរសម្នាក់បានរងរបួសបាក់ជើងម្ខាងត្រូវបានរថយន្តសង្គ្ដឹកទៅមន្ទីរភ្លាមៗដោយសារតែរូបគាត់ជិះម៉ូតូមួយគ្រឿងក្នុងល្បឿនលឿនទាំងបញ្ច្រាសផ្លូវហើយជ្រុលបុករ៉ឺម៉កពេញទំហឹង។
ហេតុការណ៍នេះបានកើតឡើងកាលពីវេលាម៉ោង១១ និង២០នាទីថ្ងៃត្រង់ ថ្ងៃទី២៨ ខែមករា ឆ្នាំ២០១៦ នៅតាមបណ្តោយផ្លូវអូឌឹម ស្ថិតក្នុងសង្កាត់ចោមចៅ ខណ្ឌពោធិ៍សែនជ័យ។
ជនរងគ្រោះឈ្មោះ ពែល ធូ ភេទប្រុស អាយុ៤៧ឆ្នាំ ស្នាក់នៅភូមិតាស្គរ សង្កាត់ពន់សាំង ខណ្ឌព្រែកភ្នៅ ជិះម៉ូតូម៉ាកហុងដាឌ្រីម ស៊េរីឆ្នាំ២០១០ បិទតែមពណ៍ខៀវ ពាក់ស្លាកលេខកណ្តាល1l. 2167 ។ ចំណែកម្ចាស់រ៉ឺម៉ក ឈ្មោះស្រ៊ូន កំសាន ភេទប្រុស អាយុ៣៧ឆ្នាំ មានស្រុកកំំណើតនៅខេត្តតាកែវ។
តាមសាក្សីនៅកន្លែងកើតហេតុបានអោយដឹងថា នៅមុនពេលកើតហេតុុគេបានឃើញបុរសម្នាក់បើកម៉ូតូសណ្តោងរ៉ឺក ធ្វើដំណើរតាមបណ្តោយផ្លូវអូឌឹម ក្នុងទិសដៅលិចទៅកើតខណៈមកដល់ចំណុចកើតហេតុស្រាប់តែមានបុរសម្នាក់ទៀតជិះម៉ូតូហុងដាឌ្រីម ក្នុងល្បឿនលឿនទាំងបញ្ច្រាសទិសដៅចរាចរបានបុកគ្នាពេញទំហឹងបណ្តាលអោយម្ចាស់ម៉ូតូបាក់ជើងម្ខាង ចំណែកម្ចាស់រ៉ឺម៉ករបួសស្រាល ដោយឡែកម៉ូតូនិងរ៉ឺមករងការខូចខាតទាំងសងខាង។
ក្រោយពេលកើតហេតុជនរងគ្រោះត្រូវបានរថយន្តសង្គ្រោះដឹកទៅមន្ទីរពេទ្យភ្លាមៗ បន្ទាប់មកបងប្អូនខាងម្ចាស់ម៉ូតូចេញមុខមកដោះស្រាយដោយភាគីខាងម្ចាស់រ៉ឺមកចេញថ្លៃព្យាបាលចំនួន៧០$ដើម្បីបញ្ចប់រឿងនៅកន្លែងកើតហេតុ៕
ដោយ៖ សុខាសែនជ័យ
