ក្រោយពេលដែលក្រុមអ៊ិសស្លាមបង្កើត រដ្ឋរងការខាតបង់យ៉ាងច្រើនដោយសារ តែការវាយប្រហាររបស់លោកខាងលិចក្រុមនេះបានខិតខំស្វែងរកវិធីសាស្ដ្រដើម្បី ស្ដារមុខមាត់របស់ខ្លួនឡើងវីញតាមរយៈ ការគំរាមកំហែងវាយប្រហារនៅគ្រប់ ទិសទីជុំវិញពិភាពលោកពិសេសនៅក្នុងតំបន់អឺរ៉ុប ។
កាលពីថ្ងៃទី២៧ ខែមករា ឆ្នាំ២០១៦ សិស្សរាប់ពាន់នាក់មកពីសាលារៀន៦ កន្លែងនៅក្នុងប្រទេសបារាំងនិង១៤កន្លែង នៅក្នុងប្រទេសអង់គ្លេសត្រូវបានបិទទ្វារជាបន្ទាន់អនុញ្ញាតឱ្យសិស្សត្រឡប់ទៅផ្ទះភ្លាមៗក្រោយពេលរងការគំរាមកំហែងវាយប្រហារគ្រាប់បែក។
ប៉ូលិសបារាំងបានឱ្យដឹងថា សាលា រៀន៦កន្លែងដែលមានភាពល្បីល្បាញនៅ ទីក្រុងប៉ារីសដូចជាសាលារៀន Charle-magne, Fenelon, Montaigne, Condo -rcet, Henri IV និង Louis Le Grand សុទ្ធសឹងតែទទួលបានការហៅទូរស័ព្ទពីមនុស្សមិនស្គាល់អត្ដសញ្ញាណដោយបាន គំរាមថានឹងមានការវាយប្រហារគ្រាប់ បែកក្នុងអំឡុងម៉ោង១០និង២០នាទីព្រឹកដល់ម៉ោង១១និង២០ព្រឹក ។ ភ្លាមៗនោះ សិស្សនិស្សិតទាំងអស់ត្រូវបានជម្លៀស ទៅកាន់តំបន់មានសុវត្ថិភាព។ ស្ថាន ភាពបានដាក់ក្នុងភាពអាសន្នរហូតដល់ រសៀលក្រោយពេលក្រុមអ្នកឯកទេសរកមិនឃើញមានគ្រាប់បែកណាមួយត្រូវ បានគេដាក់បង្កៃនៅទីនោះ ។ ប្រទេស បារាំងកំពុងស្ថិតនៅក្នុងគ្រាមានអាសន្នចាប់តាំងពីក្រុមអ៊ិនស្លាមបង្កើតរដ្ឋបើក ការវាយប្រហារសម្លាប់មនុស្ស១៣០នាក់ នៅកណ្ដាលទីក្រុងប៉ារីសកាលពីថ្ងៃទី១៣ ខែវិច្ឆិកា ឆ្នាំ២០១៥ កន្លងទៅ។
ក្នុងពេលជាមួយគ្នានោះដែរមានសាលារៀននៅទីក្រុងឡុង៤ខ្នងបានត្រូវបិទ ទ្វារ៦ខ្នងនៅទីក្រុង West Midlands និង ៤ខ្នងស្ថិតនៅ Cornwall ត្រូវបានបិទទ្វារ ផងដែរក្រោយរងការគំរាមកំហែងវាយ ប្រហារគ្រាប់បែកដូចនៅក្នុងប្រទេស បារាំង។ ប៉ូលិសអង់គ្លេសបានជម្លៀស សិស្សនិងស្សិតទាំងអស់ទៅកាន់តំបន់ មានសុវត្ថិភាពចៀសវាងហេតុការណ៍ អាក្រក់កើតឡើងជាយថាហេតុ ។
ក្រុមអ៊ិថស្លាមបង្កើតរដ្ឋ IS បានឡើង គម្រោងវាយប្រហារនៅក្នុងទីតាំងជា ច្រើនក្នុងតំបន់អឺរ៉ុបក្រោយពេលដែលក្រុម នេះរងការវាយប្រហារយ៉ាងខ្លាំងពីសំណាក់ កម្លាំងទាហានអាកាសលោកខាងលិច ។
កន្លងមកថ្មីៗនេះស្នងការប៉ូលិសតំបន់ អឺរ៉ុបហៅកាត់ថា Europol លោក Rob Wainwright បានបញ្ជាក់ថា ក្រុមអ៊ិរស្លាម បង្កើតរដ្ឋបានពង្រីកសមត្ថភាពនៃការ វាយប្រយុទ្ធថ្មីមួយក្នុងគោលដៅវាយ ប្រហារទ្រង់ទ្រាយធំដោយផ្ដោត ពិសេស នៅលើទឹកដីអឺរ៉ុប ។ លោក Rob Wain-wright បានថ្លែងប្រាប់ជាមុនដែរថា “អង្គការរដ្ឋអ៊ិុស្លាមកំពុងរៀបចំប្រតិបត្ដិការភេរវនិយមផ្សេងៗទៀត”។
ក្រុមអ្នកជំនាញអឺរ៉ុបបានយល់ស្រប ដែរថាអង្គការរដ្ឋអ៊ិ ស្លាមពិតជាមាន ឆន្ទៈនិងសមត្ថភាពដើម្បីដឹកនាំការវាយ ប្រហារថ្មីៗទៀតនៅលើទឹកដីអឺរ៉ុបដោយផ្ដោតជាពិសេទៅលើផ្ទាំងស៊ីបសង្គមស៊ីវីល សង្គមគ្មានអាវុធតតាំង។ របាយ ការណ៍ខាងលើបានរៀបរាប់ទៀតថា “នេះ ជាយុទ្ធសាស្ដ្រថ្មីរបស់អង្គការរដ្ឋអ៊ិើស្លាមដែលចង់ធ្វើសកម្មភាពវាយប្រយុទ្ធ សរុប” ។
សូមបញ្ជាក់ថា របាយការណ៍ខាង លើគឺជាផ្លែផ្កាមួយក្រោយពីមានសិក្ខាសាលាមួយរបស់សហភាពអឺរ៉ុបដែល បានរៀបចំឡើង៣សបា្ដហ៍បន្ទាប់ពីភេរវកម្មនៅក្រុងប៉ារីស ប្រទេសបារាំងកាល ពីថ្ងៃ១៣ ខែវិច្ឆិកាឆ្នាំ២០១៥កន្លងទៅ។ អឺរ៉ុបប្រយុទ្ធប្រឆាំងតទល់នឹងភេរវនិយម មានទីស្នាក់ការនៅក្រុងឡាអេដែលបច្ចុប្បន្នមានក្រុមអ្នកជំនាញប្រមាណជា៤០នាក់ ។ នាយកប៉ូលិសអឺរ៉ុបបានគូស បញ្ជាក់ប្រាប់ដែរថាមធ្យោបាយនានា របស់ក្រុមអ្នកជំនាញទាំងនេះក៏ត្រូវតែ ពង្រឹងថែមទៀតនារយៈពេលប៉ុន្មានខែ ខាងមុខនេះខណៈដែលដែលបណ្ដាប្រទេស សមាជិកសហភាពអឺរ៉ុបបានសន្យាថា នឹងធ្វើការចែករំលែកព័ត៌មានសម្ងាត់ នានាឱ្យកាន់តែល្អប្រសើរថែមទៀតរវាង គ្នាបន្ទាប់ពីមានអំពើភេរវកម្មនៅក្រុង ប៉ារីស ៕
ប្រែសម្រួល៖ ម៉ែវ សាធី
