ភ្នំពេញ៖ យុវជនម្នាក់បានបែកក្បាលស្លាប់យ៉ាងអាណោចអាធ័មខណៈជិះម៉ូតូទាក់ដៃចង្កូតជាមួយរថយន្តទេសចរណ៍មួយគ្រឿងដួលចូលក្រោមរថយន្តកាលពីវេលាម៉ោង២និង២០នាទីរសៀលថ្ងៃទី១ ខែសីហា ឆ្នាំ២០២០ នៅចំណុចមុខផ្សារជម្ពូវ័ន តាមបណ្តោយផ្លូវជាតិលេខ៤ ស្ថិតក្នុងភូមិជម្ពូវ័ន១ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ បន្ទាប់មករថយន្តបានព្យាយាមបើកគេចខ្លួនតែត្រូវប្រជាការពារឃាត់បាននៅចំណុចរង្វង់មូលចោមចៅ។
ជនរងគ្រោះឈ្មោះឡូន សៀងលី ភេទប្រុស អាយុ១៦ឆ្នាំ ជាសិស្សសាលាNCIC ថ្នាក់ទី៧ មានស្រុកកំណេីតនៅស្រុកកំពង់ស្វាយ ខេត្តកំពង់ធំ ។
តាមសាក្សីនៅកន្លែងបានឲ្យដឹងថា មុនពេលកេីតហេតុគេបានឃេីញរថយន្តកូរ៉េ មួយគ្រឿងបើកតាមបណ្តោយផ្លូវជាតិលេខ៤ ក្នុងទិសដៅពីលិចទៅកេីតៈខណៈមកដល់ចំណុចកេីតហេតុស្រាប់តែមានម៉ូតូមួយគ្រឿងម៉ាកហុងដាឌ្រីម សេ១២៥ ស៊េរីឆ្នាំ២០២០ ពណ៌ខ្មៅ ពាក់ស្លាកលេខកំពង់ធំ1K-7116 បេីកបរដោយយុវជនម្នាក់ធ្វេីដំណេីរតាមមកពីក្រោយហេីយបានទាក់ដៃចង្កូតជាមួយទេសចរណ៍មួយគ្រឿងទៀតបណ្តាលឲ្យដួលចូលក្រោមរថយន្តកូរ៉េពណ៌ស ពាក់ស្លាកលេខកំពង់ចាម3A-5449 កិនស្លាប់យ៉ាងអាណោចអាធ័ម ។ ភ្លាមនោះរថយន្តបានបន្តដំណេីរទៅមុខទៀតរហូតទៅដល់រង្វង់មូលចោមចៅទេីបត្រូវបានប្រជាការពារដេញឃាត់បានតែម្តង។
ក្រោយកេីតហេតុម្ចាស់រថយន្តត្រូវបានបញ្ជូនទៅប៉ុស្តិ៍នគរបាលរដ្ឋបាលចោមចៅទី៣បណ្តោះអាសន្នរង់ចាំជំនាញមកធ្វេីការវាស់វែងយកម៉ូតូនិងរថយន្តទៅរក្សាទុកនៅការិយាល័យចរាចរណ៍ជេីងគោក រាជធានីភ្នំពេញដើម្បីដោះស្រាយតាមច្បាប់។ចំណែកសពត្រូវបានសមត្ថកិច្ចទំនាក់ទំនងទៅក្រុមគ្រួសារយកទៅធ្វេីបុណ្យតាមប្រពៃណីនៅឯស្រុកកំណេីត៕ដោយ៖ សុខាសែនជ័យ
