ភ្នំពេញ៖បុរសដែលជាព្រូរថយន្ដដឹកទឹកកកម្នាក់បានរងរបួសធ្ងន់ត្រូវបានរថយន្ដសង្គ្រោះបន្ទាន់ដឹកយកទៅសង្គ្រោះនៅមន្ទីរពេទ្យភ្លាមៗ ខណះដែលរថយន្ដដឹកទឹកកកបុកជាមួយរថយន្ដ តាកូម៉ា ត្រង់ចំណុចផ្លូវកែងហើយបណ្ដាលអោយរថយន្ដដឹកទឹកកកក្រឡាប់ផ្ងារជើងនិងធ្លាក់ទឹកកករាយពេញផ្លូវ។
ក្នុងហេតុការណ៍គ្រោះថ្នាក់ចរាចរណ៍នេះបានកើតឡើងនៅវេលាម៉ោង០៤និង០០នាទីទាបភ្លឺ ថ្ងៃទី១១ ខែកុម្ភះ ឆ្នាំ២០១៦ នៅចំណុចផ្លូវ១៦៣កែងនិងផ្លូវលេខ៣៦០ ស្ថិតក្នុងសង្កាត់ទួលស្វាយព្រៃ០១ ខណ្ឌចំកាមន រាជធានីភ្នំពេញ។
ប្រភពព័ត៌មានពីសាក្សីនៅកន្លែងកើតហេតុបានអោយដឹងថា នៅមុនពេលកើតហេតុគេបានឃើញរថយន្ដម៉ាកហីយ៉ាន់ដាយ ពណ៍សរ ពាក់ស្លាកលេខ ធ ០៤៨៧ ភព២ បើកបរដោយបុរសម្នាក់និងរួមដំណើរជាមួយព្រូម្នាក់ទៀតនិងធ្វើដំណើរតាមបណ្ដោយផ្លូវលេខ១៦៣ ទិសដៅពីត្បូងទៅជើងក្នុងល្បឿនលឿន លឿមកដល់ចំណុចផ្លូវកែងមិនបន្ថយល្បឿនក៏ជ្រុលទៅបុករថយន្ដតាកូម៉ា ពណ៍ទឹកប្រាក់ពាក់ស្លាកលេខ ភ្នំពេញ2AC-6029. ដែលធ្វើដំណើរតាមបណ្ដោយផ្លូវលេខ៣៦០ឆ្លងកាត់ផ្លូវ១៦៣ចំពាក់កណ្ដាលពេញទំហឹងបណ្ដាលអោយរថយន្ដដឹកទឹកកកក្រឡាប់ផ្ងារជើងនិងវិលមួយជុំ ធ្វើឲ្យបុរសម្នាក់រងរបួសធ្ងន់។ ចំណែករថយន្ដតាកូម៉ារងការខូចខាតផ្នែចំហៀងខាងឆ្វេង មិនបណ្ដាលឲ្យមនុស្សក្នុងរថយន្តរងរបួសនោះទេ។
ក្រោយកើតហេតុកម្លាំងសមត្ថិកិច្ចមូលដ្ឋានបានចុះដល់កន្លែងកើតហេតុនិងបានសហការណ៍ជាមួយកម្លាំងជំនាញចុះធ្វើការវាស់វែងស្ទួចយករថយន្ដទាំងពីរគ្រឿងយកទៅរក្សាទុកនៅការិយាល័យចរណ៍រាជធានីភ្នំពេញដើម្បីរងចាំធ្វើការដោះស្រាយនៅពេលក្រោយ៕
ដោយ៖ ជីម ភារ៉ា ដង្កោ
