ភ្នំពេញ ៖ អាចចាត់ទុកថាជាព្រឹត្ដិ ការណ៍សំខាន់ប្រចាំសប្ដាហ៍នៅលើ បណ្ដាញទំនាក់ទំនងសង្គមដែលបានផ្ដោត ការចាប់អារម្មណ៍ចំពោះព័ត៌មានស្ដីពី ការទទួលបានសញ្ញាបត្របណ្ឌិតកិត្ដិយស របស់ឧកញ៉ា ទ្រី ភាព ពីសាកលវិទ្យាល័យ អាយអាយស៊ីនៃបច្ចេកវិទ្យា នៅគ្រា ដែលប្រជាពលរដ្ឋកម្ពុជាភាគច្រើន លើសលប់យល់ថា លោកឧកញ៉ាទ្រី ភាព ជាឈ្មួញរកស៊ីឈើប្រណីតដ៏ល្បីល្បាញ នៅក្នុងប្រទេស ។
នៅក្នុងបណ្ដាញទំនាក់ទំនងសង្គម បានរិះគន់សាកលវិទ្យាល័យអាយអាយស៊ីដែលបានវាយតម្លៃប្រគល់សញ្ញា បត្របណ្ឌិតកិត្ដិយសជូនឧកញ៉ា ទ្រី ភាព។ កាលពីថ្ងៃទី១៥ ខែកុម្ភៈ ឆ្នាំ២០១៦ សាកលវិទ្យាល័យអាយអាយស៊ីបាន បង្កើតគណៈកម្មការវាយតម្លៃផ្ដល់សញ្ញាបត្របណ្ឌិតកិត្ដិយសជូនឧកញ៉ា ទ្រី ភាព ។ បណ្ឌិតជាច្រើនរូបរួមទាំងតំណាងមកពី ក្រសួងអប់រំ យុវជន និងកីឡាបានជួបជុំ គ្នាពិនិត្យលក្ខណៈសម្បត្ដិដើម្បីប្រគល់ សញ្ញាបត្របណ្ឌិតកិត្ដិយសផ្នែកសេដ្ឋ កិច្ចជូនឧកញ៉ា ទ្រី ភាព ។ ក្រុមបណ្ឌិតនៃ សាកលវិទ្យាល័យអាយអាយស៊ីរកឃើញថា ឧកញ៉ាទ្រី ភាព បានខិតខំស្រាវជ្រាវ និងចងក្រងសៀវភៅ២ក្បាលដែលមួយក្បាលមានចំណងជើងថា“ដំណើរឆ្ពោះទៅ រកភាពជោគជ័យលើវិស័យសេដ្ឋកិច្ច” និងមួយក្បាលទៀត“ក្រអាចមាន” ។ ក្រុម បណ្ឌិតសាកលវិទ្យាល័យអាយអាយស៊ី បានពិនិត្យឃើញថា ឧកញ៉ា ទ្រី ភាព កសាងភាពមានបានពីបាតដៃទទេដូច ពលរដ្ឋដទៃទៀតដែរ ។ ឧកញ៉ាទ្រី ភាព មានអតីតភាពជាកូនកសិករជាអ្នក ឡើងត្នោតរស់នៅស្រុកកណ្ដាលស្ទឹង ខេត្ដកណ្ដាលហើយក៏មិនបានទទួលការ អប់រំជ្រៅជ្រះនោះដែរ ។ នេះបើតាមការ បញ្ជាក់ពីក្រុមគ្រួសារ និងសាច់ញាតិ របស់លោកឧកញ៉ា ។
នៅក្នុងការវាយតម្លៃរបស់ក្រុម បណ្ឌិតនៃសាកលវិទ្យាល័យអាយអាយ ស៊ីបានសរសេរថា ឧកញ៉ា ទ្រី ភាព ធ្លាប់ មានជីវភាពយ៉ាប់យ៉ឺនខ្លាំងរហូតពេលខ្លះ ដាច់បាយក៏មាន កាលពីអំឡុងឆ្នាំ២០០០។ ប៉ុន្ដែជីវិតរបស់លោកឧកញ៉ាបានប្រែ ក្លាយជាធូរធារនិងរីកចម្រើនជាបន្ដ បន្ទាប់រហូតក្លាយជាសេដ្ឋីនៅក្នុងដំណាក់ កាលចុងក្រោយនេះ ។ ជីវិតរបស់ឧកញ៉ា ទ្រី ភាព បានរីកចម្រើនខ្លាំងបន្ទាប់ពី ទទួលបានសិទ្ធិក្នុងស្ដារបាតអាងវារីអគ្គិសនីអាតៃក្នុងខេត្ដពោធិ៍សាត់ដែលនៅ ទីនោះគេដឹងថា ជាប្រភពឈើដ៏ច្រើន សន្ធឹកសន្ធាប់ ។
បន្ទាប់មកឧកញ៉ា ទ្រី ភាព បានពង្រីក ខ្លួនក្នុងការរកស៊ីកាប់ឈើនៅតាមបណ្ដា ខេត្ដដទៃទៀតដូចជានៅខេត្ដរតនគិរី, ព្រះវិហារ, មណ្ឌលគិរី…ក្រោមរូបភាព ដីសម្បទានសេដ្ឋកិច្ច ។
សម្រាប់ប្រជាជនកម្ពុជាដឹងថា ជីវិត របស់ឧកញ៉ាដ៏ល្បីល្បាញម្នាក់នេះបានរីក ចម្រើនរហូតក្លាយជាសេដ្ឋីមានប្រាក់ រាប់រយលានដុល្លារគឺពឹងផ្អែកទាំងស្រុង ទៅលើជំនួញព្រៃឈើ ។ ព្រៃឈើដែលជា ចំណែកភាគផលរបស់ពលរដ្ឋខ្មែរទាំងអស់នោះវាស្ទើរក្លាយជាកម្មសិទ្ធិផ្ដាច់មុខ សម្រាប់ប្រយោជន៍របស់ឧកញ៉ាទ្រី ភាព។
ការផ្ដល់សញ្ញាបត្របណ្ឌិតកិត្ដិយស នេះនាំឱ្យផ្ទុះការរិះគន់យ៉ាងខ្លាំងពីប្រជា ពលរដ្ឋខ្មែរនៅលើបណ្ដាញសង្គមហ្វេស ប៊ុក ។ អ្នកលេងហ្វេសប៊ុកម្នាក់បាន សរសេរថា “ចូលរួមអបអរសាទរបណ្ឌិត បំផ្លាញព្រៃឈើជាធនធានកម្ពុជាហើយ កូនខ្មែរទាំងអស់ចាំថា សាកលវិទ្យាល័យ IICក៏បានរួមចំណែកបំផ្លាញធនធានធម្មជាតិព្រៃឈើដែលជាសម្បត្ដិដ៏មានតម្លៃ របស់ខ្មែរដែរ ។ ខ្ញុំនឹងប្រាប់បងប្អូន កូន ក្មួយ និងសាច់ញាតិ៧សន្ដានរបស់ខ្ញុំមិន ឱ្យចូលសិក្សានៅសាកលវិទ្យាល័យIIC នេះដាច់ខាត” ។
អ្នកលេងហ្វេសប៊ុកម្នាក់ទៀតបាន លើកឡើងថា “មិនគួរសោះដែលលើក តម្កើងជនដែលបំផ្លាញធនធានធម្មជាតិ ស្ទើរតែអស់ព្រៃឈើនៅក្នុងស្រុកខ្មែរទៅហើយនោះមិនថា តែព្រៃឈើនៅខាង ស្រុកខ្ញុំទេ គឺវាលដោយសារស្នាដៃគាត់ និងគូកនកូនចៅគាត់សឹងរលីងហើយ នៅមានមុខជាបណ្ឌិតទៀតហ្ន៎” ។ អ្នកខ្លះ បានលើកឡើងបែបបញ្ឆិតបញ្ឆៀងថា ចង់ប្ដូរអាជីពទៅកាប់ឈើថែមទៀតផង ដើម្បីបានបណ្ឌិតហ្នឹងគេ “ហា៎ស ហា៎ស ហា៎ស…បណ្ឌិត។ ស្អែកចង់ដូរអាជីពអ្នក កាប់ឈើបំផ្លាញជាតិនឹងគេដែរហើយ ក្រែងឡើងបណ្ឌិតហ្នឹងគេ ។ ចាំឈ្មោះ សាកលវិទ្យាល័យនេះទុកសម្រាប់កូន ចៅយើង” ។
ពលរដ្ឋខ្មែរម្នាក់ទៀតបាននិយាយ ដោយបង្ហាញភាពសោកស្ដាយរបស់ខ្លួនថា “ភាពពិតជាការបន្លំភ្នែក, ឡប់ឡែ ឬ ជាការភូតកុហកមហាជនដើម្បីឱ្យ ទ្រី ភាព រស់នៅសាងអំពើបំផ្លាញជាតិបន្ដ ទៀត ។ ទ្រី ភាព ជាប់ឈ្មោះជាអ្នកបំផ្លាញ ព្រៃឈើខ្មែរធ្វើមានបាននិងការលើក តម្កើង ទ្រី ភាព ជាទីប្រឹក្សានិងទទួល បានសញ្ញាបត្រកិត្ដិយសក៏ព្រោះតែចង់បញ្ជាក់ថា ទ្រី ភាព ជាមនុស្សដែលបាន កសាងសេដ្ឋកិច្ចនៃប្រទេសនេះ” ។
មិនមែនមានតែមនុស្សប៉ុន្មាននាក់ នោះទេដែលនិយាយអំពីបញ្ហាខាងលើ នេះ ។ អ្នកផ្សេងទៀតក៏បានលើកឡើង ដែរថា “ស្អែកខ្ញុំទៅកាប់ឈើនឹងគេហើយ ក្រែងបានក្លាយជាបណ្ឌិតដូចឧកញ៉ា ទ្រី ភាពដែរ” ។ ម្នាក់ទៀតសរសេរថា បើ រកស៊ីបានលុយលឿនយ៉ាងនេះស័ក្ដិសម បានបណ្ឌិតសេដ្ឋកិច្ចត្រឹមត្រូវព្រោះ លោកមហាបណ្ឌិតទាំង១៥រូបមិនទាន់ មានអ្នកណាអាចរកស៊ីលឿនដូចលោក បណ្ឌិតទ្រី ភាព ទេ ។ ដូច្នេះគួរតែលើក តម្កើងលោកបណ្ឌិត ទ្រី ភាព ។
ម្ចាស់គណនីហ្វេសប៊ុកម្នាក់ទៀតបាន សរសេរថា “អបអរសាទរបណ្ឌិតថ្មី! បើ និយាយពីបណ្ឌិតនៅអាមេរិកប្រៀបនៅ ស្រុកខ្មែរប្រហែលខុសគ្នាដាច់ហើយ! ស្រុកខ្មែរបណ្ឌិតរាប់ភ្លេច បើនិយាយពី សម្បត្ដិធម្មជាតិវិញច្រើនណាស់ មិនដឹង ជាលោក លោកស្រីបណ្ឌិតគាត់មាន គំនិតកែច្នៃដូចអាមេរិកឬជប៉ុនឬទេ? បើនិយាយរឿងព្រៃឈើគិតមើលទៅបង ប្អូនតាំងពីឆ្នាំ១៩៩៣ដើរព្រៃខ្លាចសត្វ ដល់ពេលឥឡូវដើរព្រៃរកដានជើងសត្វ មួយមិនឃើញផង” ។
បើតាមពិនិត្យទៅលើខ្លឹមសារនៃ បណ្ដាជនដែលបានបញ្ចេញយោបល់នៅ លើបណ្ដាញទំនាក់ទំនងសង្គមភាគច្រើន មានខ្លឹមសារថា ជនដែលល្បីល្បាញក្នុង របររកស៊ីកាប់ឈើដែលជាចំណែកភាគ ផលរបស់ពលរដ្ឋខ្មែរទូទៅនោះ បែរជា ទទួលបានសញ្ញាបត្របណ្ឌិតកិត្ដិយសទៅ វិញ ។ ទង្វើបែបនេះគឺញាុំងឱ្យមានការ ពេបជ្រាយជាខ្លាំង ៕ ហេង សូរិយា
