ភ្នំពេញ៖ ដើម្បីលើកទឹកចិត្ដដល់ កីឡាករកីឡាការិនីដែលខិតខំហ្វឹកហាត់អស់រយៈពេល១ឆ្នាំនៅសាលាគុនការ៉ា តេដូស្ទីលវ៉ាដូរីយ៉ូបានរៀបចំការប្រឡង ឡើងដាន់ខ្សែក្រវាត់ខ្មៅនិងប្រឡងខ្សែ ក្រវាត់ថ្នាក់គ្យូដោយមានការអញ្ជើញ ចូលរួមជាអធិបតីពីសំណាក់លោក ហង់ ជួន ណារ៉ុន រដ្ឋមន្ដ្រីក្រសួងក្រសួងអប់រំ យុវជននិងកីឡានាព្រឹកថ្ងៃទី២១ ខែកុម្ភៈ ឆ្នាំ២០១៦នៅមជ្ឈមណ្ឌលក្បាច់គុន បុរាណជប៉ុន ។
លោក ឡាច ច័ន្ទសុវណ្ណ ប្រធានក្លិប កីឡាការ៉ាតេដូវ៉ាដូរីយ៉ូបានឱ្យដឹងថា ការ ប្រឡងឡើងដាន់ខ្សែក្រវាត់នាពេលនេះ គឺក្នុងគោលបំណងលើកទឹកចិត្ដកីឡាករកីឡាការិនីដែលពួកគាត់បានខិតខំហ្វឹកហាត់ពេញ១ឆ្នាំដូច្នេះសាលាត្រូវតែរៀបចំការប្រកួតមួយដើម្បីដំឡើងដាន់ខ្សែ ក្រវាត់ដល់ពួកគាត់ជាលើកទឹកបន្ថែម ទៀត ។
ប្រធានក្លិបការ៉ាតេដូរូបនេះបានបន្ដ ទៀតថា រយៈពេល១ឆ្នាំនេះកីឡាករកីឡា ការិនីដែលត្រូវប្រឡងឡើងដាន់ខ្សែ ក្រវាត់មាន១៩នាក់មកពី៥ក្លិបនិងកីឡាករកីឡាការិនីប្រឡងយកខ្សែក្រវាត់គ្យូ ចំនួន៨ថ្នាក់មាន២២នាក់មកពី៤ក្លិប។ ក្រៅពីការប្រឡងឡើងដាន់និងប្រឡង ខ្សែក្រវាត់គ្យូហើយនោះសាលាក៏បាន ប្រគល់សញ្ញាបត្របញ្ជាក់ការសិក្សា ដល់សិស្សជំនាន់ចាស់១៧នាក់ផងដែរ។
លោកបានបន្ដទៀតថា ជាលទ្ធផល នៃការប្រឡងថ្នាក់ខ្សែក្រវាត់៨គ្យូ-ពណ៌ លឿង៥នាក់ ៧គ្យូ-ពណ៌ទឹកក្រូចទុំ៥នាក់ ៦គ្យូ-ពណ៌ផ្ទៃមេឃម្នាក់៥គ្យូ-ពណ៌ បៃតងចាស់ម្នាក់ ៤គ្យូ-ពណ៌ខៀវ៦នាក់ ៣គ្យូ-ពណ៌ស្វាយ មាន២នាក់ និង២គ្យូ -ពណ៌សូកូឡាខ្ចីមាន២នាក់ ។ ដោយឡែក ការប្រកួត ឡើងថ្នាក់ដាន់ ខ្សែក្រវាត់ខ្មៅ មានដូចជា ខ្សែក្រវាត់ខ្មៅ១ដាន់១៩នាក់ ខ្សែក្រវាត់ខ្មៅ២ដាន់៨នាក់ខ្សែក្រវាត់ ខ្មៅ៣ដាន់ម្នាក់ខ្សែក្រវាត់ខ្មៅ៤ដាន់២ នាក់ ខ្សែក្រវាត់ខ្មៅ៥ដាន់ ៤នាក់និងខ្សែ ក្រវាត់ខ្មៅ៦ដាន់២នាក់ ។
លោក ហង់ ជួនណារ៉ុន មានប្រសាសន៍ ថា ចាប់ពីឆ្នាំ២០១៦នេះតទៅក្រសួង បានឧបត្ថម្ភសហព័ន្ធកីឡាជាតិប្រមាណ៦០លានរៀលក្នុង១ឆ្នាំដើម្បីឱ្យសហព័ន្ធមានឱកាសរៀបចំហេដ្ឋានរចនាសម្ព័ន្ធនិងការហ្វឹកហាត់ ។ ក្នុងឱកាសនោះ លោករដ្ឋមន្ដ្រីក៏បានស្នើសុំឱ្យស្ថានទូត ជប៉ុនផ្ដល់គ្រូបង្វឹកល្អៗដើម្បីបណ្ដុះបណ្ដាល យុវជនថ្នាលរបស់យើងត្រៀមកីឡាអូឡាំពិក២០២០ពិសេសត្រៀមកីឡាស៊ីហ្គេមឆ្នាំ២០២៣ ៕
ដោយ៖ សារីម
