ប្រទេសកូរ៉េៈ លោក ស៊ុត ឌីណា ឯកអគ្គរាជទូតកម្ពុជា ប្រចាំប្រទេសកូរ៉េ បានថ្លែងថាៈ ក្នុងថ្ងៃទី២៤ខែកុម្ភៈ២០១៦ នេះ ខ្ញុំបានបំពេញការងារដ៏សំខាន់៥គឺ៖ ១/
ចូលរួមបុណ្យជាតិលើកទី៣២របស់ប្រទេសប្រ៊ុយណេ ដើម្បីរឹតចំណងមិត្តភាពនិងសហប្រតិបត្តិការការទូតរវាងប្រទេសទាំងពីរ។
២ /ចូលរួមជាគណៈអធិបតី នៃការប្រកាសអំពីការហោះហើរត្រង់របស់ក្រុមហ៊ុនអាកាសចរណ៏កម្ពុជា គឺ កម្ពុជាអង្គរអ៊ែរ Cambodia Angkor Air ភ្នំពេញ សេអ៊ូល ដែលមានដៃគូរប្រតិបត្តុការកូរ៉េគឺ Global Aviation Alliance Co.,Ltd ។ ការហោះហើរជើងដំបូងគឺនៅថ្ងៃទី១៧ មេសា ឆ្នាំ២០១៦ ខាងមុខ ។ សូមពលរដ្ឋខ្មែរ រួមគ្នាគាំទ្រ ក្រុមហ៊ុនអាកាសចរណ៏ខ្មែរ យើង បើទោះបីវាមិនមែន របស់ជាតិ១០០%ក៏ដោយ។
៣ /ទទួលជួបប្រធានក្រុមហ៊ុន ANYHOMES លោកGwan-Soo Kim ដែលមានបំណងទៅរកសុីនៅប្រទេស ខ្មែរយើង
៤/ ទទួលជួបប្រធានក្រុមហ៊ុនGoodFarmers លោកKyung Kook Chang ដែលំានគម្រោងរួមចំណែកអភិវឌ្ឍវិស័យកសិកម្ម។
៥/ក្រៅពីនេះគឺបំរើសេវាសាធារណៈរបស់ទូតដល់ពលរដ្ឋខ្មែរទូទៅដែលមកស្នើសុំពីស្ថានទូត ដូចជា ពន្យាលិខិតឆ្លងដែន ធ្វើលិខិតបើកផ្លូវ ប្តឹងពីថៅកែមិនបើកប្រាក់ខែគ្រប់ ឬ ប្រាក់លើសម៉ោង ប្តឹងពីការឆបោកពលករនិងពលករ ប្តឹងពីការវេរប្រាក់ អន្តរាគមន៏ដោះលែងពលករដែលប៉ូលិសចាប់ខ្លួន ។ល។ ៕ សុខ ខេមរា