សីលធម៌របស់លោក កឹម សុខាប្រធានគណបក្សសង្គ្រោះជាតិ ក្នុងរឿងបុរសចាស់ប៉ះស្រីក្មេង!
ថ្មីៗនេះ នៅតាមបណ្តាញឃោសនា និងបណ្ដាញសង្គមហ្វេសប៊ុក បានលេចឡើងនូវរឿងអាស្រូវផ្លូវភេទមួយដែលបង្ករឡើងដោយលោក កឹម សុខា មេគណបក្សសង្គ្រោះជាតិ។ រឿងនេះបើគិតសាមញ្ញៗថា ជារឿងប្រុសៗ ប្រុសណាក៏ចឹងដែរ ដូចពាក្យខ្មែរនិយាយថា “ទាល់តែនោមដាក់ផេះលែងហុយ ឬវ៉ៃដែកគោលគម្របក្តារមឈូសឯណោះ”។ តែប្រសិនបើយើងគិតពីទិដ្ឋភាពច្បាប់ និងសីធម៌វិញ លោក កឹម សុខា ជាប្រមុខគណបក្សនយោបាយដែលអះអាងមានមនុស្សជិត២លាននាក់ គាំទ្រនោះ ករណីលោក កឹមសុខា ដែលជាមនុស្សសាធារណៈ ទង្វើបែបនេះ មិនអាចនិយាយថា ជារឿងធម្មតាបាននោះទេ។
យោងតាមអាខោនហ្វេសប៊ុកឈ្មោះ មុន ស្រី (Mon Srey) បានរៀបរាប់ឲ្យដឹងថា លោក កឹម សុខា មេគណបក្សសង្គ្រោះជាតិ បានបោកប្រាសស្រីក្មេងម្នាក់ដែលជាស្រីកំណាន់របស់គាត់ រហូតដល់មានផ្ទៃពោះ តែមិនទទួលខុសត្រូវ។
ជាក់ស្តែងខ្លឹមសារនៃសម្លេងសន្ទនា ស្ត្រីរងគ្រោះជាមួយលោក កឹមសុខា ដែលត្រូវបានផ្សាយតាមអាខោនហ្វេសបុកឈ្មោះ Mon Srey មានខ្លឹមសារថា៖ «នាងខ្ញុំសោកស្តាយណាស់ ដែលបានជ្រុលខ្លួនទាក់ទងជាមួយលោក កឹម សុខា ប្រធានគណបក្សសង្រ្គោះជាតិ ដោយជឿតាមការលួងលោម និងសន្យាផ្តល់លុយកាក់និងសម្ភារៈពីគាត់។ ខ្ញុំក៏យល់ព្រមស្នេហាជាមួយគាត់រហូតបានទៅដើរលេង នៅទីក្រុងបាងកកជាមួយគាត់។ ស្ទើររាល់ថ្ងៃលោក កឹម សុខា គាត់តែងតែទូរស័ព្ទមករកខ្ញុំគាត់ ប្រាប់ខ្ញុំថាគាត់ស្រលាញ់ ខ្ញុំណាស់ ស្ទើរបាត់មុខខ្ញុំមិនបាន ថ្ងៃ១ គាត់បានទូរស័ព្ទមករកខ្ញុំ ខ្ញុំបានប្រាប់គាត់ថា ខ្ញុំមានអាការៈចេះតែចង់ក្អួតចង្អោរ សង្ស័យមានផ្ទៃពោះ គាត់ក៏ឆ្លើយវិញថា លេងសើចម្លេះ គាត់ឲ្យខ្ញុំរកវិធីការពារ ពេលបានលឺសម្តី របស់គាត់ខ្ញុំមានអារម្មណ៍អស់សង្ឃឹម ព្រោះគាត់គ្មានការទទួលខុសត្រូវអីទាំងអស់។
ប៉ុន្មានថ្ងៃមុននេះ គាត់បានហៅខ្ញុំឲ្យទៅលេងផ្ទះគាត់ នៅម្តុំផ្សារព្រែកឯង ហើយឲ្យខ្ញុំនាំមិត្តភ័ក្តិ ស្រីទៅលេងជាមួយផង ពេលគាត់ឃើញមិត្តភ័ក្តិខ្ញុំ គាត់បានបបួលមិត្តភ័ក្តិ ឲ្យធ្វើប៉ាស្ព័រទៅលេងប្រទេសបារាំងជាមួយគាត់ ពេលនោះខ្ញុំហួសចិត្ត នឹកស្មានមិនដល់ថា កឹម សុខា ជាមនុស្សប្រុសចិត្តសាវា ល្មោភតណ្ហាឃើញ ស្រីក្មេងមិនបាន បានខ្លួនហើយមិនទទួលខុសត្រូវ។ ឥឡូវនេះខ្ញុំមានការ ព្រួយបារម្ភពីសុវត្ថិភាព ព្រោះមានមនុស្សជិះម៉ូតូតាមដានខ្ញុំ ពេលនេះខ្ញុំសុំទំលាយ រឿងរ៉ាវទាំងអស់ដោយឥតអៀនខ្មាស់ព្រោះដើម្បីឱ្យមិត្តភ័ក្តិជួយខ្ញុំផង។
ស្រីក្មេងរងគ្រោះបានអំពាវនាវថា៖ ខ្ញុំសុំផ្តាំផ្ញើរចំពោះមិត្តភ័ក្តិទាំងអស់ សុំប្រុងប្រយត្ន័ជាមួយមនុស្សប្រុសរបៀបនេះ ចុងក្រោយនេះខ្ញុំសុំ បង្ហាញសំលេងទូរស័ព្ធ ទាក់ទងជាមួយ កឹម សុខា ដែលបានថតទុកហើយសុំ អោយ សមត្ថកិច្ចជួយការពារសុវត្ថិភាពឲ្យនាងខ្ញុំផង។»
ក្នុងរឿងស្នេហា៍លួចលាក់ដែលបង្កឡើងដោយលោក កឹម សុខា ជាមួយស្រីក្មេងដែលតាមដឹងថា វាមិនមែនមានតែម្នាក់នោះវានៅមានខ្លឹមសារវែងអន្លាយតទៀត តែអ្វីដែលជាការកត់សម្គាល់ក្នុងសាច់រឿងនេះបង្ហាញថាក្នុងនាមជាមនុស្សដែលមានតួនាទីខ្ពស់ក្នុងសង្គមលោក កឹម សុខា បានប្រព្រឹត្តកំហុសមួយជាបឋម គឺការរំលោភច្បាប់ឯកពន្ធភាពដោយអំពើផិតក្បត់ពីភរិយា។
តើគំរូបែបនេះត្រូវតែប្រកាន់យក?។នៅមានទៀតសម្រាប់ករណីជ្រាំដែលទាក់ទង និងរឿងលួចមានស្រីញី និងការមិនទទួលខុសត្រូវនូវទង្វើរបស់គាត់ធ្វើឲ្យមានការគិតពិចារណាថា៖ ក្នុងនាមជាអ្នកដឹកនាំមួយរូបលោក កឹមសុខា គឺជាមនុស្សមានសីលធម៌មិនស្អាតស្អំឡើយ។ ករណីនេះប្រសិនបើប្រជាពលរដ្ឋក៏ដូចជាយុវជននារីដែលគាំទ្រលោក កឹម សុខា ថាធ្វើអញ្ចឹងត្រឹមត្រូវនោះមានន័យថា មិនបានគិតដល់ការឈឺចាប់របស់អ្នករងគ្រោះឡើយផ្ទុយពីពេលកន្លងមក បងប្អូនប្រជាពលរដ្ឋដែលគាំទ្រគណបក្សសង្គ្រោះជាតិ តែងតែបន្ទោសទៅលើសមត្ថកិច្ចរាជរដ្ឋាភិបាលថា មិនបានគិតគូរដល់ប្រជាពលរដ្ឋដែលរងគ្រោះ។
សម្រាប់បុគ្គលលោក កឹម សុខា កាលពីអតីតកាលជំនាន់សាធារណៈរដ្ឋប្រជាមានិតកម្ពុជា ក្នុងតួនាទីជាកម្មាភិបាលសង្កាត់ទឹកល្អក់ក្រុងភ្នំពេញ លោកធ្លាប់មានរឿងអាស្រូវធ្វើឲ្យបាត់អង្ករ សម្រាប់ចែកជូនប្រជាពលរដ្ឋ។ លោកជាមនុស្សដែលទទួលបានការបណ្តុះបណ្តាលជាវិស្វករដោយរបបសាធារណៈរដ្ឋប្រជាមានិតកម្ពុជា នៅក្នុងប្រទេសអឺរ៉ុបខាងកើតដែលជាប្រទេសសង្គមនិយមកាលពីទសវត្ស៨០ សម័យសង្គ្រាមត្រជាក់។ ប៉ុន្តែលោក កឹម សុខា បានប្រែធាតុ (សម័យឥឡូវលោក កឹម សុខា ហៅថា ប្តូរផ្លាស់)ពេលដែលមានការអនុវត្តគោលនយោបាយបង្រួបបង្រួមជាតិ ក្រោមកិច្ចព្រមព្រៀងសន្តិភាពទីក្រុងប៉ារីស ២៣ តុលា ឆ្នាំ១៩៩១ ដោយរបបរដ្ឋកម្ពុជាដឹកនាំដោយសម្តេច ជា ស៊ីម សម្តេច ហេង សំរិន និងសម្តេច ហ៊ុន សែន និងរដ្ឋាភិបាលត្រីភាគីដឹកនាំដោយអតីតព្រះមហាក្សត្រព្រះបរមរតនៈកោដិ នរោត្តមសីហនុ ពេលមានវត្តមានអ៊ុនតាក់ លោក កឹម សុខា បានទៅចូលរួមជាមួយគណបក្សប្រជាធិបតេយ្យសេរីនិយមព្រះពុទ្ធសាសនា ដឹកនាំដោយសម្តេច ស៊ឺន សាន។ ពេលដែលគណបក្សប្រជាធិបតេយ្យសេរីនិយមព្រះពុទ្ធសាសនាបែកបាក់លោក កឹម សុខា បានរត់ចូលជាមួយគណបក្សហ៊្វុនស៊ិនប៉ិចរបស់សម្តេចក្រុមព្រះ ហើយបានជាប់ជាតំណាងរាស្រ្តទទួលជាប្រធានគណៈកម្មការសិទ្ធិមនុស្សរបស់រដ្ឋសភា។ បន្ទាប់មកពេលមើលឃើញថាគណបក្សហ៊្វុនស៊ិនប៉ិចចុះខ្សោយ លោក កឹម សុខា បានរត់ទៅបើកអង្គការសិទ្ធិមនុស្សដែលតាមរយៈនេះ លោក កឹម សុខា ផ្ទុះរឿងអាស្រូវពុករលួយគៃបន្លំថវិកាជំនួយបានផ្ទុះឡើង។ ក្រោយពីបានដើមទុនពីអង្គការសិទ្ធិមនុស្សរហូតមានលុយឲ្យកូនទៅរៀននៅបរទេស និងវោហារស័ព្ទដ៏ប៉ិនប្រសព្វដូចក្នុងរឿងស្នេហាជាមួយស្រីក្មេងជាច្រើនកន្លងមកនេះ លោក កឹមសុខា បានតម្លើងខ្លួន ជាប្រធានគណបក្សសិទ្ធិមនុស្ស និងបន្ទាប់មកបានរួមគ្នាជាមួយគណបក្ស សម រង្ស៊ី បង្កើតគណបក្សសង្គ្រោះជាតិ។
បើយោងតាមប្រវត្តិនៃជីវភាពរស់នៅរបស់លោក កឹម សុខា បង្ហាញថា៖ លោក កឹម សុខា ជាមនុស្សឱកាសនិយមដែលពាក្យស្លោកខ្មែរយើងថា ឆ្អិនត្រង់ណាស៊ីត្រង់ហ្នុងជាមនុស្សមានសីលធម៌មិនល្អ (ខូចអស់សាច់)។ តើគួរក្លាយជាមេដឹកនាំប្រទេស និងគណបក្សនយោបាយមួយដែលតែងតែទន្ទេញពីភាពស្អាតស្អំ ដូចការឃោសនាប្រាប់ប្រជាពលរដ្ឋដែរ ឬទេ? តើសមាជិក សមាជិការគណបក្សសង្គ្រោះជាតិ គួរពិចារណាពីការសង្គ្រោះគណបក្សដោយការផ្លាស់ប្តូរចេញមេដឹកនាំដែលរំលោភបំពានច្បាប់ និងមានសីលធម៌ មិនល្អស្រីញីពុករលួយ ដូចលោក កឹម សុខា ចឹងបានដែរទេ? ឬក៏ទុកធ្វើជាគំរូល្អសម្រាប់គណបក្សដែលតែងអួតអាងថា ស្អាតស្អំនោះ៕
ដោយ៖ កញ្ញា ច័ន្ទ រង្សី
