ខេត្តបាត់ដំបង៖ ជនសង្ស័យ ៥នាក់ ជាប់ពាក់ព័ន្ធករណីប្រេីប្រាស់ និងរក្សាទុកអាវុធដោយខុសច្បាប់ នៅថ្ងៃទី១៣ ខែមេសា ឆ្នាំ២០២១នេះ ត្រូវបានកម្លាំងនគរបាលខេត្តបាត់ដំបង់ កសាងសំណុំរឿបញ្ជូនទៅកាន់សាលាដំបូងខេត្តបាត់ដំបង ដេីម្បីចាត់ការតាមច្បាប់។
បេីយោងតាមរបាយការណ៍របស់មន្រ្តីនគរបាលខេត្តបាត់ដំបង បានឲ្យដឹងថា ប្រតិបត្តិការបង្ក្រាបឃាត់ខ្លួនជនសង្ស័យបានចំនួន០៥នាក់ជាបន្តបន្ទាប់ ជាប់ពាក់ព័ន្ធក្នុងករណីប្រេីប្រាស់ និង រក្សាទុក អាវុធ ដោយខុសច្បាប់នេះបានធ្វេីឡេីងនៅវេលាម៉ោង ១០និង ៣០នាទីយប់ នៅថ្ងៃទី ១១ ខែមេសា ឆ្នាំ២០២១ ត្រង់ចំណុចមុខមន្ទីរពេទ្យវិសាលសុខ ស្ថិតក្នុងភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ខេត្តបាត់ដំបង។
មន្រ្តីដដែលបន្តថា មុនពេលឈានដល់ការបង្រ្កាបជនសង្ស័យខាងលេីនេះ គឺកម្លាំងក្រុមអន្តរាគមន៍ ដែលដឹកនាំដោយលោក វរសេនីយ៍ឯក ឈឿង គឹមសុង នាយការិយាល័យនគរបាលព្រហ្មទណ្ឌកម្រិតស្រាលខេត្ត បានជិះល្បាតក្នុងមូលដ្ឋានដេីម្បីទប់ស្កាត់បទល្មេីសក្នុងមូលដ្ឋាន និងអនុវត្តវិធានការបង្ការការពារនៃជំងឺកូវីដ-១៩ ដែលកំពុងរាលត្បាតជាសកលនៅលើពិភពលោក។
លុះជិតមកដល់ចំណុចខាងលេី ក៏ប្រទះឃេីញក្រុមជនសង្ស័យកំពុងប្រមូលផ្ដុំគ្នា ទេីបចុះត្រួតពិនិត្យស្រា់តែដកហូតវត្ថុតាងជាក់ស្ដែងតែម្តង។
ចំណែកវត្ថុតាងដកហូតរួមមាន៖ គ្រឿងញៀនចំនួន; ដាវ និងកាំបិតកែច្នៃចំនួន ៣ដេីម; និងកាំភ្លេីងខ្លីមួយដេីម។
ក្រោយឃាត់ខ្លួនជនសង្ស័យទាំងនេះ រួមនឹងវត្ថុតាងត្រូវបានបញ្ជូនទៅស្នងការនគរបាលខេត្ត ដេីម្បីឃាត់ខ្លួនសាកសួរ និងកសាងសំណុំរឿងបញ្ជូនទៅសាលាដំបូងខេត្តចាត់ការតាមនីតិវិធី៕ដោយ៖សហការី
