ភ្នំពេញ ៖ បុរសម្នាក់បេីករថយន្តPrius មួយគ្រឿង ហេីយរេចង្កូតទៅបុកកន្លែងលក់បាយឆា មីឆា គុយទាវ មុខផ្សារព្រែកជ្រៃ រងការខូចខាតយ៉ាងដំណំ និងអ្នកលក់រងរបួសស្រាល កាលពីវលាម៉ោង១១ និង៣០នាទីយប់ ថ្ងៃអាទិត្យ ទី១៨ ខែកក្កដា ឆ្នាំ២០២១ ត្រង់ចំណុចមុខផ្សារព្រែកជ្រៃ តាមបណ្ដោយផ្លូវ២១៧ ក្នុងសង្កាត់ស្ពានថ្ម ខណ្ឌដង្កោ រាជធានីភ្នំពេញ ។
បេីតាមសម្ដីស្ត្រីរងគ្រោះ និងជាអ្នកលក់បាយឆា មីឆា ខាងលេីបានប្រាប់ឲ្យដឹងថា មុនកេីតហេតុ រូបគាត់កំពុងឆាបាយខ្ចប់ឲ្យភ្ញៀវ ពេលនោះក៏ក្រឡែកឃេីញរថយន្តបង្កម៉ាក Toyota Prius ពណ៌ស ពាក់ស្លាកលេខភ្នំពេញ 2AQ-0751 បានធ្វេីដំណេីរតាមបណ្ដោយផ្លូវ២១៧ ទិសដៅពីជេីងមកត្បូង ដោយទំនងចង់ចូលហូបអីកន្លែងគាត់ តែពេលជិតមកដល់មិនបន្ថយល្បឿន ហេីយក៏បុកទូរកញ្ចក់ និងរបស់របបលក់ដូររបស់គាត់ឲ្យរងការខូចខាតយ៉ាងច្រេីន ព្រមទាំងធ្វេីឲ្យគាត់រងរបួសបន្តិចបន្ទួចទៀតផង ។
ក្រោយកេីតហេតុ សមត្ថកិច្ចមូលដ្ឋានបានចុះមកដល់ ហេីយឲ្យភាគីទាំងសងខាងធ្វេីការចចារគ្នាមួយជំហ៊ានសិន ។ បន្ទាប់មកភាគីខាងរថយន្តបង្កបានទទួលកំហុស ក៏យល់ព្រមសងថ្លៃខូចខាត និងថ្លៃព្យាបាលរបួស ឲ្យទៅជនរងគ្រោះអ្នកលក់បាយឆា មីឆា ដេីម្បីបញ្ចប់រឿង ៕
ដោយ ៖ ភារ៉ា ដង្កោ
