ភ្នំពេញៈ​ សម្តេចតេជោ​ ហ៊ុន​ សែន​ មានប្រសាសន៍ថាៈ​ ថ្ងៃនេះខ្ញុំបានជួបប្រជុំពិភាក្សាការងារជាមួយនិង ឯកឧត្ដម Masakazu Hamachi ព្រមទាំងបានធ្វើអធិបតីភាពនៅក្នុងពីធីចុះហត្ថលេខា រវាង ឯឧ ហោ ណាំហុង រដ្ឋមន្ត្រីការបរទេសនិងសហប្រតិបត្តិការអន្តរជាតិ ជាមួយ ឯកអគ្គរដ្ឋទូតជប៉ុនប្រចាំព្រះរាជាណាចក្រកម្ពុជា លោក Yuji Kumamaru ស្ដីពីហិរញ្ញប្បទានឥតសំណងដែលមានទឹកប្រាក់៤,៧១៥ លានយ៉េន សម្រាប់ជួសជុលឡើងវិញនូវស្ពានជ្រោយចង្វារ និងជំនួយបច្ចេកទេសបោសសម្អាតមីនដំណាក់កាលទី៧ ព្រមទាំងឥណទានសម្បទានដែលមានទឹកប្រាក់១៧,២៩៨លានយ៉េន សម្រាប់ជុសជុលផ្លូវជាតិលេខ៥ ពីព្រែកក្ដាមទៅធ្លាម្អម ដំណាក់កាលទី២។

ខ្ញុំសូមអរគុណរដ្ឋាភិបាលជប៉ុន និងប្រជាពលរដ្ឋជប៉ុន ដែលតែងតែយកចិត្តទុកដាក់ជួយកសាង និងអភិវឌ្ឍន៌ប្រទេសកម្ពុជាអោយកាន់តែរីកចម្រើនទៅមុខ៕