ភ្នំពេញ ៖ ជនសង្ស័យម្នាក់ឃេីញម៉ូតូគេទុកនៅមុខផ្ទះទំនងពេកក៏ធ្វេីសកម្មភាពលួចយក រួចបណ្តេីររត់គេចខ្លួន តែត្រូវជនរងគ្រោះជាម្ចាស់ម៉ូតូតាមស្វែងរកឃេីញហើយឃាត់ខ្លួនប្រគល់ជូនសមត្ថកិច្ចកាលពីវេលាម៉ោង១២និង៣០នាទីរំលងអធ្រាត្រ ឈានចូលថ្ងៃទី២៣ ខែកក្កដា ឆ្នាំ២០២១ នៅតាមផ្លូវបេតុង ក្នុងភូមិថ្មគោល៣ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ ។
ជនសង្ស័យឈ្មោះភួង ចាន់ណារិទ្ធ ភេទប្រុស អាយុ២៣ឆ្នាំ មុខរបរមិនពិតប្រាកដ ស្នាក់នៅជិតវត្តគោកបញ្ជាន់ ភូមិចោមចៅទី៣ សង្កាត់ចោមចៅទី២ ខណ្ឌពោធិ៍សែនជ័យ ។
ចំណែកជនរងគ្រោះឈ្មោះជ័យ ចាន់ ភេទប្រុស អាយុ៦៥ឆ្នាំ មុខរបរនៅផ្ទះ ស្នាក់នៅតាមផ្លូវបេតុង ក្នុងភូមិថ្មគោល ៣ សង្កាត់ចោមចៅទី២ ខណ្ឌពោធិ៍សែន
ជ័យ ។
តាមសម្តីជនរងគ្រោះបានឱ្យដឹងថា មុនពេលកេីតហេតុគាត់បានយកម៉ូតូរបស់គាត់ម៉ាកស្មាស់វី ពណ៌ក្រហម ពាក់ស្លាកលេខភ្នំពេញ1DG-5187 ចតទុកនៅខាងមុខផ្ទះដូចសព្វមួយដង ដោយមិនបានចាក់សោ.កនោះទេ ហេីយក៏បានចូលទៅសម្រាកក្នុងផ្ទះ ។ លុះពេលគាត់ភ្ញាក់ដឹងខ្លួនម្តងក៏ងាកមេីលម៉ូតូរបស់គាត់មិនឃេីញក៏ស្រែកឆោឡោឡេីង និងតាមរករហូតទៅដល់មាត់ស្រះព្រះទន្លេខាង
កេីតក៏ឃេីញជនសង្ស័យកំពុងបណ្តេីរម៉ូតូរបស់គាត់ទេីបធ្វេីការឃាត់ខ្លួនប្រគល់ជូនសមត្ថកិច្ចតែម្តង។
បច្ចុប្បន្ន ជនសង្ស័យត្រូវបានសមត្ថកិច្ចកសាងសំណុំរឿងបញ្ជូនទៅផ្នែកព្រហ្មទណ្ឌនៃអធិការដ្ឋាននគរបាលខណ្ឌពោធិ៍សែនជ័យដេីម្បីចាត់ការតាមច្បាប់ចំណែកម៉ូតូត្រូវបានប្រគល់ជូនម្ចាស់វិញ៕
ដោយ៖សុខាសែនជ័យ
