ខេត្តពោធិ៍សាត់ ៖ នារសៀលថ្ងៃព្រហស្បតិ៍ ១៤រោច ខែអស្សុជ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី៤ ខែវិច្ឆិកា ឆ្នាំ២០២១ នៅសាលប្រជុំ VideoConferece សាលាខេត្តពោធិ៍សាត់ បើកកិច្ចប្រជុំពិភាក្សាមួយ ក្នុងគោលដៅលើកកម្ពស់សក្ដានុពលនៃបឹងទន្លេសាប ក្នុងភូមិសាស្ត្រខេត្តពោធិ៍សាត់ ដើម្បីឲ្យកាន់តែមានតម្លៃផ្នែកវិស័យទេសចរណ៍ ។

កិច្ចប្រជុំពិភាក្សាខាងលើ ក្រោមអធិបតីភាព លោក ជាវ តាយ អភិបាលនៃគណៈអភិបាលខេត្តពោធិ៍សាត់ អមដោយលោក អុឹង​ គឹមលាង​ អភិបាលរងខេត្ត នាយករដ្ឋបាលស្ដីទីសាលាខេត្ត មន្ត្រីមន្ទីរជំនាញពាក់ព័ន្ធ និងក្រុមការងារស្រាវជ្រាវនៃរាជបណ្ឌិតសភាកម្ពុជា ដឹកនាំដោយលោក បណ្ឌិត សុខ ទូច ជាប្រធាន ។

អភិបាលនៃគណៈអភិបាលខេត្តពោធិ៍សាត់ លោក ជាវ តាយ បានឲ្យដឹងថា កិច្ចជុំនួបពិភាក្សានេះ ក្រោមប្រធានបទៈ ក្នុងគោលដៅលេីកកម្ពស់សក្តានុពលនៃបឹងទន្លេសាប ក្នុងភូមិសាស្ត្រខេត្តពោធិ៍សាត់ ឱ្យកាន់តែមានតម្លៃសម្រាប់វិស័យទេសចរណ៍ ៕

ដោយៈ បុឹម ពិន