សារព័ត៌មានកូរ៉េខាងជើងKCNA បានផ្សាយថា កូរ៉េខាងជើងនៅថ្ងៃទី២២ ខែមេសាបានប្រកាសថា ពលរដ្ឋ១៣គ្រួរសារដែលបានរត់ទៅជ្រកកោននៅកូរ៉េខាងត្បូង ត្រូវបញ្ជូនត្រឡប់មកវិញ។ កន្លងមករដ្ឋា ភិបាលទីក្រុងសេអ៊ូលបានប្រកាសថា ពលរដ្ឋ១៣គ្រួរសារបានទៅកាន់កូរ៉េខាងត្បូងតាមផ្លូវភូមិPanmunjom ដើម្បីជួបសាច់ញ្ញាតនៅកូរ៉េខាងត្បូង។
កន្លងមកសារព័ត៌មានយ៉ុនហាប់របស់កូរ៉េខាងត្បូងបានផ្សាយថា កកបាទក្រហមកូរ៉េខាងជើងកាលពីថ្ងៃទី២១ ខែមេសា បានទាមទារសុំជួបជាមួយគ្រួសារទាំង១៣ខាងលើដែលបានរត់ទៅកាន់ទីនោះដើម្បីបញ្ជាក់ឲ្យច្បាស់ពីគោលជំហររបស់អ្នក ទាំងនោះថា ចង់រស់នៅកូរ៉េខាងត្បូងឬវិលត្រឡប់ទៅកាន់កូរ៉េខាងជើងវិញ។
សារព័ត៌មានKCNA របស់កូរ៉េខាងជើងបានផ្សាយថា ទីក្រុងព្យុងយ៉ាងនឹងបញ្ចូនសាច់ញ្ញាតរបស់ពលរដ្ឋទាំង១៣គ្រួសារនេះទៅកាន់ព្រំដែនដើម្បីជួបជាមួយអ្នក ទាំងនោះ។ ប៉ុន្តែប្រសិនបើភាគីកូរ៉េខាង ត្បូងមិនយល់ព្រមទេនោះកូរ៉េខាងជើងនឹងមានវិធានការតបតវិញឲ្យបានសមស្រប បំផុត។
នៅពេលនេះរដ្ឋាភិបាលកូរ៉េខាងត្បូង មិនទាន់មានប្រតិកម្មអ្វីជុំវិញបញ្ហាខាងលើនៅឡើយទេ ប៉ុន្តែតាមការសន្និដ្ឋានអ្នក ទាំងនោះអាចនឹងសុំរស់នៅជាជនភៀស ខ្លួនក្នុងទឹកដីកូរ៉េខាងត្បូង ដើម្បីជួបជុំសាច់ ញ្ញាតដោយមិនហ៊ានវិលត្រឡប់ទៅស្រុក វិញនោះឡើយ។ ជាទូទៅអ្នកដែលត្រូវបាន រដ្ឋាភិបាលកូរ៉េខាងជើងចាត់ទុកថា ជាអ្នក រត់ភៀសខ្លួនចេញពីប្រទេសនោះពេលចាប់ ត្រឡប់មកវិញនឹងត្រូវទទួលទណ្ឌកម្មឬជាប់ ពន្ធនាគារជាច្រើនឆ្នាំទៀតផង៕
ប្រែសម្រួល៖ ម៉ែវ សាធី
