ការប្រកួតតប្រជែងចូលទៅកៅអីម្ចាស់ក្នុងសេតវិមានលើកទី៤៥ ពេលនេះកំពុងឈានដល់ដំណាក់កាលតានតឹងបំផុត ពេលដែលមានបេក្ខភាពជាច្រើនប្រកាសឈរឈ្មោះបោះឆ្នោតដណ្តើមអាសននោះ។
បច្ចុប្បន្នមហាសេដ្ឋី Donald Trump កំពុងតែនាំមុខទៅលើបេក្ខភាពនានារបស់គណបក្សសាធារណរដ្ឋ។ ចំណែកលោកស្រីហីលឡារីញលីនតុនកីនាំមុខក្នុងចំណោមបេក្ខភាពនៅក្នុងគណបក្សប្រជាធិបតេយ្យផងដែរ។
ការប្រឈមមុខដាក់គ្នាផ្ទៃក្នុងនៅក្នុងគណបក្សសាធារណរដ្ឋកំពុងស្ថិតនៅក្នុងដំណាក់កាលតានតឹងបំផុត ដោយសារនៅក្នុងគណបក្សនោះមានបេក្ខភាពចូលរួមប្រកួតតប្រជែងមានរហូតដល់ទៅ១៦រូប។
អភិបាលរដ្ឋOhio កាលពីថ្ងៃទី២២ខែកក្កដាក៏បានប្រកាសជាផ្លូវការដែរថានឹងឈរឈ្មោះជាបេក្ខភាពប្រធានាធិបតីក្នុងការបោះឆ្នោតឆ្នាំ២០១៦។ លោកJohn Kasich អាយុ៦៣ឆ្នាំបានជាប់ឆ្នោតជាអភិបាលរដ្ឋOhio ពីរអាណត្តិរួមមក។ លោកបានប្រកាស់ថាពេលនេះលោកមានសមត្ថភាពគ្រប់គ្រាន់ក្នុងការបំពេញក្តីសុបិន្តរបស់អាមេរិក។
ក្នុងចំណោមបេក្ខភាពទាំង១៦រូបនៅក្នុងគណបក្សសាធារណរដ្ឋមានតែមហាសេដ្ឋីDonald Trump នាំមុខគេតាំងពីដើមមក។
ក្នុងពេលជាមួយគ្នានេះដែរ លទ្ធផលនៃការស្ទាបស្ទង់មតិបង្ហាញឲ្យឃើញថាពលរដ្ឋអាមេរិកនៅតែ គាំទ្រលោកស្រីគ្លីនតុន ជាបេក្ខភាពប្រធានាធិបតីលេចធ្លោជាងគេបំផុតមកពីគណបក្សប្រជាធិបតេយ្យ ក្នុងការបោះឆ្នោតប្រធានាធិបតីអាមេរិកនៅឆ្នាំ២០១៦ខាងមុខទទួល បានការគាំទ្រច្រើនជាងគេបង្អស់ក្នុងចំណោមបេក្ខភាពប្រធានាធិបតី។
តាមលទ្ធផលស្ទាបស្ទង់មតិរបស់ CNN និង ORN បានប្រកាស ថា ចំនួនពលរដ្ឋគាំទ្រ លោកស្រីហ៊ីលឡារី គ្លីនតុន ក្លាយជាប្រធានាធិបតីមានរហូតដល់ទៅ៥៧ភាគរយ ចំណែកអនុប្រធានានាធិបតី ចូ បៃឌិន ទទួលបានការគាំទ្រ១៦ភាគរយ ហើយតំណាងរាស្ត្រ Bernie Sanders ទទួលបានការគាំទ្រតែ១៤ភាគរយ។
កន្លងមកលោកស្រី ហ៊ីលឡារី គ្លីនតុនឈរលំដាប់ទី២ក្នុងគណបក្សប្រជាធកបតេយ្យក្នុងការ ប្រកួតប្រជែងតំណែងប្រធានាធិបតីនាឆ្នាំ២០០៨ តែពេលនេះលោកស្រីឈរលំដាប់ទីមួយហើយមានការគាំទ្រច្រើនជាងគេបង្អស់ ទាំងបេក្ខភាពមកពីគណបក្សសាធារណរដ្ឋផងដែរ។
ចំណែកនៅក្នុងគណបក្សសាធារណរដ្ឋ អតីតអភិបាលរដ្ឋ Florida លោកJeb Bush ដែលជាប្អូនប្រុសរបស់អតីតប្រធានាធិបតីបូសទទួលបានតែ១៩ភាគរយគឺ កើនឡើង១៣ភាគរយប្រៀបធៀបនឹងខែមិថុនាកន្លងមក។ ចំណែកមហាសេដ្ឋីអចលនទ្រព្យលោក Donald Trump ទទួលបានការគាំទ្រ១២ភាគរយ កើន៣ភាគរយ បើប្រៀបធៀបពេលដែលលោកប្រកាសឈរឈ្មោះជាបេក្ខភាពប្រធានាធិបតី។ បេក្ខភាពទាំងពីររូបមានការលេចធ្លោជាងគេបំផុតនៅក្នុងគណបក្ស សាធារណរដ្ឋ ។
ក្នុងពេលជាមួយគ្នានោះ តំណាងរាស្ត្រមកពីរដ្ឋ Florida លោក Marco Rubio កំពុងតែបាត់បង់ការគាំទ្រពីមហាជនដែលពីមុនមានការគាំទ្រដល់ទៅ១៤ ភាគរយ ចំណែកពេលនេះមានតែ ៦ភាគរយប៉ុណ្ណោះ ។
តាមលទ្ធផលស្ទង់មតិពលរដ្ឋអាមេរិកបង្ហាញឲ្យឃើញថា អតីតរដ្ឋមន្ត្រីការបរទេសអាមេរិកលោកស្រីហ៊ីលឡារី គ្លីនតុន បាននាំមុខដាច់បេក្ខភាពនានាទាំងអស់។ នៅថ្ងៃនេះដែរលោកស្រីគ្លីនតុនបានប្រកាសពីទឹកប្រាក់សម្រាប់ ឃោសនាបោះឆ្នោតក្នុងតំណាក់កាលទីមួយមានរហូតដល់ទៅ៤៥លានដុល្លារ គឺខ្ពស់ជាងប្រធានាធិបតី អូបាម៉ា ដែលមានតែ៤១,៩លានដុល្លារ។
កន្លងមក លោកស្រីគ្លីនតុន ក៏បានដាក់គោលដៅឃោសនាស្វែងរកប្រាក់ឧបត្ថម្ភប្រមាណ១០០លានដុល្លារ ទើបគ្រប់គ្រាន់។ តាមគម្រោងបេក្ខភាពប្រធានាធិបតីអាមេរិកឆ្នាំ២០១៦ត្រូវប្រគល់ របាយការណ៍ថវិកាឃោសនាបោះឆ្នោតឲ្យគណៈកម្មការរៀបចំការបោះឆ្នោតនៅថ្ងៃ ទី១៥ ខែកក្កដា៕
