ពលរដ្ឋរាប់រយអ្នកបានប្រមូលផ្តុំគ្នានៅកណ្តាលផ្លូវក្នុងប្រទេសស៊ីរី​ ដើម្បីតាមដានសកម្មភាព​កាត់ទោសរបស់ក្រុម​អិស្លាមបង្កើតរដ្ឋ​ ទៅលើបុរស២នាក់ជាប់ចោទពីបទលួចទ្រព្យសម្បត្តិគេ។
ជនល្មើសទាំងពីរនាក់ត្រូវបានបិទមុខ ដាក់ឲ្យអង្គុយនៅលើកៅអីឈើនិងតុមួយ ក្រុមអិស្លាម​៣នាក់កាន់ពួកគេជាប់ហើយម្នាក់ទៀតចាប់ទាញដៃដាក់កាំបិទពីលើ។ ខ្មាន់កាំភ្លើងមួយរូបទៀតមានតួនាទីវាយទៅលើកាំបិទកាត់ដៃឲ្យដាច់ដោយវាយតែមួយផុងប៉ុណ្ណោះ។
ការដាក់ទណ្ឌកម្មបែបនេះត្រូវបានក្រុមអិស្លាមបង្កើតរដ្ឋផ្សព្វផ្សាយតាមបណ្តាញសង្គម ។ សកម្មភាពផ្សព្វផ្សាយខាងលើត្រូវបានមេដឹកនាំក្រុមអិស្លាម លោក ​Abu Bakr Al bangdadi បានហាមប្រាមផ្សព្វផ្សាយរូបភាពនៅលើបណ្តាញអិធឺណែត។
ក្រុមអិស្លាមបង្កើតរដ្ឋកាន់តែល្បីល្បាញដោយសារតែអំពើសហាវព្រៃផ្សៃ ហើយផ្សព្វផ្សាយនៅតាមបណ្តាញសង្គមទៀតផង។ មេដឹកនាំក្រុម​IS បានផ្ញើរលិខិតដល់អ្នកគ្រប់គ្រងបណ្តាញផ្សព្វផ្សាយ មិនឲ្យបង្ហោះរូបភាពប្រហារជីវិត​ឬដាក់ទោសនានារបស់ក្រុមខ្លួនដែលធ្វើឲ្យ​ប៉ះពាល់ដល់ក្រុមអិស្លាមដទៃទៀត។
ក្រុមអិស្លាមបង្កើតរដ្ឋតែងតែផាកពិន័យអ្នកដែលប្រព្រឹតល្មើរដោយរូបភាពផ្សេងៗ អ្នកដែលផិតក្បថ​ត្រូវគប់ដុំថ្មរហូតដល់ស្លាប់​។ ចំណែកអ្នកដែលឆក់ប្លន់នៅតាមដងផ្លូវ​នឹងត្រូវបោះដែក​គូលលើដៃ ឬកាត់ដៃចំណែកអ្នកដែលផឹកស្រាត្រូវវាយ​៨០រំពាត់ ចំណែកអ្នកស្រឡាញភេទដូចគ្នាត្រូវកាត់ទោសប្រហារជីវិត។