ភ្នំពេញ៖​ មានករណីផ្ទុះអាវុធមួយបានកើតឡើងបណ្តាលឲ្យជនជាតិចិនបីនាក់បានស្លាប់នៅកន្លែងកើតហេតុ។

ហេតុការណ៍នេះបានកើតឡើងកាលពីវេលាម៉ោង ០៧:០០នាទី​ ​ថ្ងៃ​ទី២៨ខែសីហា ឆ្នាំ២០២២ស្ថិតនៅក្នុងខុនដូរGOLD  CLASS អាគារលេខ៣៥ ផ្លូវ​លេខ​៣៩២  បន្ទប់លេខ៦០៦ ជាន់ទី៦ ភូមិ៩ សង្កាត់បឹងកេងកង១ ខណ្ឌបឹងកេងកង រាជធានីភ្នំពេញ។​

ប្រភពព័ត៌មានពីសមត្ថកិច្ចបានឲ្យដឹងថា បើយោងតាមការបំភ្លឺ ពីឈ្មោះ HSU YU  LIN ភេទប្រុស ជនជាតិ ចិនតៃវ៉ាន់ កាន់លិខិតឆ្លងដែនលេខ 353594178 (ត្រូវជាមិត្តភ័ក្ដិ)បានប្រាប់ឲ្យដឹងថាសពជនរងគ្រោះដែលស្លាប់ទាំងបីនាក់រួមមាន ៖

១/ឈ្មោះ XIAO LING ភេទប្រុស អាយុប្រហែល30 ឆ្នាំ ជនជាតិ ចិន ស្នាក់នៅ (មិនទាន់ដឹង)។

២/ ឈ្មោះ AH WEI ភេទប្រុស អាយុប្រ ហែល30ឆ្នាំ  ជនជាតិ ចិន ស្នាក់នៅ (មិនទាន់ដឹង)។

៣/ឈ្មោះAH HONG ភេទប្រុស អាយុប្រហែល30ឆ្នាំ ជនជាតិ ចិន ស្នាក់នៅ(មិនទាន់ដឹង) ។ សពជនរងគ្រោះទាំងបីនាក់គ្មានលិខិតឆ្លងដែននោះទេ។

ចំណែកវត្ថុតាងដែលនៅកន្លែងកើតហេតុរួមមាន៖

អាវុធខ្លី  ម៉ាក Glock 19 ពណ៍ស្ករចំនួន01ដើម បង់ចំនួន០2  គ្រាប់ចំនួន41គ្រាប់ គ្រឿងញៀនប្រភេទ កេតាមីន ចំនួន43.67ក្រាម ទូរស៍ព្ទ០1គ្រឿង  ពណ៍ខ្មៅ។

 

បច្ចុប្បន្នក្រុមគ្រូពេទ្យជំនាញ ធ្វើ​កោសល្យវិច័យ​ និងការិយាល័យបច្ចេកទេសនៃស្នងការដ្ឋាននគរបាលរាជធានីភ្នំពេញ មិនទាន់សន្និដ្ឋានបានថាមកពីមូលហេតុអ្វីនោះទេ ហើយគណៈកម្មការចម្រុះកំពុងបន្តនីតិវិធី  ចំណែក​សពក្រោយពីធ្វើកោសល្យវិច័យរួចសមត្ថកិច្ច យកទៅតម្កល់ នៅវត្តទឹកថ្លា។ដោយនិនសុភ័ស្ត​