កាលពីយប់ថ្ងៃទី២៤ខែកក្កដា លោកអូបាម៉ាពិសារភោជនីហារជាមួយមហាគ្រួរសារបង្អូននៅក្នុងប្រទេសគេនយ៉ា។ នេះជាដំណើរទស្សនកិច្ចទៅកាន់ប្រទេសនេះជាលើកដំបូងហើយក៏ជាលើកចុងក្រោយក្នុងតំណែងប្រធានាធិបតីអាមេរិក ទៅកាន់ស្រុកកំណើតរបស់ឪពុក។
យន្តហោះដឹកលោកអូបាម៉ាបានចុះចត់នៅអាកាសយានដ្ឋានទីក្រុង គេនយ៉ាងកាលពីរសៀលថ្ងៃទី២៤ខែកក្កដា ។ នៅយប់នោះលោកបានចូលរួមពិសារអាហារជាមួយមហាគ្រួសារបង្អូនក្នុងប្រទេសគេនយ៉ា។ ក្នុងពេលពិសារអាហារលោកអូបាម៉ាបានជួបជាមួយស្ត្រីវ័យចំណាស់ម្នាក់ដែលលោកហៅថាលោកយាយ ឬ Mama Sarah ដោយសារតែលោកយាយជាអ្នកចិញ្ចឹមបីបាច់ឪពុករបស់លោកដែលបានស្លាប់ហើយនោះ។
ក្នុងដំណើរទស្សនកិច្ចរយពេល២ថ្ងៃ លោកអូបាម៉ានឹងជួបពិភាក្សាជាមួយប្រធានាធិបតីគេនយ៉ាលោក Uhuru Kenyatta និងមន្ត្រីជាន់ខ្ពស់នៅក្នុងជួរដ្ឋាភិបាល។ តាមគម្រោងនៅក្នុងជំនួបនោះលោកនិងពិភាក្សាអំពីពាណិជ្ជកម្ម សេដ្ឋកិច្ចវិនិយោគ។ ក្រៅពីនេះបញ្ហាប្រឆាំងក្រុមភេរវកម្មគឺជាប្រធានបទដ៏សំខាន់មួយក្នុងការទប់ស្កាត់ក្រុមភេរវកម្មនៅទ្វីបអាហ្វ្រិក៕
