ភ្នំពេញ៖ បុរសម្នាក់បានដួលបាក់កស្លាប់ដោយសារគ្រោះថ្នាក់ចរាចរណ៍ម៉ូតូ២គ្រឿងបានជិះបញ្ច្រាសទិសគ្នាក៏មកបុកគ្នាយ៉ាងពេញទំហឹង ចំណែកបុរសម្នាក់ទៀតរត់គេចខ្លួនបាត់សម្រោល។

ករណីនេះកើតឡើងកាលពីវេលាម៉ោង១០និង១០នាទីស្ថិតត្រង់ចំណុចផ្លូវ២៩០ នៅចំណុចមុខរវង្វង់មូលទួលគោក ក្នុងសង្កាត់ទឹកល្អក់២ ខណ្ឌទួលគោករាជធានីភ្នំពេញ។

ប្រភពពីសមត្ថកិច្ចឲ្យដឹងថា ជនរងគ្រោះឈ្មោះ ខៀវ សុវណ្ណ អាយុ៣២ឆ្នាំ មុខរបរលក់ដូរស្នាក់នៅភូមិភ្នៀត សង្កាត់ស្ទឹងមានជ័យ ខណ្ឌមានជ័យ។

ប្រភពបន្តថា នៅមុនពេលកើតហេតុគេឃើញជនរងគ្រោះជិះម៉ូតូហុងដា សេ១២៥ សេរី២០១២ ពណ៌ខ្មៅ ស្លាកលេខភ្នំពេញ 1BG-5356 ជិះម្នាក់ឯងក្នុងទិសដៅពីត្បូងទៅជើងបញ្ច្រាសទិសគ្នាជាមួយនឹងម៉ូតូ១គ្រឿងទៀតម៉ាកហុងដា សេ១២៥ មិនចាំស្លាកលេខបានបានមកបុកចំពីមុខយ៉ាងពេញទំហឹងបណ្តាលឲ្យបុរសរងគ្រោះដួលបោកក្បាលស្លាប់មុនពេលបញ្ជូនដល់មន្ទីរពេទ្យចំណែកម៉ូតូបង្កជិះរត់គេងខ្លួនបាត់សម្រោល។

បច្ចុប្បន្នសពជនរងគ្រោះត្រូវបានក្រុមគ្រួសារយកទៅធ្វើបុណ្យតាមប្រពៃណី៕

ដោយ៖ ស រស្មី