បច្ចុប្បន្នអាមេរិកគឺជាអ្នករ៉ាប់រងទាំងស្រុងនៅសន្តិសុខពិភពលោកទាំងមូល ហើយអាមេរិកមិនត្រូវធ្វេសប្រហែសនោះឡើយ បើមិនដូច្នោះទេនឹងត្រូវបាត់បង់តំណែងសំខាន់នេះ ហើយអាចឈានបាត់បង់តំណែងមហាអំណាចពិភពលោកទៀតផង។
នៅពេលនេះចិនកំពុងតែព្យាយាមស្វែងរកឱកាសដើម្បីជំនួសតំណែងមហាអំណាចទី១ លើពិភពលោក «ប៉ូលិសពិភពលោក» ដែលអាមេរិកកំពុងតែគ្រប់គ្រងនោះ។
លោក ស៊ី ជីនពីង បាននិយាយទៅកាន់បណ្តាញព័ត៌មានរ៉យទ័រថា «ចិនបាននិងកំពុងបន្តជាកម្លាំងជួយដល់សន្តិភាព និងអភិវឌ្ឍន៍សហប្រតិបត្តិការនៅលើពិភពលោកតែប៉ុណ្ណោះ» ។
លោក ស៊ី ជីនពីង បានបញ្ចាក់ទៀតថា «ជាមួយនិងការបង្កើតកម្លាំងនាពេលនេះ ចិនអាចដើរតួនាទីធំជាងនេះនៅលើពិភពលោក និងសហការបញ្ហាអន្តរជាតិសំខាន់ៗ ក៏ដូចជានៅក្នុងតំបន់។ គោលនយោបាយយោធារបស់ចិននាពេលនេះគឺកសាងកម្លាំងទាហានឲ្យកាន់តែខ្លាំងក្លាក្នុងគោលដៅការពារតែប៉ុណ្ណោះ មិនអាចចូលរួមធ្វើជា «ប៉ូលិសពិភពលោក» ដូចអាមេរិកនោះឡើយ ។
ប្រធានាធិបតីចិនបន្តទៀតថា ចិនតែងតែខិតខំសម្រាប់សន្តិភាពនិងស្ថិរភាពការអភិវឌ្ឍន៍នៅក្នុងតំបន់មិនចង់ជំនួសតំណែងរបស់ប្រទេសណាមួយនៅលើពីភពលោកនោះឡើយ។
លោក ស៊ី ជីងពីង បញ្ចាក់ឲ្យសម្ព័ន្ធមិត្តអាមេរិកបានដឹងថា ចិនមិនដែលមានមហិច្ឆិតាធ្វើជាមហាអំណាចទី១នៅលើពិភពលោកនោះឡើយ ក៏ដូចជាមិនចង់ពង្រីកអំណាចរបស់ខ្លួនឈ្លានពានប្រទេសជិតខាងនោះឡើយ ។
ការប្រកាសរបស់ប្រធានាធិបតីចិនកើតឡើងក្នុងពេលដែលចិនត្រូវបានសារព័ត៌មានធំៗលើពិភពលោកផ្សាយថា ចិនកំពុងតែពង្រីកអំណាចនិងមានគម្រោងដណ្តើមមហាអំណាចទី១ពីអាមេរិកទៀតផង។ ហេតុការទាំងនោះត្រូវបានគេគត់សម្គាល់តាមរយៈយោធារបស់ចិនដែលមានសភាពខ្លាំងក្លាជាងមុន ហើយថែមទាំងទៅចូលរួមក្នុងសង្គ្រាមក្រៅប្រទេសទៀតផង ពោលគឺជួយដល់ប្រទេសរុស្ស៊ីក្នុងការវាយប្រហារទៅលើក្រុមអិស្លាម បង្កើតរដ្ឋក្នុងប្រទេសស៊ីរីជាដើម។
ចិនមិនដែលបំពានទៅលើប្រទេសណាមួយឬស្ថាប័នណាមួយនោះដែរ ដូច្នេះហើយប្រទេសនិងស្ថាប័នដទៃទៀតក៏មិនត្រូវបំពានលើច្បាប់របស់ចិននោះដែរ ។
កាលពីលោក ស៊ី ជីនពីង បានបំពេញទស្សនកិច្ចទៅកាន់អាមេរិក លោកបាននិយាយទៅកាន់ក្រុមអ្នកជំនួយនិងមន្ត្រីធំៗមួយចំនួនថា ដោយបានអំពាវនាវឱ្យអង្គការក្រៅរដ្ឋាភិបាលបរទេសទាំងអស់គោរពច្បាប់ចិន ។ ក្នុងពេលជាមួយគ្នានោះដែរ លោក ស៊ីជីនពីង ក៏បានទាមទារចង់ឲ្យមានគំរូទំនាក់ទំនងថ្មីជាមួយសហរដ្ឋអាមេរិកមិនសូវសង្ស័យគ្នា និងយល់គ្នាជាងមុន ។
ចិនមិនដែលស្វែងរកជម្លោះទេបើទោះបីជាចិន និងអាមេរិកមានភាពតានតឹងនឹងគ្នាលើវិស័យខ្លះក៏ដោយ។ មហាអំណាចសេដ្ឋកិច្ចពិភពលោកកំពូលទាំងពីរគួរតែស្វែងយល់អំពីយុទ្ធសាស្ត្ររបស់គ្នាទៅវិញទៅមកដើម្បីកាត់បន្ថយភាពមិនទុកគ្នា និងបង្កើនការយោគយល់ ព្រោះភាពប្រឈមរវាងអាមេរិកនិងចិនបានត្រឹមតែបង្កមហន្តរាយដល់ ប្រទេសទាំងពីរនិងពិភលោកតែប៉ុណ្ណោះ។
ក្រៅអំពីមានប្រសាសន៍ធានាអះអាងកុំឱ្យក្រុមហ៊ុនអាមេរិកព្រួយបារម្ភនឹងសុខភាពសេដ្ឋកិច្ចរបស់ចិន លោក ស៊ីជីនពីង ក៏បានឆ្លៀតបង្ហើសារជាបណ្តើរៗរំលឹកវ៉ាស៊ីនតោនថា ចិនជាបង្អែកដ៏រឹងម៉ាំនៃក្រុមហ៊ុនអាមេរិកហើយចិនគឺជាដៃគូប្រកបដោយទំនួលខុសត្រូវមិនថាដើម្បីដោះស្រាយវិបត្តិសង្គម នុយក្លេអ៊ែរ ឬហិរញ្ញវត្ថុឬសេដ្ឋកិច្ចពិភពលោកទេ។ ដូច្នេះអាមេរិកគួរតែសហការជាមួយចិនឱ្យច្រើនជាងនេះក្នុងការនយោបាយប្រយុទ្ធប្រឆាំងអំពើពុករលួយ ៕
ប្រែសម្រួល៖ ម៉ែវ សាធី
