ភ្នំពេញ៖ រថយន្តម៉ាកRAGERមួយគ្រឿង បានបើកលឿនហើយវ៉ាជាមួយរថយន្តមួយគ្រឿងទៀតដែលនៅពីមុខ ជ្រុលទៅបុករបាំងថ្មពុះចែកទ្រូងផ្លូវរងការខូចខាតបន្តិចបន្តួច រីឯរថយន្តបង្ករងការខូចខាតខាងមុខយ៉ាងដំណំ។
ហេតុការណ៍នេះបានកើតឡើងកាលពីវេលាម៉ោង១០និង១០នាទីយប់ ថ្ងៃទី២៧ ខែឧសភា ឆ្នាំ២០១៦ នៅចំណុចមុខវិទ្យាល័យវ៉ាន់ដា តាមបណ្ដោយផ្លូវ តាមបណ្ដោផ្លូវម៉ៅសេទុង ស្ថិតក្នុងសង្កាត់ទួលស្វាយព្រៃ២ ខណ្ឌចំការមន។
តាមសាក្សីដែលឃើញហេតុការណ៍ខាងលើនេះបានឲ្យដឹងថា មុនពេលកើតហេតុគឺរថយន្តបង្កម៉ាកRAGER ពណ៌ស ពាក់ស្លាកលេខភ្នំពេញ2X-2787 បានបើកបរតាមបណ្ដោយផ្លូវម៉ៅសេទុង ទិសដៅពីត្បួងទៅជើងក្នុងល្បឿនយ៉ាងលឿនហើយបានវ៉ាជាមួយរថយន្តមួយគ្រឿងទៀតដែលនៅពីមុខ បន្ទាប់ពីវ៉ាផុត ក៏ជ្រុលទៅបុកជាមួយរបាំងថ្មពុះចែកទ្រូងផ្លូវរងការខូចខាតបន្តិចបន្ទួច តែរថយន្តបង្កវិញបានរងការខូចខាតខាងមុខទាំងស្រ៊ុង ចំណែកឯក្នុងហេតុការណ៍គ្រោះថ្នាក់ចរាចរណ៍នេះដែរគឺគ្មានអ្នករងរបួសទេ។
ក្រោយពេលកើតហេតុ រថយន្តបង្កបានហៅរថយន្តមួយគ្រឿងទៀតមកសណ្ដោងអូចេញពីកន្លែងកើតហេតុ ដោយសណ្ដោងអូសបានប្រហែលជិត៣០០ទើបសមត្ថកិច្ចមូលដ្ឋានមកដល់និងធ្វើការឃាត់រថយន្តបង្កនិងម្ចាស់យកទៅកាន់អធិការដ្ឋាននគរបាលខណ្ឌចំការមនដើម្បីដោះស្រាយតាមនីតិវិធីច្បាប់ ៕
ដោយ៖ ជីម ភារ៉ា ដង្កោ
