ភ្នំពេញៈ​ សម្តេចកិតិ្តព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា នៅព្រឹកថ្ងៃទី១៣ ខែមិថុនា ឆ្នាំ២០១៦នេះ បានដឹកនាំមន្រ្តីកាកបាទក្រហមកម្ពុជា ចូលក្រាបបង្គំគាល់ព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរក្នុងសិរីភាព សេចក្តីថ្លៃថ្នូរ និងសុភមង្គល និងជាព្រះប្រធានកិត្តិយសកាកបាទក្រហមកម្ពុជា ដើម្បីថ្វាយព្រះពរដោយផ្ទាល់ ក្នុងឱកាសព្រះរាជពិធីបុណ្យចម្រើនព្រះជន្ម គម្រប់ ៨០ យាងចូល ៨១ ព្រះវស្សាឆ្នាំ នៅព្រះបរមរាជវាំង។
សម្តេចកិតិ្តព្រឹទ្ធបណ្ឌិត ប៊ុន រ៉ានី ហ៊ុនសែន បញ្ជាក់ថា «ខ្ញុំម្ចាស់ចងចាំជានិច្ច នូវព្រះរាជហឫទ័យដ៏ឧដុង្គឧត្តមរបស់សម្តេច ព្រះមហាក្សត្រី ព្រះវររាជមាតាជាតិខ្មែរ ដែលព្រះអង្គបានបូជាព្រះកាយពល បំពេញព្រះរាជ បេសកកម្មជាតិ ជាប្រវតិ្តសាស្រ្ត អមព្រះមហាវីរក្សត្រ ក្នុងព្រះរាជបូជនីយកិច្ច ប្រកបដោយ ជោគជ័យដ៏ត្រចះត្រចង់ ដើម្បីប្រជាជាតិ និងប្រជានុរាស្រ្ត»៕​

ដោយ​ សុខ​ ខេមរា