ភ្នំពេញ៖ កម្លាំងនគរបាលប៉ុស្តិ៍បឹងកក់ទី២ឃាត់ខ្លួនជនសង្ស័យម្នាក់ដែលជាភេទទីបី ខណះចោរខ្ទើយរូបនេះ បានធ្វើសកម្មភាពលួចយកអាយផេតមួយគ្រឿង បានសម្រេចពីបុគ្គលិកភោជនីយដ្ឋានធីតាព្រីលបំរើការងារជាមួយគ្នា ហើយគេចខ្លួនបាត់ តែត្រូវនារីរងគ្រោះតាមឃើញជនសង្ស័យនៅក្នុងផ្សារទើបចាប់ប្រគល់ជូនសមត្ថកិច្ចតែម្តង ។
ករណីឃាត់ខ្លួនជនសង្ស័យខាងលើនេះ បានកើតឡើងកាលពីវេលាម៉ោង៥ល្ងាចថ្ងៃទី១៤ ខែមិថុនា ឆ្នាំ២០១៦នៅក្នុងផ្សារទួលគោក សង្កាត់បឹងកក់ទី២ ខណ្ឌទួលគោក ក្រោយពីធ្វើសកម្មភាពលួចអាយផេត ដែលប្រព្រឹត្តនៅចំណុច ភោជនីយដ្ឋានធីតាព្រីល ដែលមានទីតាំងនៅដីឡូតិ៍លេខ៤០ ផ្លូវលេខ៥៨៨ ក្រុមទី៥០ ភូមិ១៣ សង្កាត់បឹងកក់ទី២ ខណ្ឌទួលគោក រាជធានីភ្នំពេញ កាលពីថ្ងៃទី១២ ខែមិថុនា ឆ្នាំ២០១៦ វេលាម៉ោងប្រហែល៩យប់ ។
ជនសង្ស័យឈ្មោះ ខន សាំម៉ូអែល ហៅ អាខ្ទើយ ភេទប្រុស អាយុ ១៨ឆ្នាំ ជនជាតិខ្មែរ មុខរបរ រត់តុនៅភោជនីយដ្ឋានធីតាព្រិល មានស្រុកកំណើតរស់នៅភូមិគង់រាជ ឃុំគង់រាជ ស្រុកល្វាឯម ខេត្តកណ្តា ល និងបច្ចុប្បន្នស្នាក់បណ្តោះអាសន្នក្នុងភោជនីយដ្ឋានធីតាព្រិល។
ចំណែកជនរងគ្រោះឈ្មោះ នួន ស្រីកែវ ភេទស្រី អាយុ ១៨ឆ្នាំ ជនជាតិខ្មែរ មុខរបរ បុគ្គលិកភោជនីយដ្ឋានធីតាព្រិល ស្នាក់នៅក្នុងភោជនីយដ្ឋានធីតាព្រិល ផ្លូវ លេខ៥៨៨ សង្កាត់បឹងកក់ទី២ ខណ្ឌទួលគោក។ សំភារ:បាត់បង់ មានអាយផេតមីនី4 មួយគ្រឿង ពណ៌មាស ។
តាមប្រភពព័ត៍មានពីនគរបាលខណ្ឌទួលគោកបានឲ្យដឹងថា នៅថ្ងៃទី១២ ខែមិថុនា ឆ្នាំ២០១៦ វេលា ម៉ោងប្រហែល៩យប់ជនរងគ្រោះបានទុកអាយផេតនៅលើពូកក្នុងបន្ទប់ដេក ពេលនោះជន សង្ស័យបានដើរមកនិយាយទូរស័ព្ទ ក៏បានឃើញអាយផេតរបស់ជនរងគ្រោះ ក៏បានធ្វើសកម្មភាពលួចយក អាយផេតនោះ ហើយបានសុំថៅកែចេញមុនម៉ោង រួចគេចខ្លួនបាត់ ។ លុះនៅថ្ងៃទី១៤ខែ មិថុនា ឆ្នាំ២០១៦ នៅវេលាម៉ោងប្រហែល ៥ល្ងាចជនរងគ្រោះបានប្រទះ ឃើញជនសង្ស័យនៅផ្សារទួលគោក ក៏បានធ្វើការ ឃាត់ខ្លួននាំមកប្រគល់ឲ្យសមត្ថកិច្ចនគរបាលប៉ុស្តិ៍រដ្ឋបាលបឹងកក់ទី២ តែម្តង។
បច្ចុប្បន្នជនសង្ស័យកំពុងឃាត់ខ្លួនជាបណ្តោះអាសន្ននៅអធិការដ្ឋាននគរបាលខណ្ឌទួលគោក ដើម្បី សាកសួរ និងកសាងសំណុំរឿងបញ្ជូនទៅសាលាដំបូង រាជធានីភ្នំពេញ ចាត់ការតាមនីតិវិធី ៕
ស ដារ៉ា
