កាលពីសប្តាហ៍កន្លងមកនៅក្នុងវេទិកាសេដ្ឋកចិ្ចដែលរៀបចំឡើងនៅទីក្រុង Saint Peterburg ប្រទេសរុស្ស៊ីជាលើកទី២០ គឺចាប់ពីថ្ងៃទី១៦ ដល់១៨ ខែមិថុនា ។
នៅក្នុងវេទិការសេដ្ឋកិច្ចលើកនេះមានការចូលរួមពីមនុស្សជាង១ម៉ឺននាក់មកពីគ្រប់ទិសទីជុំវិញពិភពលោក។ អ្វីដែលគេចចាប់អារម្មណ៍នោះគឺមានការចូលរួមពីប្រធានគណកម្មធិការសហគមន៍អឺរ៉ុបលោក Jean Claude Juncker និងនាយករដ្ឋមន្ត្រីអីតាលី លោក Matteo Renzi អគ្គលេខាធិការអង្គការសហប្រជាជាតិបាន លោក គីមូន ជាដើម ។ ក្រៅពីនេះមានឧប្បនាយករដ្ឋមន្ត្រីមកពី ៨ប្រទេស និងរដ្ឋមន្ត្រីជាង ៣០ប្រទេសចូលរួម។
នៅក្នុងពិធីនោះលោក ពូទីន បានលើកឡើងពីចេតនាចង់ផ្សះផ្សាជាមួយអឺរ៉ុបបញ្ចប់ការប្រេះឆារយៈពេលកន្លងមកដោយសារតែវិបត្តិនៅក្នុងប្រទេសអ៊ុយក្រែន។
លោក ពូទីន បានបញ្ចាក់ថា យើងមិនមែនជាអ្នកចងគំនុំគុំគួននោះទេ ហើយយើងត្រៀមឈានជំហ៊ានឆ្ពោះទៅរកដៃគូអឺរ៉ុប ។ លោក ពូទីន បន្ថែមថា៖ ប្រាកដណាស់ដែលជំហ៊ានរុស្ស៊ីត្រូវទះដែរនឹងជំហ៊ានបែបនេះពីខាងអឺរ៉ុប។
ចំណែកសហភាពអឺរ៉ុបទើបនឹងបោះឆ្នោតដើម្បីពន្យាទណ្ឌកម្មប្រឆាំងរុស្ស៊ីទៅមុខមួយឆ្នាំទៀត ទណ្ឌកម្មដាក់ទល់នឹងរុស្ស៊ីតាំងពី២ឆ្នាំមុនម៉្លេះ បន្ទាប់ពីរុស្ស៊ីបានភ្ជាប់យកទឹកដីគ្រីមេ របស់អ៊ុយក្រែន ហើយការពន្យារទណ្ឌកម្មនេះនឹងសម្រេចក្នុងសប្តាហ៍ក្រោយ ទៅដោយវិធានការសេដ្ឋកិច្ចកាន់តែធ្ងន់ធ្ងរប្រឆាំងរុស្ស៊ីក្រោមបទចោទប្រកាន់ថា ម៉ូស្គូ មិនព្រមបំពេញតាមកិច្ចព្រមព្រៀងក្រុងម៉ូស្គូស្តីអំពីដំណោះស្រាយស្ថានការណ៍នៅតំបន់បះបោររុស្ស៊ីនិយមនៅប៉ែកខាងកើតអ៊ុយក្រែន។
ជាកញ្ចក់នៃមុខមាត់សេដ្ឋកិច្ចរុស្ស៊ី វេទិកាសេដ្ឋកិច្ចអន្តរជាតិនៅក្រុង Saint-Petersbourg បានបង្ហាញទៅពួកអឺរ៉ុបផ្លូវដ៏លំបាកសម្រាប់រកច្រកចេញរវាងជំហរម៉ឺងម៉ាត់របស់ខ្លួនចំពោះវិបត្តិនៅអ៊ុយក្រែន និងឆន្ទៈស្តារឡើងវិញការផ្លាស់ប្តូរសេដ្ឋកិច្ចជាមួយរុស្ស៊ីដែលជាប់គាំងអស់រយៈពេល២ឆ្នាំមកហើយដែលបណ្តាលមកពីភាពតានតឹងនឹងគ្នានា២ឆ្នាំចុងក្រោយនេះ។ វត្តមានលើកនេះក្នុងវេទិកាសេដ្ឋកិច្ចអន្តរជាតិនៅក្រុង Saint-Petersbourg គឺពួកថៅកែគ្រប់គ្រងនៃក្រុមហ៊ុនយក្សពហុជាតិក្នុងចំនួនច្រើនជាងឆ្នាំមុន ថ្វីត្បិតគេលើកទឹកចិត្តដោយទស្សនវិស័យដ៏ល្អនៃស្ថិរភាពសេដ្ឋកិច្ចរុស្ស៊ីទោះបីឥឡូវវាស្ថិតក្នុងដំណើរដើរថយក្រោយក្តី។
កាលពីថ្ងៃទី១៧ ខែមិថុនា នាយករដ្ឋមន្ត្រីអ៊ីតាលី លោក Matteo Renzi បានសម្តែងយ៉ាងច្បាស់ពីចេតនាពង្រឹងចំណងសេដ្ឋកិច្ចរវាងប្រទេសអឺរ៉ុបក្នុងនោះមានរវាងអ៊ីតាលីនិងរុស្ស៊ី។ គាត់អមដំណើរដោយគណៈប្រតិភូដែលបានចុះហត្ថលេខាលើកុងត្រាប្លែកៗក្នុងទឹកប្រាក់សរុប ១,៣០០លានដុល្លារជាពិសេសក្នុងវិស័យប្រេងនិងឧស្ម័ន ការនេះត្រូវបានគូសបញ្ជាក់ដោយលោក ពូទីន ផ្ទាល់បន្ទាប់ពីមានប្រព្រឹត្តទៅជំនួបរបស់គាត់ជាមួយសមភាគីអ៊ីតាលី។
ក្រុមអ្នកវិភាគបានលើកឡើងថា អ្វីដែលលោក ពូទីន បានលើកឡើងនោះគឺពិតជាចេញពីសណ្តានចិត្តដោយលោកបានមើលឃើញយ៉ាងច្បាស់ពីផលប៉ះពាល់ដោយសារតែការដាក់ទណ្ឌកម្មរបស់អឺរ៉ុបទៅលើប្រទេសរុស្ស៊ី។ មួយវិញទៀតមេដឹកនាំដ៏ឆ្លាតវៃរបស់រុស្ស៊ីបានដឹងយ៉ាងច្បាស់ថា បើរឹងទទឹងប្រឆាំងលោកខាងលិចដោយបើកជំហរនោះមានតែលទ្ធផលអាក្រក់ប៉ុណ្ណោះមិនចំណេញឡើយ។
កន្លងមកថ្មីៗនេះលោក ពូទីន ក៏បានបញ្ចាក់ផងដែរថា រុស្ស៊ីទទួលស្គាល់អាមេរិកគឺជាប្រទេសមហាអំណាចតែមួយគត់នៅលើពិភពលោក។ ទាំងនោះមានន័យថា រុស្ស៊ីឈប់ប្រជែងដណ្តើមមហាអំណាចពីអាមេរិកទៀតឡើយ។
សារព័ត៌មាន រ៉យទ័រ បានផ្សាយថា ប្រធានាធិបតី ពូទីន មានប្រសាសន៍ថា រុស្ស៊ីបានគោរពអាមេរិកគឺជាប្រទេសមហាអំណាចតែមួយគត់របស់ពិភពលោក ប៉ុន្តែទីក្រុងមូស្គូនិងមិនទទួលស្គាល់ពីការជ្រៀតជ្រែងរបស់ទីក្រុងវ៉ាស៊ីនតោន ចូលផ្ទៃក្នុងរបស់រុស្ស៊ីនោះឡើយ។
លោក ពូទីន បាននិយាយនៅក្នុងវេទិការសេដ្ឋកិច្ចក្នុងទីក្រុង St Petersburg កាលពីថ្ងៃទី១៧ ខែមិថុនា ថា «អាមេរិកនិងប្រទេសមហាអំណាច ហើយពេលនេះអាចនិយាយបានថា មហាអំណាចតែមួយគត់លើលោក ។ យើងបានទទួលស្គាល់រឿងនោះ ហើយយើងចង់ធ្វើការជាមួយអាមេរិក»។
លោក ពូទីន បញ្ចាក់ទៀតថា ពិភពលោកក្នុងនោះមានរុស្ស៊ីត្រូវការអាមេរិកខ្លាំងក្លា។ ប៉ុន្តែរុស្សីមិនចង់ឲ្យអាមេរិកជ្រៀតជ្រែកចូលបញ្ហាផ្ទៃក្នុងរបស់រុស្ស៊ីនោះឡើយ ឬក៏រារាំងអឺរ៉ុប និងប្រទេសដទៃទៀតមានទំនាក់ទំនងសេដ្ឋកិច្ចជិតស្និតជាមួយរុស្ស៊ី។
លោក ពូទីន បន្តទៀតថា បណ្តាក្រុមហ៊ុនអាមេរិកក៏ទទួលរងការខាតបង់មិនតិចឡើងពីច្បាប់ដាក់ទណ្ឌកម្មប្រឆាំងរុស្ស៊ីដោយសារតែទីក្រុងវ៉ាស៊ីនតោននិងអឺរ៉ុបបានអនុម័តដាក់ទណ្ឌកម្មទៅលើរុស្ស៊ី ។ មិនត្រឹមតែប៉ុណ្ណោះអឺរ៉ុបផ្ទាល់ក៏ត្រូវរងការខាតបង់ជាច្រើនផងដែរ។
អាមេរិកនិងអឺរ៉ុបបានអនុម័តដាក់ទណ្ឌកម្មសេដ្ឋកិច្ចរុស្ស៊ីកាលពីឆ្នាំ២០១៤ មក ក្រោយពេលដែលរុស្សីដាក់បញ្ចូលក្រីមៀស្ថិតនៅក្រោមការគ្រប់គ្រងរបស់រុស្សី។ សកម្មភាពខាងលើរបស់រុស្ស៊ីកើតឡើងក្នុងពេលដែលទំនាក់ទំនងប្រទេសទាំងពីស្ថិតក្នុងភាពតានតឹងបំផុតជុំវិញវិបត្តិនៅក្នុងប្រទេសអ៊ុយក្រែននិងស៊ីរី។
កាលពីថ្ងៃទី១៦ ខែមិថុនា មន្ទីរបញ្ចកោណបានបញ្ចាក់ថា រុស្ស៊ីបានបើកការវាយប្រហារតាមដែនអាកាសទៅលើក្រុមប្រឆាំងរបស់ស៊ីរីដែលមានការគាំទ្រពីអាមរិក។ ការវាយប្រហារទៅលើក្រុមបះបោរស៊ីរីមិនខុសអ្វីពីការវាយប្រហារទៅលើអាមេរិកនោះឡើយ។
នេះជាការបន្ទន់ឥរិយាបទដ៏កម្រមួយរបស់រុស្ស៊ីទៅលើអាមេរិក ដែលពីមុនមិនដែលមានបែបនេះឡើយ។ ទាំងនោះជាលទ្ធផលនៃការដាក់ទណ្ឌកម្មរបស់អាមេរិក ដែលធ្វើឲ្យរុស្សីត្រូវខាតបង់យ៉ាងពិតប្រាកដ។ មេដឹកនាំរុស្ស៊ីបានដឹកយ៉ាងច្បាស់ថា ប្រសិនបើទុកឲ្យស្ថានភាពអូសបន្លាយបែបនេះនោះរុស្ស៊ីមិនខុសអ្វីពីគុយបានិងអីរ៉ង់នាពេលកន្លងមកឡើយ។
ក្រុមអ្នកវិភាគបានលើកឡើងថា ការដែលអាមេរិកលុបចោលទណ្ឌកម្មទៅលើប្រទេសអីរ៉ង់ ប្រទេសគុយបា គឺអាចជំនួសរុស្ស៊ីបាន ទាំងនោះហើយអាមេរិកដាក់ទណ្ឌកម្មទៅលើរុស្ស៊ីយ៉ាងពេញទំហឹងដើម្បីកុំឲ្យប្រទេសនេះចេះតែរឹងរុសមិនស្តាប់មហាអំណាចគ្រប់គ្រងពិភពលោកនោះ៕
ប្រែសម្រួល៖ សាធី
