ភ្នំពេញ៖ នារាត្រីថ្ងៃទី២៣ ខែមិថុនា ឆ្នាំ២០១៦ លោកស្រីឧបនាយករដ្ឋមន្ត្រី ម៉ែន សំអន រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច

បានអញ្ជើញជាអធិបតីក្នុងកម្មវិធីរាត្រីសប្បុរសធម៌ «ក្រោមមេឃតែមួយ» នៅសណ្ឋាគារសូហ្វីតែល រាជធានីភ្នំពេញ។

លោកស្រីក៏បានមានប្រសាសន៍ថា ៖ កម្ពុជាបច្ចុប្បន្នបានប្រែក្លាយពីប្រទេសដ៏កំសត់ដែលពោរពេញទៅដោយសង្រ្គាម ក្លាយទៅជាប្រទេសដែលសម្បូរបែបប្រកបដោយស្ថិរភាពនយោបាយ សនិ្តភាព និងការអភិវឌ្ឍន៍គ្រប់វិស័យក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ហើយព្រឹត្ដិការណ៍ថ្ងៃនេះគឺជាការចែករំលែកនូវសេចក្ដីស្រលាញ់ ហើយក៏ជាសារមួយរំលឹកដាស់តឿនដល់មនុស្សគ្រប់រូបឲ្យចេះចែករំលែកនូវធនធានផ្ទាល់ខ្លួន ដើម្បីជួយដល់មនុស្សដែលកំពុងជួបប្រទះនូវទុក្ខលំបាក តាមរយៈការជួយផ្ដល់ចំណីអាហារ ការជួយសង្រ្គោះជីវិត ការជួយបរិច្ចាគឈាម ឬការជួយព្យាបាលជម្ងឺ និងការជួយគាំពារសុខុមាលភាពដល់អ្នកទីទាល់ក្រខ្វះលទ្ធភាពជាដើម៕​

ដោយ៖​ សុខ​ ខេមរា