ខេត្តក្រចេះ៖​ នាយការិយាល័យប្រឆាំងការជួញដូរគ្រឿងញៀនលោកវរសេនីយ៍ទោ គង់ សីុដន បានបញ្ជាក់ថា កម្លាំងនគរបាល បានរួមសហការជាមួយមន្រ្តីអនុរក្សពន្ឋនាគារ ក្រោមការសម្របសម្រួលពីស្ថាប័នអយ្យការនៅ ថ្ងៃទី២៨ មិថុនា បានចុះបង្រ្កាបករណីជួញដូរគ្រឿងញៀនក្នុងពន្ឋនាគារ ក្នុងនោះបានរកឃើញគ្រឿងញៀនប្រភេទម្សៅក្រាមពណ៌ស(ម៉ាទឹកក)បានចំនួន៣៩កញ្ចប់តូច-ធំ។

លោកនាយ ការិយាល័យបានបញ្ជាក់ថា ក្នុងនោះមានទណ្ឌិត(អ្នកទោស)មានចំនួ២នាក់ដែលជាមុខសញ្ញាជួញដូរគ្រឿងញៀនក៏ត្រូវបានឃាត់ខ្លួននាំមកសាកសួរ។ ទណ្ឌិត(អ្នកទោស)ដែលបានឃាត់ខ្លួនទាំងពីរនាក់សព្វថ្ងៃកំពុងតែឃុំខ្លួនអនុវត្តទោសនៅក្នុងពន្ឋនាគារជិតបានបញ្ចប់ទោស ពីបទជួញដូរគ្រឿងញៀន និងក៏ត្រូវបានឃាត់ខ្លួនសារជាថ្មីពីបទជួញដូរគ្រឿងញៀនម្តងទៀតនៅក្នុងពន្ឋនាគារ៕​

ដោយ៖​ សុខ​ ខេមរា