ខ្មាន់កាំភ្លើងម្នាក់បានបាញ់សម្លាប់មនុស្ស៥នាក់នឹងរបួសយ៉ាងតិច ២០នាក់កាលពីព្រឹកថ្ងៃទី០២ ខែកក្កដា នៅហាងកាហ្វេមួយនៅភាគខាងជើងប្រទេសស៊ឺបៀ។ ហេតុការខាងលើកើតឡើងនៅវេលាម៉ោង១និង​៤០នាទី ម៉ោងក្នុងតំបន់ស្ថិតនៅក្នុងភូមិ ។

នៅក្នុងសេចក្តីប្រកាសរបស់ប៉ូលិសបានឲ្យដឹងថា បុរសម្នាក់ត្រូវបានចាប់ខ្លួនមានឈ្មោះសសេរកាត់ថា​ Z.S  ។ បុរសខាងលើបានបាញ់សម្លាប់មនុស្ស និងស្ត្រីម្នាក់ទៀតមុនពេលបាញ់រះទៅលើអ្នកដែលអង្គុយផឹកការហ្វេនៅក្នុងហាង​ Café Makijato ។

សាក្សីនៅកន្លែងកើតហេតុបានឲ្យដឹងថា បុរសខាងលើទៅកាន់ហាងកាហ្វេខាងលើហើយឃើញប្រពន្ធអង្គុយជាមួយមិត្តភក្តិក៏វិលត្រឡប់ទៅផ្ទះយកកាំភ្លើង។ នៅពេលដំបូងបានអាមេលើកកាំភ្លើងឡើងទៅលើ ក្រោយមកក៏ឬស៊ូសម្លេងផ្ទុះ ហើយមិត្តភក្តិដែលអង្គុយក្បែរនោះ​ក៏បានដួលរលំ​ធ្វើឲ្យស្ថានភាពនៅទីនោះធ្លាក់ក្នុងភាពចលាចល។

រដ្ឋមន្ត្រីក្រសួងមហាផ្ទៃស៊ឺបៀលោក ​Nebojsa Stefanovic បានឲ្យដឹងថា ​អ្នកដែលអង្គុយនៅហាងការហ្វេបានដណ្តើមកាំភ្លើងពីដៃជនដៃដល់ពេលព្យាយាមចាកចេញទៅ។ ប៉ូលិសនៅក្នុងតំបន់បានទៅដល់កន្លែងកើតហេតុភ្លាមៗហើយចាប់បានជនដៃដល់។

សកម្មភាពបណ្តាលឲ្យមានការបាញ់ប្រហារខាងលើគឺដោយសារតែការប្រចណ្ឌ ។ លោក​ Nebojsa Stefanovic បានស្នើរដល់ពលរដ្ឋឲ្យប្រគល់កាំភ្លើងទៅឲ្យប៉ូលិសវិញ​ ការរក្សាកាំភ្លើងទុកគឺជារឿងខុសច្បាប់។ ​ពលរដ្ឋស៊ឺបៀមួយចំនួនមានកាំភ្លើងដោយសារតែសង្គ្រាមនៅតំបន់​ Balkan កាលពីឆ្នាំ១៩៩០៕

ប្រែសម្រួល៖ សាធី