ភ្នំពេញ៖ ខ្សែភាពយន្តខ្នាតធំរបស់ផលិតកម្ម LD Picture រឿង«ឪ២ឬ2Fathers» ដែលជាស្នាដៃនិពន្ធនិងដឹកនាំរឿងរបស់តារាកំប្លែងនាយពែកមីបានប្រកាសបើកដាក់បញ្ចាំងជាផ្លូវការហើយ ។ ការប្រកាសនេះ បានធ្វើឡើងកាលពីល្ងាចថ្ងៃទី២៩ ខែកក្កដា ឆ្នាំ២០១៥ នារោងភាពយន្តលេជេន TK Avenue ដោយមានវត្តមាន តារាសម្តែងក្នុងរឿងនោះចូលរួមផងដែរ ។
ក្រោយទទួលបានជោគជ័យលើកទី១ក្នុងរឿង «បងប្អូន២នាក់» យ៉ាងខ្លាំងនាយពែកមីបានសម្រេចចិត្តដឹកនាំការសម្តែងជាលើកទី២ស្របពេលនេះលោកបានបញ្ចូលលោកតាវ៉ិចទ័រជាអ្នកដឹកនាំក្រុមកំប្លែងរបស់ខ្លួនជាតារាសម្តែងនៃភាពយន្តទី២នេះដែរ ។តាមរយៈការដាក់បញ្ចាំងថ្ងៃដំបូងបានបញ្ជាក់អំពីការគាំទ្រដ៏ច្រើនរបស់អ្នកទស្សនា ។
នាយពែកមី បានថ្លែងដែរថា ការថតសម្តែងរឿងនេះដែលលោកដឹកនាំនៅមិនទាន់ចង់បានដូចចិត្ត១០០ភាគរយទេ ដោយសារតែទីតាំងការសម្តែងមិនដូចជាអ្វីដែលយើងស្រម៉ៃរវើរវាយ ។ នាយបញ្ជាក់ថាយើងថតបានហើយត្រូវគេកាត់ចោលនូវអ្វីដែលយើងខំ ។ រឿងទី២របស់លោកមានចំនងជើងថា«ឪ២»នេះជារឿងកំប្លែងដែលមានភាពខុសពីមុនហើយក៍សើចជាងមុន ។ រឿងរបស់លោកភាគច្រើនមិនទាក់ទងរឿងខ្មោចដោយជៀសមិនថតនោះទេព្រោះគេថតច្រើនមកហើយជាភាពដដែលៗ ។
លោកអះអាងថា លោកគ្រោងផលិតរឿងថ្មីទៀតបែបកំប្លែងដដែលហើយរឿងកំពុងបញ្ចាំងនេះរំពឹងថាជោគជ័យ១០០ភាគរយព្រោះថាជារឿងកំប្លែងឆ្កួតឡប់ៗសើច ។ លោកក៍មានគំនិតបើកផលិតកម្មខ្លួនឯងដែរ ប៉ុន្តែមិនដឹងពេលណាស្របពេលមានមិត្តភក្តិជួយបាននិងដើមទុនខ្លះ ប៉ុន្តែនេះជាគម្រោងនោះទេ នៅមិនទាន់ដឹងថា ពេលណាហើយលោកនៅតែស្រឡាញ់រាប់អានដូចបងប្អូនពីសំណាក់ម្ចាស់ផលិតកម្មអិលឌីដដែល ។
លោកសុវណ្ណរិទ្ឋី ហៅលោកថាវ៉ិចទ័រ ដែលមានតួនាទីជាអ្នកដឹកនាំក្រុមកំប្លែងប្រចាំស្ថានីយ៍ទូរទស្សន៍ស៊ីធីអិនបានឲ្យដឹងថាលោកពិតជាមានផលលំបាកនៅពេលបានជួបនិងធ្វើដោយខ្លួនឯងព្រោះធ្លាប់តែប្រាប់គេហើយនៅតែក្រោយឆាក ។ លោកនិយាយទៀតថាពិតជាសប្បាយរីករាយដែលឃើញក្មេងៗបានក្លាយខ្លួនជាអ្នកដឹកនាំរឿងហើយរើសលោកជាតារាសម្តែងទៀតទោះពីមុនគេជាកូនចៅក៍មិនខ្វល់ដែរសំខាន់ឲ្យតែចេះវិវត្តន៍ខ្លួនទៅមុខពិតជារកពាក្យនិយាយគ្មាន។លោកគ្មានអារម្មណ៍មួយគិតថាគេប៉ែងជើងនោះតេនិងមិនដែលយកគំនិតថាយើងមានតែម្នាក់ឯងឬចេះតែឯងបានទេ ។ ចំពោះការសម្តែង រឿងក្រោយទៀតនោះគឺអាស្រ័យទៅលើខាងផលិតកម្មគេរើសនោះទេបើគេគិតថាយើងសម្តែងបានគឺយើងក៍ទៅបន្តទៀត ។ ក្នុងរឿង«ឪ២»នេះមានចំនួន៦ឈុតដែលបានសម្តែងដែលជារឿងទី១ហើយពិតជាប្លែកអត់នឹកស្មានថា ពាក់មីហៅលោកសម្តែងនិងអត់ដឹងថាគេលួចទៅសរសេររឿងបានពីពេលណាទេ ស្រាប់តែមកហៅលោកឲ្យថតរឿងហើយប្រាប់លោកថាចងសងគុណលោកដែលបានជួយក្រុមពួកយើងឲ្យមានភាពល្បីល្បាញ ។
ចាងហ្វាងផលិតកម្ម LD Picture លោកលៀក លីដាបានបញ្ជាកថារឿងនេះចំណាយច្រើនប៉ុន្តែខ្ទង់ប៉ុន្មានលោកសុំមិនជម្រាបនោះទេ ។ សម្រាប់ឆ្នាំ២០១៥នេះ គឺស្នាដៃទី២បន្ទាប់ពីរឿង«អ្នកលេងជើងខ្វេ»ហើយ នៅខែសីហាខាងមុខនិងចេញរឿងមួយទៀតគឺរឿង«អណ្តូងមរណៈ» ។
លោកគ្រោងចំណាយដើមទុនសន្ធឹកសន្ឋាប់បន្តទៀតថតរឿងថ្មីបែបស៊ើបអង្កេតនិងជារឿងខ្មោចអាចជាការសហការជាមួយបរទេសដែលលោកគិតថាខ្ទង់ចំណាយពិតជាច្រើនប្រៀបដូចជារឿង«ស្បែកគង់»ជាដើម ។
ខ្សែភាពយន្តរឿង«ឪ២»ជារឿងបែបកំប្លែងមនោសញ្ចេតនាដែលចូលរួមសម្តែងដោយនាយពាក់មី នាយគ្រឿងកញ្ញាឡុង ថាវរី អ្នកនាងសុខ សោម៉ាវត្តី អ្នកនាងប៉ែន សុផានី កញ្ញានីឡា លោកតាវ៉ិចទ័រ លោកទេពរិនដារ៉ូ លោកហម ឈរ៉ាជាដើម៕ វឌ្ឍនា
