មូលនិធិរូបិយវត្ថុអន្តរជាតិ IMF កាលពីថ្ងៃទី៤ខែសីហាបានប្រកាសថា ការដាក់ទណ្ឌកម្មរបស់លោកខាងលិចទៅលើប្រទេសរុស្ស៊ីដោយសារតែវិបត្តិនៅក្នុងប្រទេសអ៊ុយក្រែនបានធ្វើឲ្យខាតបង់ជាច្រើន ស្មើរ៩ភាគរយនៃ GDP ប្រចាំឆ្នាំរបស់រុស្ស៊ី ។
សារព័ត៌មានTelegraph របស់អង់គ្លេសបានដកស្រងព័ត៌មានពី IMFប្រកាសថា «អត្ថិពលនៃការដាក់ទណ្ឌកម្មទៅលើទីផ្សាហិរញ្ជវត្ថុរុស្ស៊ី ក៏ដូចជាសកម្មភាពវិនិយោគ បច្ចេកវិទ្យាត្រូវអូសបន្លាយធ្វើឲ្យរុស្ស៊ីប្រឈមនៅបញ្ហាសេដ្ឋកិច្ចយ៉ាងខ្លាំង» ។
នៅក្នុងសន្តរកថារបស់ប្រធានាធិបតីពូទីន នាពេលកន្លងមកទៅកាន់ពលរដ្ឋនៅទូទាំងប្រទេស លោកពូទីនបង្ហាញការជឿងជាក់ថាសេដ្ឋកិច្ចជាតិនឹងប្រសើរឡើងក្នុងពេលដ៏ខ្លីខាងមុខបើទោះទទួលរងការដាក់ទណ្ឌកម្មពីលោកខាងលិចក្តី ។
IMFបានប៉ាន់ប្រមាណថា អត្ថិពលនៃការដាក់ទណ្ឌកម្មធ្វើឲ្យទីក្រុងមូស្កូត្រូវ ខាតបង់សេដ្ឋកិច្ចពី 1-1,5% GDP នៅក្នុងឆ្នាំ២០១៥និង ៩ភាគរយនៅឆ្នាំ២០១៦។ ជាមួយគ្នានេះសេដ្ឋកិច្ចរុស្ស៊ីកើតឡើងយឺតយ៉ាវបំផុតដោយមានតែ1,5ភាគរយនៅក្នុងឆ្នាំ២០១៥ គឺធ្លាក់ចុះយ៉ាងខ្លាំងបើប្រៀបធៀបនិងពេលមុខទទួលរងទណ្ឌកម្មពីលោកខាងលិចគឺមានរហូតដល់ទៅ៧ភាគរយក្នុងមួយឆ្នាំ ។
នៅក្នុងព្រិត្តិការមួយផ្សេងទៀតដែលពាក់ព័ន្ធនោះដែរ ក្រសួងការបរទេសប្រទេស ស៊ុយអែតបានប្រកាសថា មន្ត្រីការបរទេសប្រទេសនេះត្រូវបណ្តេញចេញពីទីក្រុងមូស្កូជាការសងសឹកដល់ប្រទេសនេះដែលអនុម័តការដាក់ទណ្ឌកម្មបន្ថែមទៅលើប្រទេសរុស្ស៊ី។ ភាគីរុស្ស៊ីក៏មិនបានផ្តល់ព័ត៌មានឲ្យបានច្បាស់ពីមូលហេតុបណ្តេញមន្ត្រីការទូតប្រទេសស៊ុយអែតចេញពីទីក្រុងមូស្កូនោះឡើយ ៕
