កិច្ចព្រមព្រៀងបរម៉ាណូអឺរ៉ងបានធ្វើឲ្យទំនាក់ទំនងអាមេរិក អឺរ៉ង អឺរ៉ុប កាន់តែប្រសើរឡើង ហើយពេលនេះរុស្ស៊ីកំពុងបរាជ័យយ៉ាងធ្ងន់បំផុតដោយនឹកស្មានមិនដល់។ កន្លងមកអឺរ៉ុបអាស្រ័យស្ទើតែទាំងស្រុងទៅលើថាមពលនាំចូលពីរុស្ស៊ី តែពេលនេះអឺរ៉ុបអស់កង្វល់ដោយមាន អឺរ៉ងជាអ្នកផ្គត់ផ្គងជំនួសរុស្ស៊ីហើយ។ សកម្មភាពខាងលើជាក៏ដូនយោបាយដ៏ឆ្លាស់វៃរបស់អាមេរិកជូនដល់សម្ព័ន្ធមិត្តអឺរ៉ុបដែលបានចូលរួមដាក់ទណ្ឌកម្មរុស្ស៊ី។
នៅពេលនេះរុស្ស៊ីមិនអាចដាក់គំនៀបទៅលើប្រទេសអឺរ៉ុបតាមរយៈឧស្ម័នហ្គាសទៀតឡើយ ដោយអឺរ៉ុបមានអ្នកផ្គត់ផ្គងថ្មីជំនួសទាំងស្រុង។ តាមគម្រោងបំពង់បង្ហូឧស្ម័នហ្គាសដែលមានឈ្មោះថាដំណើរភាគខាងត្បូងដោយហូឆ្លងកាត់ប្រទេសទួគី ។នៅក្នុងឆ្នាំ២០១៩ អឺរ៉ងនិងចាប់ផ្តើមផ្គត់ផ្គងឲ្យទៅប្រទេសប៊ុលហ្គារីនិងក្រិក ប្រមាណ១០ពាន់លានម៉ែត្រគូបក្នុងមួយឆ្នំា។
រដ្ឋមន្ត្រីក្រសួងការបរទេសអឺរ៉ង លោកMohammad Javad Zarif ធ្លាប់បានប្រកាសថាអឺរ៉ងនឹងផ្គត់ផ្គងឧស្ម័នហ្គាសទាំងស្រុងទៅឲ្យប្រទេសក្នុងតំបន់អឺរ៉ុប បើទោះបីអឺរ៉ងគ្មានបំណងជំនួសដំណែងរុស្ស៊ី ក៏អីរ៉ងត្រូវតែធ្វើដើម្បីសេដ្ឋកិច្ចល្អប្រសើររបស់ខ្លួន។ កាលពីឆ្នាំ២០១៤ប្រធានាធិតីអឺរ៉ងលោក Hassan Rouhani បានប្រកាសថាមិនទាន់គិតដល់ទីផ្សារនៅតំបន់អឺរ៉ុបនៅឡើយដោយសារតែមានការរារាំងជុំវិញកម្មវិធីបរម៉ាណូ និងការដាក់ទណ្ឌកម្មពីលោកខាងលិច។
នោក្នុងស្ថានភាពបច្ចុប្បន្ន នៅពេលដែលទណ្ឌកម្មបានលុបចោលទាំងស្រុងនោះ អឺរ៉ងនិងមានសិទ្ធពេញលិញក្នុងការនាំចេញប្រេងទៅកាន់ទីផ្សារក្នុងតំបន់អឺរ៉ុប។ កន្លងមករដ្ឋមន្ត្រីក្រសួងថាមពលអឺរ៉ងលោកAlexandr Novak ប្រកាសថា កិច្ចព្រមព្រៀងឧស្ម័នជាមួយអ៊ុយក្រែននឹងមិនបន្តទៀតឡើងក្រោយឆ្នាំ២០១៩។ ប៉ុន្តែអ្វីដែលអឺរ៉ុបបានធ្វើនាពេលនេះគឺកំពុងតែសាងសង់បំពង់បង្ហូពីប្រទេសអឺរ៉ងដោយនៅឆ្នាំដូចគ្នានោះ រុស្ស៊ីឈប់អឺរ៉ងចាប់ផ្តើមដំណើរការ។
តាមប្រសាសន៍របស់លោកស្រីJudy Dempsey អ្នកឯកទេសវិភាកនៅមជ្ឈមណ្ឌលCarnegie បញ្ចាក់ថា «អឺរ៉ងត្រូវការប្រាក់វិនិយោគជាច្រើននិងត្រូវការអភិវឌ្ឍន៍ហេដ្ឋារចនាសមព័ន្ធរបស់ខ្លួន ចំណែកអឺរ៉ុបក៏មានបំណងចូលរួមជាមួយអឺរ៉ងដើម្បីទទួលបានផលប្រយោជន៍រៀងៗខ្លួន។
ចូលទៅនឹងការវិភាគខាងលើ លោកDaniel Gros អគ្គនាយកមជ្ឈមណ្ឌលស្រាវជ្រាវប៉ូលិសអឺរ៉ុបបញ្ចាក់ថា «អឺរ៉ងត្រូវការពេលវេលាដើម្បីក្លាយជាអ្នកផ្គត់ផ្គងជំនួសក្រុមហ៊ុនGazprom របស់រុស្ស៊ី។
បច្ចុប្បន្នអឺរ៉ងមានថាមពលឧស្ម័នហ្គាសច្រើនលំដាប់ទី២បន្ទាប់ពីរុស្ស៊ីឈរទី១។ អឺរ៉ងមានហ្គាសប្រមាណ29,6ពាន់ ពាន់លានតោន ស្មើរ១៦ភាគរយនៃការស្តុបឧស្ម័នរបស់ពិភពលោកទំាងមូល។ ជាមួយនិងថាមពលដ៏សម្បូបែបនោះអឺរ៉ុបមិនខ្វល់ពីការខ្វះហ្គាសប្រើប្រាស់ទៀតឡើយក្នុងរដូវរងា។ ទាំងនោះហើយបានធ្វើឲ្យអឺរ៉ុបលុបចោលការដាក់ទណ្ឌកម្មដឹកជញ្ចូនដល់ប្រទេសអឺរ៉ង ប៉ុន្តែបែជាបង្កើតទណ្ឌកម្មទៅលើប្រទេសរុស្ស៊ីទៅវិញ។
ការដាក់ទណ្ឌកម្មទៅលើរុស្ស៊ីនាពេលកន្លងមកបានធ្វើឲ្យសម្ព័ន្ធមិត្តរបស់អាមេរិកនៅអឺរ៉ុបប្រឈមនិងការខាតបង់ជាច្រើនលើវិស័យសេដ្ឋកិច្ច។ ដើម្បីជួយដល់សម្ព័ន្ធមិត្តអាមេរិកបានសម្រេចលុបចូលទណ្ឌកម្មទៅលើប្រទេសមួយចំនួន ហើយបង្កើតទំនាក់ទំនងឲ្យកាន់តែប្រសើរឡើងជាមួយប្រទេសទាំងនោះ។ ជាក់ស្តែងអាមេរិកបង្កើតទំនាក់ទំនងជាមួយគុយបា បានជួយឲ្យក្រុមហ៊ុន អាមេរិកអឺរ៉ុបក៏ដូចជាសម្ព័ន្ធមិត្តនៅក្នុងតំបន់អាស៊ីមានជប៉ុនជាដើម អាចចូលទៅកាន់ទីផ្សាប្រទេសគុយបាជំនួសទីផ្សារនៅក្នុងប្រទេសរុស្ស៊ី។
គ្រាន់តែអាមេរិកបង្កើនទំនាក់ទំនងជាមួយប្រទេសគុយបាវិញប្រទេសជាសម្ព័ន្ធមិត្តអាមេរិកក៏បានចូលទៅកាន់គុយបានជាបន្ទាន់។ ជាក់ស្តែងប្រធានាធិបតីបារាំងក៏បានបំពេញទស្សនកិច្ចជាលើដំបូងទៅកាន់គុយបាចងសម្ព័ន្ធភាពនិងបង្កើតការវិនិយោគបណ្តាក់ទុននៅទីនោះ។
ដោយឡែកប្រទេសអឺរ៉ងវិញក៏ដូចគ្នា គ្រាប់តែចុះកិច្ចព្រមព្រៀងបរម៉ាណូភ្លាមបណ្តាលក្រុមហ៊ុនធំនៅប្រទេសលោកខាងលិចក៏បានចូលទៅកាន់ទីនោះជាបន្ទាន់ផងដែរ។ អឺរ៉ងគឺជាប្រទេសមានភូមិសាស្ត្រនយោបាយដែលមានសក្តានុពលបំផុតនៅតំបន់មជ្ឈឹមបូព៌ានិងជាប្រទេសដើរតួនទីយ៉ាងសំខាន់នៅក្នុងការស្វែងរកសន្តិភាពតំបន់មជ្ឈឹមបូព៌ា។ ទាំងនោះហើយទើបអាមេរិកនិងអឺរ៉ុបសម្រេចចុះកិច្ចព្រមព្រៀងបរម៉ាណូជាមួយអឺរ៉ង ដើម្បីផលប្រយោជន៍សេដ្ឋកិច្ចនយោបាយយ៉ាងសំខាន់របស់លោកខាងលិច និងដើម្បីប៉ះពៅ ដល់ប្រទេសជាសម្ព័ន្ធមិត្ត ទទួលរងការខាតបង់ ដោយចូលរួមដាក់ទណ្ឌកម្មលើរុស្ស៊ី។
អ្នកឯកទេសនយោបាយអាមេរិក បានដឹងយ៉ាងច្បាស់ពីតម្រូវការរបស់ប្រទេសសម្ព័ន្ធមិត្ត ដូច្នេះអាមេរិកមិនអាចទុកឲ្យសម្ព័ន្ធមិត្តត្រូវខាតបង់នោះឡើយពេលចូលរួមជាមួយអាមេរិក ទើបអាមេរិកត្រូវតែរកកន្លែងផ្សេងជំនួសវិញ។ បើអាមេរិកមិនធ្វើដូច្នេះទេ នៅថ្ងៃអនាគត ប្រាកដជាត្រូវបាតបង់សម្ព័ន្ធមិត្ត ហើយអាមេរិកអនុវត្តគោលនយោបាយការបរទេសណាមួយ ដូចជាដាក់ទណ្ឌកម្មទៅលើប្រទេសណាមួយពិបាកគៀងគរសម្ព័ន្ធមិត្តឲ្យចូលរួម។ដូច្នេះពេលនេះអឺរ៉ុបអស់ក្តីកង្វល់ពេលបង្កើនការដាក់ទណ្ឌកម្មលើប្រទេសរុស្ស៊ី។
អ្វីដែលអាមេរិកបានធ្វើនាពេលនេះមិនត្រឹមតែជួយដល់ប្រទេសសម្ព័ន្ធមិត្តប៉ុណ្ណោះទេថែមទាំងកាត់បន្ថយសត្រូវនៅលើពិភពលោកទៀតផងដើម្បីអាមេរិកមានពេលវេលាគ្រប់គ្រប់សម្រាប់ទប់ទល់ជាមួយសត្រូវធំបំផុតរបស់ខ្លួន ដែលអាចដណ្តើមដំណែងមហាអំណាចទីមួយលើពិភពលោក។
ក្រុមអ្នកឯកទេសវិភាគជឿជាក់ថា ការដែលអាមេរិកដាក់ទណ្ឌកម្មទៅលើប្រទេសរុស្ស៊ីបាន អាមេរិកក៏អាចដាក់ទណ្ឌកម្មទៅលើប្រទេសចិនបានដូចគ្នា ក្រោយពេលអាមេរិកស្វែងរកប្រទេសដែលអាចជំនួសកន្លែងរបស់ចិនបាន។ នៅពេលនេះអាមេរិកកំពុងតែធ្វើឲ្យជម្លោះរវាងចិននិងប្រទេសជិតខាងនៅដែនសមុទ្រចិនភាគខាងត្បូងនិងភាគខាងកើតកាន់តែកើនកម្តៅ ហើយអាមេរិកប្រមូលនៅកំហុសរបស់ចិនទាំងប៉ុន្មានដើម្បីដាក់ទណ្ឌកម្មដូចជាបានធ្វើទៅលើប្រទេសរុស្ស៊ីនោះដែរ។ វិបត្តិនៅអ៊ុយក្រែនបានជួយឲ្យអាមេរិកនិងសម្ព័ន្ធមិត្តសម្រេចគោលដៅ ក្នុងការដាក់ទណ្ឌកម្មទៅលើប្រទេសរុស្ស៊ី ដែលជាការចង់បានរបស់លោកខាងលិចជាច្រើនទស្សវត្តិកន្លងមក។
អឺរ៉ុប អាមេរិក មានកន្លែងជំនួស ចំណែករុស្ស៊ីវិញទទួលរងការខាតបង់ជារៀងរាល់ថ្ងៃហើយបើស្ថានភាពនៅតែអូសបន្លាយជាច្រើនឆ្នាំបែបនេះរុស្ស៊ីត្រូវតែអោនក្បាល គោរពអាមេរិកជាមិនខាង បើមិនដូច្នេះទេរុស្ស៊ីនិងក្លាយជាអ្នកដើរសុំទានដូចអ្វីដែលប្រធានាធិបតីពូទីន បានប្រកាសថា«លោកខាងលិចចង់ឲ្យរុស្ស៊ីដើរសុំទានទើបអស់ចិត្ត» ៕
ប្រែសម្រួល៖ ម៉ាវ សាធី
