ការផ្ទុះដែលសង្ស័យថាបណ្តាលមកពីការលេចធ្លាយឧស្ម័នហ្គាស បណ្តាលឱ្យអគារផ្ទះល្វែងសាធារណៈកម្ពស់ 20 ជាន់នៅតំបន់ Bronx ទីក្រុងញូវយ៉ក ដួលរលំនៅព្រឹកថ្ងៃទី 1 ខែតុលា (ម៉ោងនៅសហរដ្ឋអាមេរិក) ។

អាជ្ញាធរបាននិយាយថា មិនមានអ្នកស្លាប់ ឬរបួសនោះទេ ប៉ុន្តែអ្នកស្រុករាប់រយនាក់ត្រូវជម្លៀសចេញ។ យោងតាមនាយកដ្ឋានពន្លត់អគ្គិភ័យញូវយ៉ក (FDNY)បានបញ្ជាក់ថា ឧបទ្ទវហេតុនេះបានកើតឡើងនៅម៉ោងប្រហែល 8 និង10នាទីព្រឹកនៅឯអគារផ្ទះល្វែង Mitchel Houses នៅក្នុងតំបន់ Bronx ។ មូលហេតុដំបូងត្រូវបានគេជឿថាជាបញ្ហាជាមួយបំពង់ខ្យល់ដែលភ្ជាប់ទៅនឹងប្រព័ន្ធ boiler ។ ស្នងការ FDNY លោក Robert Tucker បាននិយាយថា “យើងជឿថាការផ្ទុះបានកើតឡើងនៅក្នុងតំបន់នោះ ប៉ុន្តែការសន្និដ្ឋានចុងក្រោយនឹងត្រូវបានកំណត់ដោយក្រុមស៊ើបអង្កេត” ។
រូបភាពបានបង្ហាញពីជ្រុងមួយនៃអគារដែលត្រូវបានបំផ្លាញ ជញ្ជាំងជាច្រើនបានរបូតចេញនិងស៊ុមដែកដែលបាក់។ កម្ទេចកម្ទីបានធ្លាក់ទៅលើផ្លូវថ្នល់ បង្ខំឱ្យប៉ូលិសបិទតំបន់ទាំងមូល ដើម្បីសុវត្ថិភាព។ ប្រជាពលរដ្ឋដែលរស់នៅក្បែរកន្លែងកើតហេតុបានរៀបរាប់ថាបានឮសំឡេង«ផ្ទុះខ្លាំង» មុនពេលឃើញផ្សែងហុយហុយពេញសង្កាត់។
អភិបាលក្រុងញូវយ៉ក លោក Eric Adams បានបញ្ជាក់ថា មិនមានអ្នករងរបួសទេ ហើយបានហៅវាថា “ពរជ័យមួយក្នុងការក្លែងបន្លំ” ។ អ្នកស្រុកមួយចំនួននៅតំបន់នោះត្រូបានជម្លៀសចេញសម្រាប់ការត្រួតពិនិត្យសុវត្ថិភាពរចនាសម្ព័ន្ធ។ ប្រព័ន្ធហ្គាសទាំងមូលនៃអគារត្រូវបានបិទ ខណៈដែលមជ្ឈមណ្ឌលសហគមន៍ក្នុងតំបន់ និងរថយន្តក្រុង MTA ត្រូវបានប្រើប្រាស់ជាជម្រកបណ្តោះអាសន្នសម្រាប់អ្នករស់នៅក្នុងអគារនេះ៕ ដោយធីរីណា

រូបថត​: vtv