អន្តរជាតិ ៖ ថ្ងៃទី ២៨ ខែវិច្ឆិកា នៅក្រុងប៉េកាំង លោក Wang Yi សមាជិកការិយាល័យ នយោបាយ នៃគណៈកម្មាធិការ មជ្ឈិម បក្សកុម្មុយនីស្ត ចិន និង ជា ប្រធាន ការិយាល័យកិច្ច ការបរទេសនៃ មជ្ឈិម ចិន បាន ជួបពិភាក្សា ការងារ ជាមួយ លោក Jonathan Powell ទីប្រឹក្សា កិច្ចការសន្តិសុខ ជាតិ របស់ នាយករដ្ឋមន្ត្រី អង់គ្លេស ។

       លោក Wang Yi បាន សង្ឃឹម ថាភាគី អង់គ្លេស គិត ពិចារណា ពី ទំនាក់ទំនង រវាង ចិន និង អង់គ្លេស តាម ចក្ខុវិស័យ វែងឆ្ងាយ   ប្រកាន់ អាកប្បកិរិយា ប្រកប ដោយ មេត្រីភាព និង វិចារណាញ្ញាណ ចំពោះ ការអភិវឌ្ឍ របស់ ចិន  គោរព គោលនយោបាយ យ៉ាង សកម្ម និង ពិតជាក់ស្តែង ចំពោះ ប្រទេសចិន ឈានទៅរក ទិសដៅ ដូចគ្នា ជាមួយចិន ដោះស្រាយ បញ្ហា ដោយ ប្រឈម មុខនឹង បញ្ហា ក្តាប់ជាប់ គោលការណ៍ សំខាន់ នៃការធ្វើ សហប្រតិបត្តិការ។

       លោក Wang Yi បាន បកស្រាយ ពន្យល់ពី គោលការណ៍ និង គោលជំហរ របស់ ចិន ក្នុង បញ្ហា ពាក់ព័ន្ធនឹង ជប៉ុន សង្ឃឹមថា ភាគី អង់គ្លេស បន្ត គោរព គោលការណ៍ចិនមួយ រួមគ្នានឹងចិន ដើម្បី ការពារសមិទ្ធផលនៃជ័យជម្នះនៃ សង្គ្រាមលោកលើកទីពីរ ។

      ជាការឆ្លើយតប លោក Jonathan Powell បាន គូសបញ្ជាក់ថា   រដ្ឋាភិបាល គណបក្ស ពលករ អង់គ្លេស មានឆន្ទៈ អភិវឌ្ឍ ទំនាក់ទំនង ជាមួយ ចិន ប្រកប ដោយ ភាពជាប់លាប់ យូរអង្វែង និង យុទ្ធសាស្ត្រ ៕

ប្រភព ៖ (CCFR)