កម្លាំងជំនាញអធិការដ្ឋាននគរបាលស្រុកព្រៃឈរ បង្ក្រាបចាប់ឃាត់ខ្លួន មុខសញ្ញា ០១នាក់ ពាក់ព័ន្ធនឹងគ្រឿងញៀន

ចែករំលែក៖

ខេត្តកំពង់ចាម÷នៅព្រឹកថ្ងៃទី២៩ ខែវិច្ឆិកា ឆ្នាំ២០២៥ វេលាម៉ោង ៨ និង ៥នាទី នៅផ្ទះជនសង្ស័យ ស្ថិតក្នុងភូមិ ​ព្រៃទទឹង  ឃុំជ្រៃវៀន ស្រុកព្រៃឈរ ខេត្តកំពង់ចាម ក្រោយពីទទួលបានព័ត៌មានពីភ្នាក់ងារផ្ដល់ព័ត៌មានភ្លាម កម្លាំងជំនាញអធិការដ្ឋាននគរបាលស្រុកព្រៃឈរ រួមជាមួយប៉ុស្ដិ៍នគរបាលរដ្ឋបាលជ្រៃវៀន ដឹកនាំដោយលោក វរសេនីយ៍ឯក សេង ណា អធិការនគរបាលស្រុកព្រៃឈរ បានបើកកិច្ចប្រតិបត្តិការបង្ក្រាបចាប់ខ្លួនមុខ សញ្ញាចំនួន ០១ នាក់ អាយុ ៣៣ឆ្នាំ ជាតិខ្មែរ មុខរបរ លក់ដូរ មានទីលំនៅភូមិព្រៃទទឹង ឃុំជ្រៃវៀន ស្រុកព្រៃឈរ ខេត្តកំពង់ចាម ។

តាមការឲ្យដឹងពីសមត្ថកិច្ច បញ្ជាក់ថា ការ​ បង្ក្រាប និងឃាត់ខ្លួនមុខសញ្ញាខាងលើ ធ្វើឡើងខណៈពេលដែលមុខសញ្ញា កំពុងនៅក្នុងផ្ទះ ស្ថិតក្នុងភូមិព្រៃទទឹង  ឃុំជ្រៃវៀន ស្រុកព្រៃឈរ ខេត្តកំពង់ចាម។ បន្ទាប់មកសមត្ថកិច្ចបានបំពេញបែបបទតាមនីតិវិធី បញ្ជូនទៅតុលាការ ដោយអនុវត្តតាមដីកាបង្គាប់ឱ្យចាប់ខ្លួនលេខ ១១០៨    /២៥ ចុះថ្ងៃទី២៧ ខែ សីហា ឆ្នាំ២០២៥ ចុះហត្ថលេខា ដោយ លោក ហុង លីផ័ង ចៅក្រមជំនុំជម្រះ នៃសាលាដំបូងខេត្តកំពង់ចាម ដែលត្រូវចោទប្រកាន់ពីបទ ជួញដូរដោយខុសច្បាប់នូវសារធាតុញៀន ប្រព្រឹត្តនៅចំណុចរោងកាត់សក់ស្ថិត នៅភូមិណាំកិន ឃុំមៀន ស្រុកព្រៃឈរ ខេត្តកំពង់ចាម ក្នុងអំឡុងខែមករា និងកាលពីថ្ងៃទី២១ ខែកុម្ភៈ ឆ្នាំ២០២៥ តាមបទបញ្ញត្តិមាត្រា៤០ កថាខណ្ឌទី៣ និងកថាខណ្ឌទី៤នែច្បាប់ស្ដីពីការត្រួតពិនិត្យគ្រឿងញៀន  អនុវត្តន៍ទោស ២ឆ្នាំ ៣ខែ ៕

...

 


ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print