Cristiano Ronaldo បានរកគ្រាប់បាល់ទី 40 របស់គាត់ក្នុងឆ្នាំនេះ ហើយបានខិតទៅជិតដល់ក្តីស្រមៃ 1000គ្រាប់ ក្នុងអាជីពរបស់គាត់។ តារាឆ្នើមសញ្ជាតិព័រទុយហ្គាល់រូបនេះបានស៊ុតបាល់បញ្ចូលទីសម្រាប់ក្រុម Al-Nassr ក្នុងជ័យជម្នះ 3-0 របស់ពួកគេលើក្រុម Al Akhdoud កាលពីរសៀលថ្ងៃសៅរ៍ ដោយធ្វើឱ្យចំនួនសរុបរបស់គាត់កើនឡើងដល់ 956 ។

យុទ្ធនាការដ៏ជោគជ័យបំផុតរបស់គាត់ទាក់ទងនឹងការរកគ្រាប់បាល់ច្រើនបំផុតគឺក្នុងឆ្នាំ 2013 នៅពេលដែលគាត់បានស៊ុតបញ្ចូលទីបាន 63 ដងនៅក្នុងការប្រកួតទាំងអស់សម្រាប់ក្លឹប និងប្រទេស។

Ronaldo ខ្លួនឯងក៏បានចែករំលែកសារជាមួយនឹងអ្នកតាមដាន105លាននាក់នៅលើបណ្ដាញសង្គម X ដោយសរសេរថា ការខិតខំជាផ្លូវទៅរកភាពជោគជ័យ!

ភាពស៊ីសង្វាក់គ្នារបស់កីឡាករវ័យ 40 ឆ្នាំគឺគួរឱ្យកត់សម្គាល់ ហើយឥឡូវនេះគាត់បានស៊ុតបញ្ចូលទីច្រើនជាង 40 ដងក្នុងរយៈពេលដប់បួនឆ្នាំប្រតិទិនផ្សេងៗគ្នាក្នុងអាជីពរបស់គាត់។

Ronaldo ក៏កំពុងតែសម្លឹងរកភាពជោគជ័យធំមួយទៀតដើម្បីលើកពាន World Cup នៅសហរដ្ឋអាមេរិកឆ្នាំក្រោយ ក្នុងពេលជាមួយគ្នានេះ គាត់កំពុងផ្តោតលើការរក្សាទម្រង់លេងដ៏ក្តៅគគុករបស់គាត់សម្រាប់ Al-Nassr ដែលរកបាន 12 គ្រាប់ក្នុង 9 ប្រកួតនៅរដូវកាលនេះ។

Al Nassr កំពុងឈរលើកំពូលតារាងដោយមាន 30 ពិន្ទុពីការប្រកួត 10 លើកដាច់ពីគូប្រជែងធំបំផុត Al Hilal ចំនួន 4ពិន្ទុ។

តាមរយៈការសម្រេចបានជ័យជម្នះ 10 លើកជាប់ៗគ្នា Al Nassr បានវ៉ាដាច់ការចាប់ផ្តើមដ៏ល្អបំផុតពីមុនក្នុងប្រវត្តិសាស្ត្រលីគ — ជ័យជម្នះ 9 លើកជាប់ៗគ្នាដោយ Al Hilal ក្នុងរដូវកាល 2018-2019 ក្រោមការដឹកនាំរបស់គ្រូបង្វឹកសញ្ជាតិព័រទុយហ្គាល់ Jorge Jesus ដែលឥឡូវនេះកំពុងដឹកនាំ Al Nassr ៕