ប្រទេសចិន៖ យោងតាមការចុះផ្សាយរបស់សារព័ត៌មាន CCRF បាននិយាយថា កាលពីថ្ងៃទី២៧ ខែមករា ឆ្នាំ២០២៦ ក្រុមប្រឹក្សាកិច្ចការរដ្ឋចិនបានរៀបចំធ្វើសន្និសីទស្តីពីការងារកសាងឥរិយាបថបក្សស្អាតស្អំលើកទី៤ ។
លោក Li Qiang សមាជិកអចិន្ត្រៃយ៍នៃការិយាល័យនយោបាយនៃគណៈកម្មាធិការមជ្ឈិមបក្សកុម្មុយនីស្តចិននិងជានាយករដ្ឋមន្ត្រីចិនបានគូសបញ្ជាក់ក្នុងសន្និសីទថា ត្រូវប្រកាន់ខ្ជាប់ការចាត់ទុកគំនិតលោក Xi Jinping ស្តីពីសង្គមនិយមប្រកបដោយលក្ខណៈពិសេសចិនក្នុងយុគសម័យថ្មីជាគោលការណ៍ណែនាំ អនុវត្តយ៉ាងស៊ីជម្រៅនូវសុន្ទរកថាគន្លឹះរបស់លោក Xi Jinping អគ្គលេខាធិការនៃគណៈកម្មាធិការមជ្ឈិមបក្សកុម្មុយនីស្តចិន ក្នុងកិច្ចប្រជុំពេញអង្គលើកទី៥នៃគណៈកម្មាធិការត្រួតពិនិត្យវិន័យមជ្ឈិមអាណត្តិទី២០ និងស្មារតីនៃកិច្ចប្រជុំពេញអង្គនេះ ។
អនុវត្តយ៉ាងមុតមាំនូវការរៀបចំចាត់ចែងជាយុទ្ធសាស្ត្រសម្រាប់ជំរុញការគ្រប់គ្រងបក្សយ៉ាងតឹងរ៉ឹងដោយគ្រប់ជ្រុងជ្រោយតាមស្តង់ដារកាន់តែខ្ពស់និងវិធានការកាន់តែប្រាកដប្រជា ជំរុញយ៉ាងមុតមាំមិនងាករេនូវការងាររដ្ឋាភិបាលស្តីពីការកសាងឥរិយាបថបក្សស្អាតស្អំ និងការតស៊ូប្រយុទ្ធប្រឆាំងនឹងអំពើពុករលួយ ដើម្បីផ្តល់ការធានាដ៏រឹងមាំក្នុងការសម្រេចបាននូវភារកិច្ចជាគោលដៅក្នុងដំណាក់កាលអនុវត្ត “ផែនការអភិវឌ្ឍន៍ជាតិ៥ឆ្នាំទី១៥”៕
ដោយ៖តារា
