ភ្នំពេញ៖ សពយុវជនម្នាក់ត្រូវបានបងប្អូនប្រជាពលរដ្ឋប្រទះឃេីញដេកស្លាប់នៅផ្លូវដែកដោយរថភ្លេីងកិនដាច់ខ្លួនជាពីរកំណាត់យ៉ាងអាណិចអាធ័ម។
ហេតុការណ៍នេះបង្កការភ្ញាក់ផ្អេីលកាលពីវេលាម៉ោង៦ព្រឹក ថ្ងៃទី២៤ ខែកុម្ភៈ ឆ្នាំ២០២៦ នៅលេីផ្លូវរថភ្លេីង ភូមិស្រែក្នុង សង្កាត់កន្ទោក ខណ្ឌកំបូល។
ជនរងគ្រោះឈ្មោះម៉េង គឹមលាង ភេទប្រុសអាយុ១៧ ឆ្នាំ មានទីលំនៅភូមិព្រៃស្មិត ឃុំមានជ័យ សាមគ្គីមុនីជ័យ ខេត្តកំពង់ស្ពឺ។
តាមប្រភពព័ត៌មានបានឱ្យដឹងថា មុនពេលកេីតហេតុមានបងប្អូនកម្មកររោងចក្របានធ្វេីដំណេីរទៅធ្វេីការរោងចក្រក៏ប្រទះសពជនរងគ្រោះនៅលេីផ្លូវដែកដោយដាច់ខ្លួនជាពីរកំណាត់ស្លាប់យ៉ាងអាណោចអាធ័ម បន្ទាប់មកក៏រាយការណ៍ទៅសមត្ថកិច្ចចុះទៅពិនិត្យជាក់ស្តែង។
បេីតាមឱ្យដឹងពីសាច់ញាតិជនរងគ្រោះបានឱ្យដឹងថា ជនរងគ្រោះពេលចាកចេញពីផ្ទះមានម៉ូតូមួយគ្រឿងតែពេលស្លាប់មិនឃេីញមានម៉ូតូនៅកន្លែងកេីតហេតុនោះទេ។
ក្រោយកេីតហេតុសពជនរងគ្រោះត្រូវបានសមត្ថកិច្ចប្រគល់ឱ្យសាច់ញាតិយកទៅធ្វេីបុណ្យតាមប្រពៃណី៕
ដោយ៖សុខាសែនជ័យ
