ខេត្តបាត់ដំបង៖ មន្ត្រីនគរបាលខេត្តបាត់ដំបងបានឲ្យ ដឹងនៅថ្ងៃទី៧ ខែមីនានេះថា កាលពីថ្ងៃទី ៥ ខែមីនា ឆ្នាំ ២០២៦ ស្របតាមអនុសាសន៍នាយឧត្តមសេនីយ៍ ស ថេត អគ្គស្នងការនគរបាលជាតិ និងក្រោមការចង្អុលទិសដឹកនាំរបស់លោកឧត្តមសេនីយ៍ទោ ដាញ់ អេងប៊ុនចាន់ ស្នងការនៃស្នងការដ្ឋាននគរបាលខេត្តបាត់ដំបង លោកវរសេនីយ៍ឯក សុខ និមល ស្នងការរងទទួលផែន ការងារប្រឆាំងគ្រឿងញៀន ដោយមានលោកវរសេនីយ៍ទោ ប៉ាន ចាន់រិទ្ធ នាយការិយាល័យដឹកនាំកម្លាំងបង្រ្កាបករណីរក្សាទុក ជួញដូរ និងដឹកជញ្ជូនដោយខុសច្បាប់នូវសារធាតុញៀន ក្នុងក្រុងបាត់ដំបង បន្ទាប់ពីបានការសម្របសម្រួលលើនីតិវិធី ពីលោក មាស ចន័្ទពិសិដ្ឋ ព្រះរាជអាជ្ញានៃអយ្យការអមសាលាដំបូងខេត្តបាត់ដំបងផងនោះដោយឃាត់ខ្លួនមុខសញ្ញាចំនួន ០៤នាក់គឺ៖
១-ឈ្មោះ រឿប រ៉ាវតី ហៅតេតេ ភេទប្រុស អាយុ ៣៤ឆ្នាំរស់នៅភូមិព្រៃដាច់ សង្កាត់អូរម៉ាល់ ក្រុងបាត់ដំបង។
២-ឈ្មោះ សែ សុផល ហៅសុង ភេទប្រុស អាយុ ៤៥ ឆ្នាំ រស់នៅភូមិសាលាបាឡាត់ សង្កាត់អូរម៉ាល់ ក្រុងបាត់ដំបង។
៣-ឈ្មោះ សន វារៈហៅ ចិន ភេទប្រុសអាយុ ២២ឆ្នាំ រស់នៅភូមិអូរតាគាំ១ សង្កាត់ទួលតាឯក ក្រុងបាត់ដំបង
៤-ឈ្មោះ តាំង ផាត់សម័យ ភេទប្រុស អាយុ ២៦ ឆ្នាំ រស់នៅភូមិទួលតាឯក សង្កាត់ទួលតាឯក ក្រុងបាត់ដំបង
-ដកហូតសម្ភារៈបាន៖
-ថ្នាំញៀនប្រភេទមេតំហ្វេតាមីន ម៉ាទឹកកក ICE ចំនួន ០៩ថង់ទម្ងន់ ៥២៦,៨០ក្រាម(ថ្នាំសុទ្ធ)
-ថ្នាំញៀនប្រភេទកេតាមីនKetamine ចំនួន ១៦កញ្ចប់ ទម្ងន់២៤,៨២ក្រាម(ថ្លឺងទាំងសំបក)
-ជញ្ជីងសម្រាប់ថ្លឹងថ្នាំញៀន-ម៉ូតូ-ទូរស័ព្ទដៃ
-ថង់តូចៗនិងសម្ភារៈសម្រាប់ប្រើប្រាស់គ្រឿងញៀនមួយចំនួនទៀត។
ក្នុងចំណោមមុខសញ្ញាទាំងនេះ ឈ្មោះ រឿប រ៉ាវតី មានដីកាបង្គាប់ឱ្យចាប់ខ្លួនរបស់ចៅក្រមស៊ើបសួរ នៃសាលាដំបូងខេត្តបាត់ដំបង ក្នុងករណីគ្រឿងញៀនកាលពីឆ្នាំ ២០២៥ ផងដែរ។
ពេលនេះជនសង័្សយនិងវត្ថុតាងនគរបាលកំពុងរៀបចំសំណុំរឿងបញ្ជូនទៅសាលាដំបូងខេត្តបាត់ដំបង ដើម្បីអនុវត្តទៅតាមផ្លូវច្បាប់៕
