ទីក្រុងហៃគូ៖ ក្នុងឱកាសនៃដំណើរទស្សនកិច្ចការងារនៅខេត្តហៃណន សាធារណរដ្ឋប្រជាមានិតចិន លោក ហួត ហាក់ រដ្ឋមន្រ្តីក្រសួងទេសចរណ៍ នៅថ្ងៃទី២០ ខែឧសភា ឆ្នាំ២០២៦ បានជួបពិភាក្សាការងារ និងផ្លាស់ប្តូរយោបល់ជាមួយលោកស្រី Lin Qian ប្រធានការិយាល័យការបរទេសក្រុងហៃគូ និងលោក អុីវ សុខុម អគ្គកុងស៊ុលកម្ពុជាប្រចាំខេត្តហៃណាន លើការជំរុញការផ្សព្វផ្សាយសក្តានុពលទេសចរណ៍ និងកាលានុវត្តភាពវិនិយោគដ៏ទាក់ទាញរបស់កម្ពុជាដល់ប្រជាជននៅខេត្តហៃណាន។
ទន្ទឹមនឹងនេះដែរ លោករដ្ឋមន្រ្តី ក៏បានគូសបញ្ជាក់អំពី សេចក្តីសម្រេចដ៏សំខាន់របស់រាជរដ្ឋាភិបាលកម្ពុជាក្នុងការលើកលែងទិដ្ឋាការសម្រាប់ប្រជាជនចិនមកទស្សនាកម្ពុជារយៈពេល១៤ថ្ងៃចាប់ពីថ្ងៃទី១៥ ខែមិថុនា ដល់ថ្ងៃទី១៥ ខែតុលា ឆ្នាំ២០២៦ នាពេលខាងមុខ៕ដោយ៖តារា
