យុវជនម្នាក់នៅទីក្រុងPittsburgh អាមេរិកបានសម្លាប់អតីតមិត្តស្រីដោយសារតែមិនដាក់ឈ្មោះកូនដោយយកត្រកូលខាងឪពុក ។ លោកCesar Mazza អាយុ២៥ឆ្នាំកំពុងប្រឈមនិងការចោទប្រកាន់ពីបទសម្លាប់មនុស្ស និងការចាប់ជំរិត ។
ប៉ូលិសបានឲ្យដឹងថា កាលពីថ្ងៃទី៦ខែឧសភា លោកMazza បានយកកូនប្រុសទើបតែអាយុ៣ខែទីកន្លែងចិញ្ចឹមទារកទៅផ្ទះម្តាយបង្កើត។ នៅលើខ្លួនក្មេងប្រុសនាពេលនោះមានប្រលាក់ឈាម ។
លោកបន្តទៀតថា ពេលនោះលោកត្រូវអតីតមិត្តស្រីនាងTionna Banks អាយុ១៩ឆ្នាំ វាយប្រហារ។
ក្រោយមកប៉ូលិសក៏បានដឹងថាគឺបុរសដែលជាអតីតសង្សាចាក់នាងរហូតដល់ទៅ១៥កាំបិត ហើយថែមទាំងសម្លាប់លោកយាយរបស់នាង អាយុ៧២ឆ្នាំទៀតផង ។
សាកសពរបស់នាងBaml និងលោកយាយCrumpton ត្រូវបានគេរកឃើញនៅថ្ងៃទី៧ខែឧសភា។ តាមការសារភាពរបស់ជនជាប់ចោទពេលដំបូងបង្ករឲ្យមានហេតុការអាក្រក់ខាងលើកើតឡើងដោយសារតែនាងជាអតីតសង្សាមិនដាក់ឈ្មោះកូនយកត្រកូលខាងឪពុកCesar Mazza៕
ប្រែសម្រួល៖ ម៉ែវ សាធី
