ខេត្តបាត់ដំបង÷មន្ត្រីស្រុកឯកភ្នំបានឲ្យដឹងនៅថ្ងៃទី ២៦ ខែកក្កដានេះថា កាលពីថ្ងៃទី២៥ ខែកក្កដា ឆ្នាំ២០២៦ វេលាម៉ោងប្រមាណ ១៣:០០នាទី នៅចំណុចភូមិសំរោងតាកុក ឃុំសំរោងក្នុង ស្រុកឯកភ្នំ ខេត្តបាត់ដំបង លោកវរសេនីយ៍ឯក ឆាយ ម៉ាប់ អធិការនគរបាលស្រុកឯកភ្នំ ដឹកនាំកម្លាំងផ្នែកជំនាញនគរបាលយុត្តិធម៌រួមសហការជាមួយកម្លាំងនគរបាលក្រុងបាត់ដំបង ដែលមានលោវរសេនីយ៍ឯក ពេជ្រ សារ៉ែន អធិការនគរបាលក្រុង ស្រាវជ្រាវនិងបង្រ្កាបបានក្រុមលួចទ្រព្យសម្បត្តិរបស់ប្រជាពលរដ្ឋនៅក្នុងមូលដ្ឋានកាលពីថ្ងៃទី ២៣ ខែ កក្កដា ឆ្នាំ ២០២៦ នៅចំណុចក្រុមទី១៧ ភូមិសំរោងតាកុក ឃុំសំរោងក្នុង ស្រុកឯកភ្នំ ខេត្តបាត់ដំបង។
ជនសង្ស័យចំនួន ០៣នាក់នោះគឺ៖
១-ឈ្មោះសិទ្ធ វិសាល ភេទប្រុស អាយុ២៥ឆ្នាំមានទីលំនៅភូមិសំរោងតាកុក ឃុំសំរោងក្នុង ស្រុកឯកភ្នំបាត់ដំបង ។
២-ឈ្មោះឆេង វិចិត្រ ភេទប្រុស អាយុ២៩ឆ្នាំមានទីលំនៅភូមិសំរោងតាកុក ឃុំសំរោងក្នុង ស្រុកឯកភ្នំបាត់ដំបង ។
៣-ឈ្មោះ ស៊ុំ សំអុន ភេទប្រុស អាយុ៤២ឆ្នាំមានទីលំនៅភូមិរំចេក៤ សង្កាត់រតនះ ក្រុងបាត់ដំបង។
-វត្ថុតាងដកហូតរួមមាន
១-ម៉ូតូចំនួន ០១គ្រឿងម៉ាក Wave ពណ៌ខ្មៅស៊េរីចាស់ គ្មានផ្លាកលេខ ។
២-មួកមនុស្សស្រីចំនួន១ ដែលជនសង្ស័យពាក់ធ្វើសកម្មភាព។
ពេលសាកសួរនៅអធិការដ្ឋាននគរបាលស្រុកពួកគេបានឆ្លើយសារភាពថា ពិតជាបានធ្វើសកម្មភាព ចូលទៅលួចកាត់យកខ្សែភ្លើងពីក្នុងលំនៅដ្ឋានរបស់ប្រជាពលរដ្ឋនៅចំ ណុចខាងលើពិតមែន ហើយពេលនេះនគរបាលស្រុកបានរៀបចំកសាងសំណុំរឿងបញ្ជូនមកកាន់ការិយាល័យជំនាញ ចាត់ការតាមនីតិវិធី ៕
