រថយន្ត​តូ​យូ​តា​ដឹកឈើ​ប្រណីត​អស់លក្ខណ៍​ត្រូវ​បាន​នគរបាល​សេដ្ឋកិច្ច​ខេត្ត​បង្ក្រាប​បាន

ចែករំលែក៖

​ខេត្ត​រតនគីរី​ ៖​ រថយន្ត​ម៉ាក​តូ​យូ​តា​ មួយ​បាំង​កន្លះ​មួយ​គ្រឿង​ ពណ៌​ស​ ពាក់​ស្លាក​លេខ​ រតនគិរី​ 2A-0029​ មិន​ស្គាល់​អត្តសញ្ញាណ​អ្នកបើកបរ​ ផ្ទុក​ឈើ​ប្រណីត​ពេញ​ប្រៀប​ ប្រភេទ​ធ្នង់​សុទ្ធ​ (​មុខកាត់​ចម្រុះ​)​ ត្រូវ​បាន​កម្លាំង​សមត្ថកិច្ច​ នគរបាល​ប្រឆាំង​បទល្មើស​សេដ្ឋកិច្ច​ខេត្ត​ សហការ​ជាមួយ​ កម្លាំងយោធា​ស្រុក​អូរ​ជុំ​ស្ទាក់​ចាប់​បាន​នៅ​វេលា​ម៉ោង​៧​ និង​៣០​នាទី​យប់​ ថ្ងៃ​ទី​៣០​ ខែមេសា​ ឆ្នាំ​២០១៥​ ត្រង់​ចំណុច​ភូមិ​ចា​អ៊ុ​ង​កាវ​ឃុំ​ចា​អ៊ុ​ង​ ស្រុក​អូរ​ជុំ​ ខេត្តរតនគិរី​។​ ​តាម​ប្រភព​ពី​នគរបាល​ប្រឆាំង​បទល្មើស​សេដ្ឋកិច្ច​ខេត្ត​ ដែល​ចុះ​បង្ក្រាប​បាន​ឲ្យ​ដឹង​ថា​ កាលពី​វេលា​ម៉ោង​ខាងលើ​ ដោយ​បាន​ទទួល​ព័ត៌មាន​ពី​ភ្នាក់ងារ​សម្ងាត់​ របស់​លោក​ឈាន​ទៅ​ស្ទាក់​ចាប់​រថយន្ត​ដឹក​បទល្មើស​ ដែល​លោក​ឆត្រ​ខាងលើ​ដឹក​ជញ្ជូន​ចេញពី​ស្រុក​វ៉ើ​ន​សៃ​ ឆ្ពោះ​មក​កាន់​ក្រុង​បាន​លុង​ និង​បន្ត​ទៅ​លក់​នៅ​ប្រទេស​វៀតណាម​ ហើយ​កម្លាំង​ក៏​បាន​ពួនស្ទាក់​ចាប់​បាន​ភ្លាមៗ​ នៅ​នឹង​កន្លែង​តែ​ម្តង​។​ ​ក្រោយ​ពី​បង្ក្រាប​បាន​រថយន្ត​ដឹកឈើ​ប្រណីត​ម្ចាស់​រថយន្ត​ឃើញ​សភាព​មិន​ស្រួល​ ក៏​បើកទ្វារ​រត់គេច​ខ្លួន​បាត់​ស្រមោល​ បន្សល់​ទុក​រថយន្ត​ និង​ឈើ​ប្រណីត​ ហើយ​សមត្ថកិច្ច​ជំនាញ​ធ្វើ​សំណុំ​បែបបទ​ប្រគល់​ឲ្យ​ផ្នែក​រដ្ឋបាល​ព្រៃឈើ​ដើម្បី​ចាត់ការ​បន្ត​តា​ច្បាប់​ព្រៃឈើ​ ៕​
Ratanakiri-wood


ចែករំលែក៖
ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print