ប្រជាពលរដ្ឋ​សប្បាយចិត្ត​ដែល​សមត្ថកិច្ច​បង្ក្រាប​ទូ​ហ្គេ​ម​គ្រប់​ប្រភេទ​បាន​៤១​គ្រឿង​ ឃាត់​ក្មេង​គេច​សាលា​៤៣​នាក់

ចែករំលែក៖

​ក្រុង​ប៉ោយ​ប៉ែ​ត​ ៖​ ប្រជាពលរដ្ឋ​នៅ​ក្រុង​ប៉ោយ​ប៉ែ​ត​ មានការ​សប្បាយចិត្ត​ ចំពោះ​សមត្ថកិច្ច​ ដែល​ប​ង្គ្រា​ប​ទូ​ហ្គេ​ម​១​កន្លែង​ បាន​ចំនួន​៤១​គ្រឿង​ និង​ក្មេងៗ​ដែល​ចូល​លេង​ហ្គេ​ម​ចំនួន​៤៣​នាក់​ កាលពី​រសៀល​ថ្ងៃ​ទី​១​ ខែឧសភា​ ឆ្នាំ​២០១៥​ នៅ​ខាងកើត​វត្ត​បា​លិ​លេ​យ្យ​ ឋិត​ក្នុងភូមិ​ក្បាលស្ពាន​២​ សង្កាត់​-​ក្រុង​ប៉ោយ​ប៉ែ​ត​ ខេត្តបន្ទាយមានជ័យ​ ។​ ​លោក​ អ៊ឹ​ង​ សុ​ភារៈ​ នាយ​ប៉ុស្តិ៍​រដ្ឋបាល​ប៉ោយ​ប៉ែ​ត​ បាន​ប្រាប់​ថា​ ក្រោយ​ពី​ទទួល​បទបញ្ជា​ពី​លោក​អធិការ​ក្រុង​ប៉ោយ​ប៉ែ​ត​ អ៊ុំ​ សុផល​ លោក​បាន​ចុះ​ប្រ​តិ​បត្ត​ការ​បង្ក្រាប​ទៅ​លើ​លំនៅ​ឋាន​១​កន្លែង​ ដែល​បាន​លួច​បើក​នៅ​លើ​ផ្ទះ​ឈើ​ ដំបូល​ស​ង្ក័​សី​ រឹបអូស​វត្ថុ​តាង​ដូច​ជា​ទូ​ហ្គេ​ម​ចំនួន​៤១​គ្រឿង​ និង​ឃាត់​ក្មេង​ប្រុសៗ​ចំនួន​៤៣​នាក់​ ដែល​ម្ចាស់ផ្ទះ​មាន​ ឈ្មោះ​ លឹ​ម​ ហេង​ ភេទ​ប្រុស​ អាយុ​២៩​ឆ្នាំ​ រស់នៅ​ក្នុងភូមិ​កើតហេតុ​។​ ​ លោក​បន្ត​ថា​ នៅ​ក្នុង​ប្រ​តិ​បត្ត​ការ​នោះ​បន្ទាប់​ពី​ទទួល​ព័ត៌មាន​ពី​អ្នកស្រុក​ និង​ទទួលបញ្ជា​ពី​លោក​អធិការ​ក្រុង​លោក​ដឹកនាំ​កម្លាំង​ចុះ​ប្រ​តិ​បត្ត​ការ​តែ​ម្ដង​។​ ​ លោក​បញ្ជាក់​ថា​ បន្ទាប់​ពីរ​កា​ដក់ហូត​វត្ថុ​តាង​ និង​ម្ចាស់ផ្ទះ​រួម​ទាំង​ក្មេង​ដែល​មក​លេង​ហ្គេ​ម​នៅ​ចំណុច​ខាងលើ​នោះ​ និង​ធ្វើ​របាយការណ៍​បញ្ជូន​ទៅ​អធិការ​ដើម្បី​ចាត់ការ​ទៅ​តាម​ច្បាប់​។​ ​ លោក​ អ៊ុំ​ សុផល​ អធិការ​ក្រុង​ប្រាប់​ថា​ ចំពោះ​ករណី​ខាងលើ​នេះ​ក្មេងៗ​ក្រោម​អាយុ​១៥​ឆ្នាំ​ លោក​ និង​ឲ្យ​ពួក​គេ​ធ្វើ​កិច្ចសន្យា​ និង​ឲ្យ​ឪពុក​ម្ដា​យមក​ធានា​ខុស​ត្រូវ​យក​ទៅ​អបរំ​ ។​ ចំណែក​ក្មេង​ដែល​មាន​អាយុ​លើស​ពី​១៥​ឆ្នាំ​ លោក​នឹង​វិភាគ​ទៅ​លើ​ទឹកនោម​ បើ​ឃើញ​សារធាតុ​ញៀន​លោក​នឹង​ធ្វើ​សំណុំ​ឯកសារ​បញ្ជូន​ទៅ​ស្នងការ​ខេត្តបន្ទាយមានជ័យ​ និង​យក​ពួក​គេ​ទៅ​មណ្ឌល​កែប្រែ​ ។​ ​ ប្រភព​ពី​អ្នកស្រុក​កន្លែង​កើតហេតុ​និយាយ​ថា​ ពួក​គាត់​មានការ​ត្រេកអរ​ជា​ខ្លាំង​ចំពោះ​ចំណាត់ការ​របស់​សមត្ថកិច្ច​បង្ក្រាប​ល្បែង​ហ្គេ​ម​តាម​ប្រព័ន្ធ​អ៊ី​ន​ធី​ណេ​ត​ល្បែង​ទាំងនេះ​ ហើយ​បាន​ធ្វើ​ឲ្យ​ក្មេងៗ​សិស្សសាលា​វក់​មក​លេង​គ្មាន​គិត​ពី​កា​រៀនសូត្រ​ ។​ ចំណែក​ក្មេង​១​ចំនួន​ទៀត​ ដោយសារ​តែ​ល្បែង​ហ្គេ​ម​ចេះ​លួច​ប្រាក់​ឪពុក​ម្ដាយ​ដើម្បី​មក​លេង​ខ្លះ​ទៀត​បែកគំនិត​លួច​ឆក់​ និង​អំពី​ផ្សេងៗ​ដែល​បង្ក​ដល់​អសន្តិសុខ​សង្គម​ ។​ ​ ពាក់ព័ន្ធ​ទៅ​នឹង​ល្បែង​គ្រប់​ប្រភេទ​នៅ​ក្រុង​ប៉ោយ​ប៉ែ​ត​ប្រជាពលរដ្ឋ​សូម​ឲ្យ​សមត្ថកិច្ច​បង្ក្រាប​ឲ្យ​ដូច​ភ្លៀងរលឹម​ កុំ​ឲ្យ​ប្រកាន់​បក្ខពួក​និយម​ ដោយ​កុំ​ឲ្យ​បង្ក្រាប​តែ​អ្នក​ដែល​គ្មាន​ខ្សែ​ ឬ​ខ្នងបង្អែក​ បើសិនជា​សមត្ថកិច្ច​ធ្វើ​បាន​ពួក​គាត់​មានកា​ត្រេកអរ​ដែល​អនុវត្ត​បាន​ខ្ជាប់ខ្ជួន​នូវ​គោ​លន​យោ​យ​បាយ​ភូមិ​-​សង្កាត់​មាន​សុវត្ថិភាព​ ៕​
game-poypet


ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print